Header Ads

ທີ່ສຸດແຫ່ງແຟຊັນ, ສິນລະປະ ແລະ ເຕັກໂນໂລຊີ: ວິທີການຂອງຫົວເຫວີຍ ໃນການເປັນຜູ້ນຳການປະຕິວັດຮູບແບບໃນການສ້າງນະວັດຕະກຳສະມາດໂຟນ

ເລີ່ມຕົ້ນປີໄດ້ບໍ່ດົນ, ຫົວເຫວີຍ ຜູ້ນຳດ້ານນະວັດຕະກໍາສະມາດໂຟນຊັ້ນນຳລະດັບໂລກ ກໍ່ໄດ້ສ້າງຊື່ສຽງໃຫ້ຕົວເອງໄດ້ສໍາເລັດ! ດ້ວຍການເຈາະເລິກເຂົ້າເຖິງກຸ່ມຄົນທີ່ມີຄວາມມັກຮັກໃນເຕັກໂນໂລຊີແບບສຸດໆ. ເມື່ອຫົວເຫວີຍໄດ້ເປີດໂຕຜະລິດຕະພັນໃໝ່ອອກມາ, ເຊິ່ງເປັນຜະລິດຕະພັນທີ່ມີເອກະລັກບໍ່ຊໍ້າໃຜ ພາຍໃຕ້ການຮ່ວມມືກັບສຸດຍອດທາງດ້ານ fashion ແລະ ສິນລະປະທີ່ມີຊື່ສຽງລະດັບໂລກ.

ໃນວັນທີ 26 ກຸມພາ 2017 ທີ່ຜ່ານມານີ້, ຫົວເຫວີຍກໍ່ໄດ້ເປີດໂຕອຸປະກອນໃໝ່ຫຼ້າສຸດອອກມາ ຢ່າງເປັນທາງການ. ເຊີ່ງໃນປີກ່ອນ, ຫົວເຫວີຍເອງກໍ່ໄດ້ກາຍເປັນແບຣນທຳອິດ ແລະ ແບຣນດຽວໃນໂລກ ທີ່ໄດ້ສ້າງສະມາດໂຟນກ້ອງເລັນຄູ່ອັດສະລິຍະ ຮ່ວມກັບ Leica ວິສະວະກອນດ້ານກ້ອງຖ່າຍຮູບລະດັບໂລກ. ນອກຈາກນີ້ຫົວເຫວີຍຍັງໄດ້ສ້າງມາດຕະຖານໃໝ່ໃຫ້ກັບອຸດສາຫະກຳສະມາດໂຟນ ບໍ່ວ່າຈະເປັນການສ້າງແບັດເຕີລີ ໃຫ້ສາມາດໃຊ້ງານໄດ້ຕໍ່ເນື່ອງເຖິງ 48 ຊົ່ວໂມງ ແລະອຸປະກອນສໍາລັບສວມໃສ່ລຸ້ນໃໝ່ ທີ່ນຳໜ້າດ້ານ fashion ແລະ ມີຫຼາຍຮູບແບບການໃຊ້ງານ.

ດັ່ງນັ້ນ, ມີຫຍັງແນ່ທີ່ເຮົາຄາດວ່າຈະໄດ້ເຫັນໃນອຸປະກອນໃໝ່ໆຈາກຫົວເຫວີຍນີ້? ທຸກຄົນຮູ້ດີຢູ່ແລ້ວວ່າ ໃນໄລຍະສອງສາມເດືອນທີ່ຜ່ານມາ, ຫົວເຫວີຍເອງກໍ່ໄດ້ມີການຮ່ວມມືກັບຜູ້ນໍາດ້ານ fashion ແລະ ສິນລະປະໄດ້ຢ່າງລົງຕົວ.




Saatchi Gallery
ໃນເດືອນມັງກອນທີ່ຜ່ານມາ, ຫົວເຫວີຍໄດ້ປະກາດເຖິງການຮ່ວມມືກັບ Saatchi Gallery (ຫໍສະແດງຮູບພາບຊື່ດັງຂອງໂລກ ໃນເມືອງລອນດອນ) ເພື່ອນໍາສະເໜີງານວາງສະແດງ ໃນຊື່ : “From Selfie to Self-Expression ” ເຊິ່ງຈະຈັດຂຶ້ນໃນວັນທີ 31 ມີນາ - 30 ພຶດສະພາ 2017 ນີ້. ໃນງານດັ່ງກ່າວ ແມ່ນຖືໄດ້ວ່າເປັນງານວາງສະແດງທຳອິດຂອງໂລກ ທີ່ເລືອກສໍາຫຼວດປະຫວັດຄວາມເປັນມາຂອງການຖ່າຍຮູບເຊວຟີ ຕັ້ງແຕ່ອະດີດຈົນຮອດປັດຈຸບັນ. ພ້ອມທັງເປັນການສະເຫຼີມສະຫຼອງ ການຖ່າຍຮູບແບບເຊວຟີ ທີ່ມີຄວາມຄິດສ້າງສັນນຳອີກ. ນອກນີ້ຍັງເນັ້ນໄປທີ່ບົດບາດທີ່ສຳຄັນຂອງສະມາດໂຟນໃໝ່ໆໃນຖານະທີ່ເປັນອີກສິ່ງໜຶ່ງທີ່ສື່ເຖິງຄວາມເປັນສິນລະປະ, ໂດຍໄດ້ມີການຄັດເລືອກ 10 ຊ່າງຖ່າຍຮູບລຸ້ນໃໝ່ຂອງອັງກິດ ເພື່ອມາສ້າງສັນຜົນງານການຖ່າຍຮູບດ້ວຍກ້ອງເລັນຄູ່ຂອງຫົວເຫວີຍ ລຸ້ນໃໝ່ຫຼ້າສຸດທີ່ໄດ້ຮ່ວມອອກແບບກັບ Leica.

