Header Ads

ສສຊ, ສສຂ ເຂດເລືອກຕັ້ງທີ່ 7 ແຂວງໄຊຍະບູລີໄດ້ລົງເຜີຍແຜ່ຜົນສຳເລັດ ຂອງກອງປະຊຸມ ສະໄໝສາມັນເທື່ອທີ່ 2 ຂອງສະພາແຫ່ງຊາດຊຸດທີ່ 8 ຢູ່ເມືອງເງິນ

ວັນທີ່ 21  ກຸມພາ 2017 ນີ້ ຢູ່ທີ່ເມືອງເງິນ ແຂວງໄຊຍະບູລີ ທາງຄະນະສະມາຊິກສະພາແຫ່ງຊາດ ເຂດເລືອກຕັ້ງທີ່ 7 ແຂວງໄຊຍະບູລີ ແລະ ສະມາຊິກສະພາປະຊາຊົນຂັ້ນແຂວງ ໄດ້ລົງເຜີຍແຜ່ຜົນສຳເລັດ ຂອງກອງປະຊຸມ ສະໄໝສາມັນເທື່ອທີ່ 2 ຂອງສະພາແຫ່ງຊາດຊຸດທີ່ 8 ແລະ ກອງປະຊຸມສະໄໝສາມັນເທື່ອທີ່ 2 ຂອງສະພາປະຊາຊົນຂັ້ນແຂວງ ຊຸດທີ່ 1  ເຊີ່ງມີຢູ່ 3 ຈຸດ ທົ່ວເມືອງ: ຈຸດທີ່ 1 ຢູ່ສະໂມສອນເມືອງ, ຈຸດທີ່ 2 ຢູ່ ກຸ່ມປາງບົງ, ຈຸດທີ່ 3 ຢູ່ບ້ານໂຮມໄຊ(ກຸ່ມບ້ານທອງ).ເຊີ່ງມີ ພະນັກງານ, ທະຫານ, ຕຳຫຼວດ ແລະ ພໍແມ່ປະຊາຊົນເຂົ້້າຮ່ວມຢ່າງຫຼວງຫຼາຍ.

ການເຜີຍແຜ່ຜົນສຳເລັດ ຂອງກອງປະຊຸມ ສະໄໝສາມັນເທື່ອທີ່ 2 ຂອງສະພາແຫ່ງຊາດຊຸດທີ່ 8 ໃນຄັ້ງນີ້ ແມ່ນເພື່ອແນ່ໃສ່ເຮັດໃຫ້ພະນັກງານ, ທະຫານ, ຕຳຫຼວດ ແລະ ພໍ່ແມ່ປະຊາຊົນບັນດາເຜົ່າ ໄດ້ຮັບຮູ້ເນື້ອໃນ ແລະ ຜົນສຳເລັດ ທີ່ສະພາແຫ່ງຊາດ, ກໍ່ຄືສະພາປະຊາຊົນຂັ້ນແຂວງ ຍາດມາໄດ້ໃນໄລຍະຜ່ານມາ ເປັນຕົ້ນແມ່ນແຜນພັດທະນາເສດຖະກິດສັງຄົມ, ແຜນງົບປະມານ, ຜົນການກວດສອບການໃຊ້ຈ່າຍງົບປະມານ, ຮັບຟັງການຕິດຕາມກວດກາ ຜົນກະທົບການນຳໃຊ້ເຄມີ ເຂົ້າໃນການຜະລິດ ທີ່ບໍ່ຖືກຕ້ອງຕາມຫຼັກວິຊາການ ເຮັດໃຫ້ມີຜົນກະທົບຕໍ່ສີ່ງແວດລ້ອມ, ຮັບຟັງການເຄື່ອນໄຫວຂອງອົງການໄອຍາການ ສານປະຊາຊົນ.

ຈາກນັ້ນກໍ່ໄດ້ຮັບຟັງການສະເໜີຄຳຄິດເຫັນຂອງພະນັກງານ, ທະຫານ-ຕຳຫຼວດ ແລະ ປະຊາຊົນບັນດາເຜົ່າ ໂດຍສະເພາະສະເໜີໃຫ້ທາງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຊ່ວຍປັບປຸ່ງເສັ້ນທາງຊອຍ ພາຍໃນບ້ານ, ປັບປຸງອາຄານຮຽນ, ແລະ ຄາລາຜົນຜະລິດຕົກຕໍ່າ.
ໂດຍ: ສຸລິຍາ ແສງເດືອນ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





loading...

No comments

Powered by Blogger.