Header Ads

ອາສາສະໝັກກູ້ຊີບ-ກູ້ໄພແຂວງສະຫວັນນະເຂດ ຈຳນວນ 34 ສະຫາຍ ໄດ້ຮັບໃບຍັ້ງຍືນການຝືກອົບຮົມ

ສະຫວັນນະເຂດ: ວັນທີ 16 ມີນາ 2017 ອາສາສະໝັກກູ້ຊີບ-ກູ້ໄພແຂວງສະຫວັນນະເຂດ ຈຳນວນ 34 ສະຫາຍ ໄດ້ຮັບໃບຍັ້ງຍືນການຝືກອົບຮົມ ໃນຫຼັກສູດ ການຊ່ວຍເຫຼືອຜູ້ບາດເຈັບສຸກເສີນ ໂດຍພິທີຮັບໃບຍັ້ງຍືນໃດ້ຈັດຂື້ນທີ່ ພະແນກສາທາລະນະສຸກແຂວງ ສະຫວັນນະເຂດ
ໃນພິທີ່ມອບຮັບໃບຍັ້ງຍືນ ໂດຍການເປັນກຽດເຂົ້າຮ່ວມຂອງທ່ານ ດຮ ບົງສຸວັນ ພັນທະວົງສາ ກຳມະການພັກແຂວງ ຫົວໜ້າ ພະແນກສາທາລະນະສຸກເເຂວງສະຫວັນນະເຂດ, ທ່ານ ດຮ ກອງສີ ບາງສີສິດທິເດດ ຜູ້ອຳນວຍການ ໂຮງໝໍແຂວງສະຫວັນນະເຂດ ອາຈານທີມຄູຝືກ ຈາກພະແນກ ຂະແໜ່ງການທີ່ກ່ຽວຂ້ອງ ພ້ອມດ້ວຍພະນັກງານຫຼາຍພາກສ່ວນ.

ພວກຂ້າພະເຈົ້າອົງກອນ ມູນນິທິອາສາຊ່ວຍເຫຼືອຜູ້ປະສົບໄພ ແຂວງສະຫວັນນະເຂດ ຂໍຂອບໃຈມາຍັງຂັ້ນເທີງ ພັກລັດ ໂດຍສະເພາະ ພະແນກສາທາລະນະສຸກເເຂວງ ສະຫວັນນະເຂດ ໂຮງໝໍແຂວງສະຫວັນນະເຂດ ວິທະຍາໄລ ວິທະຍາສາດສຸຂະພາບແຂວງສະຫວັນນະເຂດ ຄະນະຄຸອາຈານ ຂະແໜງການ ແລະ ຜູ້ສະໜັບສະໜູນ ບໍລິສັດ ນ້ຳກ້ອນ ແລະ ນ້ຳດື່ມປາໂລມາຄຳ ຮ້ານວີນເນີ້ດີຊາຍ ທີ່ໄດ້ປະກອບສ່ວນພິທີງານໃນຄັ້ງນີ້ ໃຫ້ມີຄວາມຈົບງາມໄປດ້ວຍດີ.

ໃນນັ້ນພວກຂ້າພະເຈົ້າຂໍປະຕິຍານວ່າຈະໄດ້ນຳເອົາຄວາມຮູ້ຄວາມສາມາດທີ່ໄດ້ສືກສາຖອດຖອນເອົາບົດຮຽນໃນການຝືກອົບຮົມດັ່ງກ່າວ ໄປນຳໃຊ້ເຂົ້າຊ່ວຍເຫຼືອສັງຄົມ ແລະ ຖອດຖອນຝືກອາສາໃນລຸ້ນຕໍ່ໄປ ກໍ່ຄືການກອບກູ້ເອົາຊີວິດຄົນທີ່ເກີດສະພາວະສຸກເສີນຕ່າງໆ ກໍ່ຄືຊ່ວຍເຫຼືອປະຊາຊົນແຂວງສະຫວັນນະເຂດ ແລະ ອ້ອມຂ້າງ ແລະ ອວຍໄຊໃຫ້ພອນບັນດາຂັ້ນນຳພັກລັດ ຂັ້ນເທີງ ທຸກພາກສ່ວນ ຈົ່ງມີແຕ່ຄວາມສຸກຄວາມຈະເລີນ ນຳພາປະຊາຊົນລາວກ້າວເຂົ້າສູ່ການພັດທະນາ ແລະ ອົງກອນພວກຂ້າພະເຈົ້າຈະປະຕິບັດຕາມນະໂຍບາຍຂອງພັກລັດກ້າວໄປພ້ອມຄຽງຄູ່ກໄປກັບການວຽກງານດ້ານມະນຸດສະທຳໃນການຊ່ວຍເຫຼືອ ສັງຄົມ ຂໍຂອບໃຈຢ່າງສູງ.

ພາບແລະຂ່າວ: ໜ່ວຍກູ້ໄພແຂວງສະຫວັນນະເຂດ














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.