ສະຖາບັນແຫ່ງສີ Pantone
ຍັງບໍ່ໝົດເທົ່ານັ້ນ!! ຫົວເຫວີຍຍັງໄດ້ຮ່ວມມືກັບ “ສະຖາບັນແຫ່ງສີ Pantone” (ຜູ້ຊ່ຽວຊານທາງດ້ານຈິດຕະວິທະຍາ ແລະ ອາລົມຄວາມຮູ້ສຶກຂອງສີ) ທີ່ມີຊື່ສຽງລະດັບໂລກ ເພື່ອນຳສີສັນທີ່ກຳລັງເປັນທີ່ນິຍົມໃນລະດູການນີ້ ມາປະສົມປະສານເຂົ້າກັບຜະລິດຕະພັນໃໝ່ຂອງຫົວເຫວີຍ. ຖືວ່າເປັນຂ່າວດີສໍາລັບຄົນທີ່ມັກໃນສີສັນ ແລະ fashion ເພາະມີອຸປະກອນເສີມທີ່ທັນສະໄໝ ແລະເຂົ້າກັນໄດ້ດີກັບເຄື່ອງແຕ່ງກາຍຂອງຜູ້ຊົມໃຊ້ໄດ້້ເປັນຢ່າງດີ.

Ricostru
ສຸດທ້າຍນີ້, ຫົວເຫວີຍ ກໍ່ໄດ້ປະກາດເຖິງຄວາມຮ່ວມມືກັບອີກໜຶ່ງແບຣນຊັ້ນນໍາແຫ່ງ fashion ທີ່ກໍາລັງໄດ້ຮັບຄວາມນິຍົມນັ້ນຄື ຣີຄອສຕຣູ, ເພື່ອນໍາເອົາຄວາມງາມມາລວມເຂົ້າກັບການອອກແບບເຕັກໂນໂລຊີ ແລະສ້າງຮູບແບບໃໝ່ ໃນການອອກແບບອຸປະກອນເສີມສະມາດໂຟນຕ່າງໆ. ດ້ວຍຄວາມກ້າວໜ້າທາງວິສະວະກຳຂອງຫົວເຫວີຍ ແລະ ຄວາມງາມທີ່ໜ້າຫຼົງໄຫຼໃນແບບສະບັບຂອງ ຣີຄອສຕຣູ ນີ້, ໝັ້ນໃຈໄດ້ເລີຍວ່າການຮ່ວມມືກັນຂອງທັງສອງແບຣນນີ້ຈະສ້າງຜົນລັບທີ່ໜ້າຕິດຕາມໄດ້ຢ່າງແນ່ນອນ.

ອຸປະກອນໃໝ່ຫຼ້າສຸດຂອງຫົວເຫວີຍທີ່ໄດ້ເປີດໂຕໄປແລ້ວ ໃນວັນທີ 26 ກຸມພາທີ່ຜ່ານມານີ້ ແມ່ນມີແນວໂນ້ມທີ່ຈະສາມາດດຶງດູດຄວາມສົນໃຈຈາກທຸກຄົນຕໍ່ໄປໄດ້ຢ່າງແນ່ນອນ ແລະ ຕ້ອງຖ້າເບິ່ງວ່າຫົວເຫວີຍຈະສ້າງຄວາມຕື່ນເຕັ້ນດ້ວຍການສ້າງຄວາມຮ່ວມມືກັບໃຜແນ່ ທີ່ເປັນຜູ້ນໍາດ້ານສິນລະປະ ແລະ fashion ທີ່ຈະຊ່ວຍໃຫ້ຫົວເຫວີຍ ໄດ້ກາຍເປັນເຄື່ອງໝາຍດ້ານເຕັກໂນໂລຊີ, ການອອກແບບ ແລະຜູ້ນໍາເທຣນ ທີ່ໃຫຍ່ທີ່ສຸດຂອງໂລກ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

loading...




No comments

Powered by Blogger.