Header Ads

ຈັບເສືອເຖົ້າລັກລອບຂົນຢາຝິ່ນ 3 ກິໂລກຣາມ ທີ່ເມືອງຫຼວງນ້ຳທາ

ຫຼວງນ້ຳທາ: ເຖິງວ່າລັດຖະບານໄດ້ປະກາດລຶບລ້າງການປູກຝິ່ນທົ່ວປະເທດໄປແລ້ວ ພ້ອມທັງຈັດສັນອາຊີບໃໝ່ທີ່ໜັ້ນຄົງໃຫ້ປະຊາຊົນໃນເຂດພູດອຍ ເພື່ອ ທົດແທນການປູກຝິ່ນໄປແລ້ວກໍຕາມ, ແຕ່ກໍຍັງມີປະຊາຊົນຈໍານວນ ໜຶ່ງຍັງເຄື່ອນໄຫວສືບຕໍ່ລັກລອບປູກ ແລະ ລັກລອບຊື້-ຂາຍ ເຊັ່ນ: ຄະດີໃນວັນທີ 21 ກຸມພາ 2017, ເຈົ້າໜ້າທີ່ ປກສ ແຂວງຫຼວງນໍ້າທາ ໄດ້ ກວດກາລົດຕຸກຕຸກໂດຍສານທີ່ມາຈາກເມືອງຫຼວງນ້ຳທາ ມຸ່ງໜ້າໄປ ເມືອງສິງ. ຜ່ານການກວດຄົ້ນ ພົບເຫັນຢາຝິ່ນ 4 ຫໍ່ ນ້ຳໜັກ 3 ກິໂລກຼາມ ຊຸກເຊື່ອງຢູ່ໃນຖົງເຄື່ອງຂອງຜູ້ໂດຍສານຊື່ທ້າວ ໄຂ່ຊ່າງ ອາຍຸ 55 ປີ ປະຊາຊົນ ບ້ານແຊວຈ້າຍ ເມືອງ ແລະ ແຂວງຜົ້ງສາລີ ໂດຍຜູ້ກ່ຽວ ສາລະພາບວ່າ: ຝິ່ນຈໍານວນດັ່ງກ່າວແມ່ນໄດ້ປູກເສບ ແລະ ເກັບໄວ້ ເພື່ອຂາຍ.

ຜ່ານການສືບສວນ-ສອບສວນ ທ້າວໄຂ່ຊ່າງ ໄດ້ຮັບສາລະພາບວ່າ: ຢາ ຝິ່ນຈຳນວນ 4 ຫໍ່ ໜັກ 3 ກິໂລກຼາມ ແມ່ນຂອງຜູ້ກ່ຽວແທ້ ເຊິ່ງຜູ້ ກ່ຽວໄດ້ ປູກ ແລະ ເກັບຮັກສາໄວ້ ແຕ່ປີ 2016 ເພື່ອຈະເອົາໄປຂາຍຍ່ອຍ ໃຫ້ກຸ່ມ ຜູ້ເສບຢາຝິ່ນ ຢູ່ເຂດເມືອງສິງ ແຂວງຫຼວງນໍ້າທາ ແຕ່ບໍ່ທັນໄດ້ ຂາຍຖືກ ເຈົ້າໜ້າທີ່ປະຈຳປ້ອມຈັບໄດ້ກ່ອນ. 




ເຖິງຢ່າງໃດກໍຕາມ, ພາກສ່ວນທີ່ກ່ຽວຄວນເປັນເຈົ້າການແກ້ໄຂ ແລະ ປາບປາມຢ່າງຈິງຈັງ ໂດຍສະເພາະອໍານາດການປົກຄອງທ້ອງຖິ່ນ, ບ້ານ ຄວນຕິດຕາມການເຄື່ອນໄຫວ ແລະ ການດໍາລົງຊີວິດຂອງລູກ ບ້ານ ກໍລະນີ ພົບເຫັນມີການລັກລອບປູກຝິ່ນ. ເຖິ່ງຈະໜ້ອຍ ຫຼື ຫຼາຍ ກໍຄວນສຶກສາອົບ ຮົມກ່າວເຕືອນໃຫ້ຢຸດເຊົາ ແລະ ຈັດສັນໃຫ້ພວກເຂົາ ເຈົ້າປູກພືດອື່ນແທນ. ຖ້າຫາຍັງບໍ່ຢຸດເຊົາ ກໍແຈ້ງຕໍເຈົ້າໜ້າທີ່ຕໍາຫຼວດ ເພື່ອພ້ອມກັນໄປທໍາລາຍ ຖີ້ມ ແລະ ນໍາຕົວບຸກຄົນທີ່ຝ່າຝືນມາດໍາ ເນີນຄະດີຕາມກົດໝາຍ.

ພາບແລະຂ່າວ:  ໜັງສືພິມຄວາມສະຫງົບ LSecurity News


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.