Header Ads

ຮອງເຈົ້າເມືອງລະມາມ ລົງຊຸກຍູ້ວຽກງານ ຢູ່ເຂດ 6 ຕອກອົງແກ້ວ

Image may contain: 11 people, people standing and outdoor

ໃນຕົ້ນເດືອນມີນາ 2017 ນີ້, ທ່ານ ນ. ຄຳເສັງ ທຸມມະວົງສາ ຮອງເຈົ້າເມືອງລະມາມ ຜູ້ຊີ້ນຳວຽກງານວັດທະນະທຳ-ສັງເມືອງ ທັງເປັນສະມາຊິກສະພາປະຊາຊົນແຂວງ ພ້ອມຂະແໜງການທີ່ກ່ຽວຂ້ອງ ໄດ້ລົງເຄື່ອນໄຫວຕິດຕາມກວດກາ ແລະ ຊຸກຍູ້ວຽກງານສາທາລະນະສຸກຢູ່ເຂດ 6 ຕອກອົງແກ້ວ.

ການລົງຕິດຕາມ ຊຸກຍູ້ວຽກງານສາທາສະນະສຸກ ຢູ່ເຂດ 6 ຕອກອົງແກ້ວ ຂອງທ່ານຮອງເຈົ້າເມືອງລະມາມຄັ້ງນີ້: ໄດ້ພົບປະໂອ້ລົມ ກັບອົງການຈັດຕັ້ງບ້ານ; ພໍ່ແມ່ປະຊາຊົນ ເພື່ອໃຫ້ເອົາໃຈໃສ່ຈັດຕັ້ງປະຕິບັດວຽກງານສາທາລະນະສຸກ ເປັນຕົ້ນການປະຕິບັດຫຼັກການອະນາໄມສາມສະອາດ ໃຫ້ແຕ່ລະຄອບຄົວມີວິດຖ່າຍຊົມໃຊ້ຂອງຕົນເອງ ເພື່ອຫຼີກເວັ້ນພະຍາດປິດແປດຕ່າງໆທີ່ຈະເກີດຂື້ນໃນລະດູຮ້ອນເຊັ່ນ: ໄຂ້ຫວັດ, ຖອກທ້ອງ, ຕາແດງ ແລະ ອື່ນໆ, ພ້ອມກັນນັ້ນ ກໍ່ໃຫ້ເອົາໃຈໃສ່ໃນການປົກຮັກສາແຫຼ່ງນ້ຳ ຫ້າມຖ່າງປ່າເຮັດໄຮ່ໃນຂອບເຂດບໍລິເວນຕົ້ນກໍາເນີດຂອງແຫຼ່ງນໍ້າຢ່າງເດັດຂາດ ເອົາໃຈໃສ່ຮັກສາອະນາໄມ 3 ສະອາດໃຫ້ເປັນປົກກະຕິ ແລະ ສະໝໍ່າສະເໝີ, ການພົບປະໂອ້ລົມໃນຄັ້ງນີ້ ປະຊາຊົນຍັງໄດ້ປະກອບຄໍາຄິດ-ຄໍາເຫັນ ແລະ ຄໍາສະເໜີ ບາງບັນຫາຕໍ່ການຈັດຕັ້ງຂັ້ນເທິງເພື່ອປັບປຸງວຽກງານຈໍານວນໜື່ງຢູ່ຂັ້ນຮາກຖານບ້ານ, ເຊິ່ງຄະນະດັ່ງກ່າວກໍ່ໄດ້ກະຈ່າງແຈ້ງ ເພື່ອສ້າງຄວາມເຂົ້າໃຈທີ່ຖືກຕ້ອງ ແລະ ໃຫ້ມີຄວາມເປັນເອກະພາບກັນໃນການຈັດຕັ້ງປະຕິບັດໜ້າທີ່ວຽກງານທີ່ຍັງຄ້າງຄາ, ທັງນີ້ ກໍ່ເພື່ອໃຫ້ຮາກຖານບ້ານມີຄວາມເຂັ້ມແຂງ ແລະ ມີການພັດທະນາດີຂື້ນເປັນກ້າວໆ.



Image may contain: 5 people, people sitting


ເຂດ 6 ຕອກອົງແກ້ວ ປະກອບມີບ້ານ ຈະວີກ, ຕອກອົງແກ້ວຄຸ້ມຕະເຈວ, ນາເວີ ແລະ ບ້ານໄກເງງ, ໂອກາດ ລົງເຄື່ອນໄຫວວຽກງານຄັ້ງນີ້ ຄະນະດັ່ງກ່າວ ກໍ່ໄດ້ນຳເອົາເຄື່ອງນຸ່ງຫົ່ມຈຳນວນໜຶ່ງຈາກກາແດງມອບໃຫ້ ຄອບຄົວປະຊາຊົນທີ່ຍັງທຸກຍາກຂາດເຂີນເພື່ອບັນເທົາທຸກຈຳນວນ 600 ກວ່າໂຕ ມູນ 3 ລ້ານກວ່າກີບ.

ຂ່າວ : ດາວສະຫວັນ ໄຊລາສອນ ພາບ: 170

Image may contain: 20 people
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.