Header Ads

ຈັບໂຈນປຸ້ນຊິງຊັບ ຄາເຮືອນ 2 ຄົນ ທີ່ເມືອງໄກສອນ!

ສະຫວັນນະເຂດ: ເຈົ້າໜ້າທີ່ສືບສວນສອບ-ສອບ ປກສ ເມືອງໄກສອນພົມວິຫານ ແຂວງສະຫວັນນະເຂດ ໄດ້ເຂົ້າປິດລ້ອມເຮືອນເປົ້າໝາຍປຸ້ນຊັບ, ຊິງຊັບ ແລະ ລັກຊັບຂອງພົນລະເມືອງ ສາມາດກັກຕົວເປົ້າໝາຍໄດ້ 2 ຄົນ ຄື: ທ້າວ ຄຳແສນ ອາຍຸ 35 ປີ ແລະ ທ້າວ ລຸ້ງທິບ ຫຼື ນ້ອຍ ອາຍຸ 25 ປີ ທັງສອງຢູ່ບ້ານ ທ່າແຮ່ ເມືອງໄກສອນ ພົມວິຫານ ໃນວັນທີ 2 ມີນາ ຜ່ານມາ.

ຈາກການສອບສວນຂອງເຈົ້າໜ້າທີ່, ພວກກ່ຽວຮັບສາລະພາບວ່າ: ໄດ້ເຄື່ອນໄຫວປຸ້ນຊັບ, ຊິງຊັບ ແລະ ລັກຊັບ ຂອງພົນລະເມືອງແທ້, ຜ່ານມາເຄີຍກໍ່ເຫດປຸ້ນຊັບມາແລ້ວ 5 ຄັ້ງ ໂດຍໃຊ້ມີດຍາວ 40 ຊັງຕີເມັດ ເປັນເຄື່ອງມີໃນການກໍ່ເຫດ ຄັ້ງທີ 1 ແລະ 2 ຢູ່ເສັ້ນທາງ A 1 ເຂດບ້ານສະໜາມໄຊ ໄດ້ແທັບເລັດ 1 ເຄື່ອງ ແລະ ເງິນ 600.000 ກີບ ແລະ ບ້ານໂພນສະຫວ່າງເໜືອ ປຸ້ນໄດ້ໄອໂຟນ 6 ກັບ ໄອໂຟນ 4 ຄັ້ງທີ 3 ຢູ່ຮ້ານຊື້-ຂາຍແບ້ ຫຼັກ 9 ໄດ້ໂທລະສັບໄອໂຟນ ແລະ ໄອຄິວ ຄັ້ງທີ 4 ແມ່ນຢູ່ຕໍ່ໜ້າໂອດ້ອບ ຫຼັກ 6 ໄດ້ໂທລະສັບໄອໂມບາຍ 1 ເຄື່ອງ ແລະ ຄັ້ງສຸດທ້າຍ ຢູ່ບ້ານດົງດຳດວນ ປຸ້ນໄດ້ໂທລະສັບ ຊຳຊຸງ J9 ຈຳນວນ 1 ເຄື່ອງ.



ສຳລັບການຊິງຊັບແມ່ນໄດ້ລົງມືຢູ່ຈຸດເສັ້ນທາງລົງບ້ານໜອງຜື ໄດ້ດຶງສາຍຄໍຄຳໜັກ 2 ສະຫຼືງ ແລະ ຮ່ວມກັນລັກຊັບຢູ່ຮ້ານປະຊາຊົນບ້ານ ນາເລົ່າ ເມືອງໄກສອນພົມວິຫານ 2 ຄັ້ງ ລັກໄດ້ໂທລະພາບຈໍແບນ 32 ນິ້ວ 1 ເຄື່ອງ ແລະ 42 ນິ້ວ 1 ເຄື່ອງ.

ຜ່ານການສອບສວນຢ່າງລະອຽດແລ້ວ ທາງເຈົ້າໜ້າທີ່ຈຶ່ງໄດ້ລົງເກັບ ກູ້ຂອງກາງທີ່ພວກກ່ຽວນຳໄປຂາຍ ແລະ ເອົາໄປຈຳນຳ ສາມາດເກັບກູ້ຄືນ ໄດ້ມີໂທລະສັບໄອໂຟນ 6, ໄອໂຟນ 4 , ອ້ອບໂປ້, ໄອຄິວ, ໄອໂມບາຍ, ແທັບ ເລັດ ຢ່າງລະ 1 ເຄື່ອງ ແລະ ຂັນເງິນ 1 ໜ່ວຍ.

ພາບແລະຂ່າວ: ໜັງສືພິມຄວາມສະຫງົບ LSecurity News

Image may contain: 4 people

No automatic alt text available.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.