Header Ads

ປະທານປະເທດ ແຫ່ງ ສປປ ລາວ ພົບປະກັບ ນາຍົກ ລັດຖະມົນຕີ ແຫ່ງ ຣາຊະອານາຈັກ ກຳປູເຈຍ

Image may contain: 1 person, table and indoor


ລັດຖະບານ: ໃນວັນທີ 22 ກຸມພາ 2017, ທີ່ ວັງສັນຕິພາບ, ຣາຊະອານາຈັກ ກຳປູເຈຍ, ທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ໄດ້ພົບປະກັບ ສົມເດັດ ອັກຄະມະຫາເສນາບໍດີ ເຕໂຈຮຸນແຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ, ໃນໂອກາດເດີນທາງຢ້ຽມຢາມລັດຖະກິດ ທີ່ ຣາຊະອານາຈັກ ກຳປູເຈຍ ລະຫວ່າງວັນທີ 22-23 ກຸມພາ 2017 ຕາມການເຊື້ອເຊີນຂອງ ພະມະຫາກະສັດ ແຫ່ງ ຣາຊະອານາຈັກ ກຳປູເຈຍ.

Image may contain: 4 people

Image may contain: 3 people, people standing and suit

ໃນການພົບປະຄັ້ງນີ້, ທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ໄດ້ນຳເອົາຄວາມຢື້ຢາມຖາມຂ່າວ ຈາກທ່ານນາ ຍົກລັດຖະມົນຕີ ແລະ ການນຳລັດຖະບານ ແຫ່ງ ສປປ ລາວ ເຖິງ ສົມເດັດ ຮຸນແຊນ, ພ້ອມທັງແຈ້ງສະພາບການໂດຍຫຍໍ້ ຂອງການພັດທະນາເສດຖະກິດ-ສັງຄົມໃນລາວ. ໃນໂອກາດດັ່ງກ່າວ, ທ່ານ ບຸນຍັງ ວໍລະຈິດ ກໍໄດ້ສະແດງຄວາມຊົມເຊີຍ ຕໍ່ຜົນສຳເລັດ ໃນການພັດທະນາເສດຖະກິດ-ສັງຄົມ ທີ່ລັດຖະບານ ແລະ ປະຊາຊົນກຳປູເຈຍ ຍາດມາໄດ້ໃນໄລຍະຜ່ານມາ; ສະແດງຄວາມຊົມເຊີຍຕໍ່ຜົນສຳເລັດ ຂອງກອງປະຊຸມໃຫຍ່ ວິສາມັນທົ່ວປະເທດ ຄັ້ງທີ 40 ຂອງພັກປະຊາຊົນກຳປູເຈຍ ທີ່ໄດ້ຈັດຂຶ້ນ ໃນທ້າຍເດືອນທັນວາ 2016 ຜ່ານມາ; ທ່ານ ໄດ້ຕີລາຄາສູງ ຕໍ່ຜົນການຢ້ຽມຢາມ ແລະ ເຮັດວຽກຢູ່ ສປປ ລາວ ຂອງສົມເດັດ ຮຸນແຊນ ໃນໄລຍະຜ່ານມາ ແລະ ການເຂົ້າຮ່ວມພິທີເປີດດ່ານສາກົນ ໜອງນົກຂຽນ-ຕຣາປຽງກຣຽນ ຢ່າງເປັນທາງການ ໃນວັນທີ 10 ມັງກອນ 2017; ແລະ ຕີລາຄາສູງຕໍ່ການພົວພັນສອງປະເທດ ທີ່ນັບມື້ນັບເລິກເຊິ່ງ ແລະ ກວ້າງຂວາງ ໃນຫລາຍລະດັບເຊັ່ນ: ການຢ້ຽມຢາມທາງການ ຣາຊະອານາຈັກ ກຳປູເຈຍ ຂອງ ທ່ານ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໃນທ້າຍເດືອນມັງກອນ 2017 ຜ່ານມາ.

Image may contain: 2 people, people standing and suit

ພ້ອມກັນນັ້ນ, ສອງຝ່າຍ ໄດ້ສະແດງຄວາມຊົມເຊີຍ ຕໍ່ຜົນສຳເລັດທີ່ຍາດມາໄດ້ ໃນໄລຍະຜ່ານມາ ໃນຂອບການຮ່ວມມືສອງຝ່າຍ ລາວ-ກຳປູເຈຍ ເຊັ່ນ: ການເປີດນຳໃຊ້ດ່ານສາກົນ ໜອງນົກຂຽນ-ຕຣາປຽງກຣຽນ ຢ່າງເປັນທາງການ ແລະ ການເລີ່ມນຳໃຊ້ໜັງສືຜ່ານແດນຮ່ວມກັນ ລະຫວ່າງ ລາວ ແລະ ກຳປູເຈຍ ໃນເດືອນມັງກອນ 2017 ຜ່ານມາ ເພື່ອອຳນວຍຄວາມສະດວກ ໃນການໄປມາຫາສູ່ກັນ ຂອງປະຊາຊົນສອງປະເທດ ແລະ ການຄ້າ-ການຂົນສົ່ງ ຢູ່ຕາມບໍລິເວນຊາຍແດນ ໃຫ້ມີຄວາມສະດວກ, ວ່ອງໄວ ແລະ ເປັນລະບົບຍິ່ງຂຶ້ນ; ສອງຝ່າຍ ຍັງໄດ້ເປັນເອກະພາບ ໃນການເພີ່ມທະວີການຮ່ວມມືກັນ ເພື່ອຮັກສາຄວາມສະຫງົບ ຕາມບໍລິເວນຊາຍແດນ, ພ້ອມກັນສະກັດກັ້ນການເຄື່ອນໄຫວ ຂອງພວກຄົນບໍ່ດີ, ການລັກລອບຂົນສົ່ງຢາເສບຕິດ, ການຄ້າມະນຸດ, ການຄ້າຂາຍໄມ້ເຖື່ອນ ແລະ ບັນດາປະກົດການຫຍໍ້ທໍ້ອື່ນໆ; ແລະ ສອງຝ່າຍ ໄດ້ສະແດງຄວາມຊົມເຊີຍ ຕໍ່ຄວາມຄືບໜ້າຂອງວຽກງານຊາຍແດນ ທີ່ສອງຝ່າຍໄດ້ຮ່ວມກັນສຳຫລວດ ແລະ ປັກຫລັກໝາຍຊາຍແດນ ສຳເລັດເປັນສ່ວນໃຫຍ່ ແລະ ສະເໜີໃຫ້ສອງຝ່າຍສືບຕໍ່ຊຸກຍູ້ ໜ່ວຍງານທີ່ກ່ຽວຂ້ອງ ຮີບຮ້ອນຮ່ວມມືກັນແກ້ໄຂ ບັນຫາທີ່ຄົງຄ້າງ ບົນຈິດໃຈທີ່ເປັນຍາດພີ່ນ້ອງ ບ້ານໃກ້ເຮືອນຄຽງດ້ວຍກັນ. ໃນໂອກາດດຽວກັນນີ້ິ, ສອງຝ່າຍ ຍັງໄດ້ແລກປ່ຽນຄຳຄິດຄຳເຫັນ ຕໍ່ກັບສະພາບການ ຢູ່ໃນພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ.

ຂ່າວ: ຂປລ, ພາບ: SPM PAGE and Lao Airlines

Image may contain: one or more people and outdoor


Image may contain: 2 people, people standing

Image may contain: 2 people, outdoor

Image may contain: aeroplane
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



loading...

No comments

Powered by Blogger.