Header Ads

ໄຟໄໝ້ປ້ຳນ້ຳມັນ ເຂດນາໄຫ ເສຍຫາຍສົມຄວນ, ບາດເຈັບ 1 ຄົນ 21/3/2017 (ມີຄລິບ)

ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ 1623 ວ່າ ວັນທີ 21/3/2017 ເວລາ 17:15 ໂມງ ມີໄຟໄໝ້ຫຼັງປ້ຳນ້ຳມັນເຂດບ້ານ ນາໄຫ ເສັ້ນທາງ 450 ປີ ເມືອງ ໄຊເສດຖາ ນະຄອນຫຼວງວຽງຈັນ.  ໝ່ວຍກູ້ໄພມູນນິທິ ອອກກວດສອບເຫດພົບວ່າເພີງກຳລັງລຸກລາມໄໝ້ ຄວາມເສຍຫາຍແມ່ນຖັງສະແຕ໋ກນ້ຳມັນຈຳນວນ 4ຖັງ ແລະ ລົດນຳ້ມັນ 1 ຄັນ.


ດັ່ງນັ້ນໜ່ວຍກູ້ໄພມູນນິທິ1623ໄດ້ສົມທົບກັບພະແນກສະກັດກັ້ນອັກຄີໄພ ແລະ ຕ້ານອັກຄີໄພ ນະຄອນຫຼວງ ຊ່ວຍກັນດັບໄຟ ປະຈຸບັນແມ່ນຄວບຄຸມເພີງໄດ້ສຳເລັດເປັນທີ່ຮຽບຮ້ອຍ ໂດຍໃຊ້ເວລາຄວມຄຸມເພີງປະມານ 1 ຊົ່ວໂມງ. ຈາກເຫດອັກຄີໄພທີ່ເກີດຂຶ້ນເຮັດໃຫ້ມີຜູ້ບາດເຈັບ 1 ຄົນ ເປັນເພດຊາຍຖືກໄຟລວກ ຊຶ່ງໄດ້ມີປະຊາຊົນນຳສົ່ງໂຮງໝໍກ່ອນເປັນທີ່ຮຽບຮ້ອຍແລ້ວ

ສາເຫດຍັງຢູ່ໃນການກວດສອບຂອງເຈົ້າໜ້າທີ.

ພາບແລະຂ່າວ: 1623












------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com











No comments

Powered by Blogger.