Header Ads

ເມືອງເງິນ ແຂວງໄຊຍະບູລີ ຈັດກອງພິທີ ປະຖະກະຖາ ວັນສ້າງຕັ້ງ ປະຊາຊົນ ປະຕິວັດລາວ ຄົບຮອບ 62 ປີ



ເມືອງເງິນ: ຕອນເຊົ້າຂອງວັນທີ່ 22 ມີນາ 2017 ນີ້ ຢູ່ທີສະໂມສອນ ເມືອງເງິນ ແຂວງໄຊຍະບູລີ ຈັດກອງພິທີ ປະຖະກະຖາ ວັນສ້າງຕັ້ງ ປະຊາຊົນ ປະຕິວັດລາວ ຄົບຮອບ 62 ປີ, ເຂົ້າຮ່ວມເປັນກຽດມີສະຫາຍ ບຸນມີ ຈັນທິບ ກຳມະການພັກແຂວງ ເລຂາພັກເມືອງ ເຈົ້າເມືອງໆເງິນ,  ມີຄະນະປະຈຳພັກເມືອງ, ກຳມະການພັກເມືອງ,ເລຂາຄະນະພັກຮາກຖານກຸ່ມບ້ານ ຫົວໜ້າຫ້ອງການ, ກົມກອງ, ພະນັກງານອາວຸໂສບຳນານ, ນາຍບ້ານ ລັດວິສະຫະກິດ ແລະ ສະມາຊິກພັກ, ເຂົ້າຮ່ວມ 300 ກວ່າສະຫາຍ ຍິງ 150 ສະຫາຍ

ພິທີປະຖະກະຖາ ວັນສ້າງຕັ້ງ ປະຊາຊົນ ປະຕິວັດລາວ ຄົບຮອບ 62 ປີ ຄັ້ງນີ້ສະຫາຍ ບຸນມີ ຈັນທິບ ກຳມະການພັກແຂວງ ເລຂາພັກເມືອງ ເຈົ້າເມືອງໆເງິນໄດ້ເປັນກຽດຂື້ນເລົ່າຫວນຄືນມູນເຊື້ອ ວັນສ້າງຕັ້ງພັກ ປະຊາຊົນປະຕິວັດລາວຄົບຮອບ 62 ປີ ຄື: ວັນທີ 22 ມີນາ ປີ 1955 - 22 ມີນາ ປີ 2017 ເຊິ່ງສະຫາຍໄດ້ຍົກໃຫ້ເຫັນມູນເຊື້ອການເຕີບໃຫຍ່ຂະຫຍາຍຕົວຂອງພັກເຮົາທີ່ໄດ້ນໍາພາພໍ່ແມ່ປະຊາຊົນບັນດາເຜົ່າເຄື່ອນໄຫວຕໍ່ສູ້ກັບພວກລ່າເມືອງຂື້ນແບບເກົ່າ ແລະ ແບບໃໝ່ທີ່ມາຮຸກຮານລາວຈົນໄດ້ຮັບໄຊຊະນະໂດຍຕະຫຼອດມາໃນແຕ່ລະໄລຍະເຊິ່ງແມ່ນປະທານໄກສອນ ພົມວິຫານ ຜູ້ນຳທີ່ສະຫຼາດສ່ອງໃສປີຊາສາມາດ ແລະ ນຳພາລິເລີ່ມພາລະກິດປ່ຽນແປງໃໝ່ຢ່າງຮອບດ້ານຍ້ອນມີແນວທາງການເມືອງການທະຫານຖືກຕ້ອງ ແລະ ມີຄວາມສາມັກຄີຮ່ວມມືກັບ  3 ຊາດ ລາວ ຫວຽວນາມ ແລະ ກຳປູເຈຍ ເພື່ອລຶບລ້າງລະບອບລາຊາທິປະໄຕຢ່າງສີ້ນເຊີງ ສະຖາປະນາ ສາທາລະນະລັດປະຊາທິປະໄຕ ປະຊາຊົນລາວ ເຊິ່ງແມ່ນລັດຂອງປະຊາຊົນໂດຍປະຊາຊົນ ແລະ ເພື່ອປະຊາຊົນຢ່າງສະຫງ່າຜ່າເຜີຍ.ຈາກນັ້ນຜູ້ເຂົ້າຮ່ວມຮັບຟັງເອກກະສານກ່ຽວກັບວັນສ້າງຕັ້ງອົງການກວດກາພັກ-ລັດຄົບຮອບ 35 ປີ ແລະ ວັນນໍ້າໂລກອີກດ້ວຍ ເພື່ອແນໃສ່ສຶກສາອົບຮົມ ໃຫ້ສະມາຊິກພະນັກງານ ແລະ ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈຕໍ່ມູນຊື້ອດັ່ງກ່າວ.







No comments

Powered by Blogger.