Header Ads

ບັ້ງແກັສແຕກ ເສຍຊີວິດ 1 ຄົນ ທີ່ຮ້ານອັດແກັສ ຫຼັກ 8, ເມືອງຫາດຊາຍຟອງ

ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ໃນວັນທີ 21 ມີນາ 2017 ເວລາ 10:50ໂມງ ໜ່ວຍກູ້ໄພ ມູນນິທິ ຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີສຸກເສີນ 1623 ວ່າມີບັ້ງແກ໊ດແຕກໃສ່ຄົນ ຈຸດເກີດເຫດແມ່ນ ຮ້ານອັດບັ້ງແກ໊ດຫລັກ 8 ເຂດບ້ານ ສົມຫວັງ ເມືອງ ຫາດຊາຍຟອງ, ນະຄອນຫຼວງວຽງຈັນ.

ພໍໜ່ວຍກູ້ໄພມູນນິທິ ອອກກວດສອບພົບເຫັນຄົນງານທີ່ຢູ່ໃນບໍລິສັດອັດບັ້ງແກ໊ດ,ບັ້ງອົກຊີ ເປັນເພດຊາຍ ອາຍຸ 47ປີ ບ້ານ ສົມສະນຸກ ເມືອງ ຫາດຊາຍຟອງ ນະຄອນຫຼວງວຽງຈັນ ອາການເບື້ອງຕົ້ນແມ່ນ ມີບາດເປີດກວ້າງຢູ່ກົກຂາເບື້ອງຊ້າຍ ເສຍເລືອດຫລາຍ ຊີບພະຈອນບໍ່ເຕັ້ນ ໄດ້ເຮັດການປໍ້າຫົວໃຈ (cpr) ແຕ່ບໍ່ສາມາດຊ່ວຍຊີວິດຜູ້ກ່ຽວໄວ້ໄດ້. ທາງໜ່ວຍກູ້ໄພຈຶ່ງໄດ້ນຳຮ່າງຂອງຜູ້ກ່ຽວໄປວັດບ້ານ ຫນອງໄຮ ໃຫ້ພີ່ນ້ອງຂອງຜູ້ກ່ຽວເພື່ອເຮັດພິທີ່ທາງສາສະໜາ.


ສະແດງຄວາມເສຍໃຈນຳຍາດພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍ, ແລະ ເຕືອນໄພທຸກຄົນໃຫ້ມີສະຕິລະວັງຕົວ ໃນການນຳໃຊ້ແກັສ.

ພາບແລະຂ່າວ: 1623


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.