Header Ads

ປກສ ຫຼວງນ້ຳທາ ດັກຈັບ ພໍ່ຄ້າຂົນຢາຝິ່ນ ໄດ້ 10 ກິໂລ!

ຢາເສບຕິດ: ຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງຫຼວງນໍ້າທາ ໄດ້ກວດ ຄົ້ນເປົ້າໝາຍຄ້າຂາຍຢາຝິ່ນທີ່ກຳລັງເດີນທາງດ້ວຍລົດ ຕູ້ຈາກເມືອງຫຼວງນໍ້າທາ ໄປເມືອງສິງ ພົບຂອງກາງຢາຝິ່ນ 20 ກ້ອນ ທີ່ຊຸກເຊື່ອງໄວ້ໃນເປົາເຄື່ອງຂອງທ້າວ ບຸນເພັງ ອາຍຸ 22 ປີ ປະຊາຊົນຢູ່ ບ້ານແສນຫຼວງ ເມືອງໃໝ່ ແຂວງຜົ້ງສາລີ ພ້ອມທັງກັກຕົວມາສອບ ສວນ.

ເຈົ້າໜ້າທີ່ ປກສ ແຂວງຫຼວງນ້ຳທາ ທີ່ປະຈຳຢູ່ປ້ອມກວດກາກີ່ວ ລົມໃຫ້ ຮູ້ວ່າ: ພາຍຫຼັງໄດ້ຮັບແຫຼ່ງຂ່າວຈາກພົນລະເມືອງດີວ່າ: ວັນທີ 25 ກຸມພາ 2017, ຈະມີກຸມຄົນບໍ່ດີຈຳນວນໜຶ່ງລັກລອບຂົນສົ່ງຢາ ຝິ່ນຈາກແຂວງຜົ້ງສາລີ ໄປຈໍາໜ່າຍຢູ່ເມືອງສິງ ແຂວງຫຼວງນ້ຳທາ ໂດຍນໍາໃຊ້ລົດຕູ້ໂດຍສານ ປະຈໍາທາງ. ຈາກນັ້ນ, ຈຶ່ງໄດ້ຈັດກຳລັງວິຊາ ສະເພາະລໍຖ້າກະກຽມກວດກາ ລົດໂດຍສານເປົ້າໝາຍ. ຮອດເວລາ ປະມານ 21:00 ໂມງ ຂອງວັນດຽວກັນ, ໄດ້ເຫັນລົດຕູ້ໂດຍສານທີ່ແລ່ນ ຈາກເມືອງຫຼວງນໍ້າທາ ໄປເມືອງສິງ ຈຶ່ງລັດກວດລົດ. ຜ່ານມາການ ກວດຄົ້ນພົບເຫັນຫໍ່ຢາຝິ່ນຈຳນວນ 20 ກ້ອນ ນ້ຳໜັກ 10 ກິໂລກຼາມ ທີ່ຊຸກເຊືອງໄວ້ຢູ່ໃນເປົາເຄື່ອງຂອງທ້າວ ບຸນເພັງ. ຈາກນັ້ນ, ຈຶ່ງໄດ້ນຳ ຕົວມາສືບສວນ-ສອບສວນ ຜູ້ກ່ຽວຮັບສາລະພາບຕໍ່ເຈົ້າ ໜ້າທີ່ວ່າ: ຢາ ຝິ່່ນຈໍານວນດັ່ງກ່າວແມ່ນຜູ້ກ່ຽວແທ້ ເຊິ່ງໄດ້ເກັບສະສົມມາໄດ້ຫຼາຍປີ ແລ້ວ ຈຸດປະສົງແມ່ນຈະເອົາໄປຂາຍຢູ່ເຂດເມືອງສິງ.


ປັດຈຸບັນ, ທ້າວ ບຸນເພັງ ຢູ່ຂັ້ນຕອນຂອງການດໍາເນີນການສືບ ສວນ- ສອບສວນຂອງເຈົ້າໜ້າທີ່ຕໍາຫຼວດ ເພື່ອປະກອບໃສ່ເປັນຫຼັກ ຖານ ແລະ ຂະຫຍາຍຜົນຫາກຸ່ມແກ້ງຜູ້ເຂົ້າຮ່ວມຂະບວນການ ມາດໍາ ເນີນຄະດີຕາມລະບຽບກົດໝາຍ.



ພາບແລະຂ່າວ: ໜັງສືພິມຄວາມສະຫງົບ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...





No comments

Powered by Blogger.