Header Ads

ກະບະຕຳກັບລົດຈັກເສຍຊີວິດຄາທີ່ 1 ຄົນ ທາງບ້ານຜາງແຫ້ງ, ເມືອງນາຊາຍທອງ

ນະຄອນຫຼວງວຽງຈັນ:​ລາຍງານຈາກ 1623 ໃຫ້ຮູ້ວ່າ ໃນວັນທີ 25/03/2017 ເວລາ 18:34 ໂມງ, ໄດ້ຮັບແຈ້ງເຫດຈາກປະຊາຊົນເຂົ້າເບີສຸກເສີນ1623 ວ່າມີລົດໃຫຍ່ຕຳກັບລົດຈັກ ຈຸດເກີດເຫດແມ່ນຫນ້າຮ້ານຕຳຫມີ່ໂຊກໄຊ ບ້ານ ຜາງແຫ້ງ ເມືອງ ນາຊາຍທອງ ນະຄອນຫຼວງວຽງຈັນ.

ໜ່ວຍກູ້ໄພໄດ້ອອກກວດສອບເຫດ ພໍໄປຮອດຈຸດເກີດເຫດພົບເຫັນ ຜູ້ເສຍຊີວິດ 1ຄົນ ເປັນເພດຊາຍ ອາຍຸ 23 ປີ ບ້ານ ທົ່ງພານທອງ ເມືອງ ສີສັດຕະນາກ ນະຄອນຫຼວງວຽງຈັນ.  ອາການເບື້ອງຕົ້ນແມ່ນ ຄໍຫັກ ມີບາດເປີດຢູ່ຄາງແລະຕີນເບື້ອງຊ້າຍ,  ໜ່ວຍກູ້ໄພ້ມູນນິທິ ຈຶ່ງໄດ້ປະຖົມພະຍາບານ (CPR) ແຕ່ຄົນເຈັບບໍ່ຕອບສະຫນອງຈື່ງໄດ້ເສຍຊີວິດໃນເວລາຕໍ່ມາ ເຊິ່ງໄດ້ນຳສົ່ງໄປໂຮງເຢັນ ໂຮງຫມໍມະໂຫສົດ.

ສ່ວນສາເຫດ ຂອງອຸບັດຕິເຫດ ເຈົ້າໜ້າທີ່ຈາລະຈອນ ໄດ້ດຳເນີນການກວດອບ ແລະ ຈະປະຕິບັດຕາມກົດໝາຍຕໍ່ໄປ.

ພາບແລະຂ່າວ: 1623



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.