Header Ads

ຈັບພໍ່ຄ້າແມ່ຄ້າ ເຮໂຣອິນ ຈຳນວນ 9 ກິໂລກະລາມ



ປກສ: ໃນວັນທີ 16 ມີນາ 2017, ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ໄດ້ນໍາກໍາລັງເຂົ້າຈັບພໍຄ້າເຮໂລອິນລາຍໃຫຍ່ 2 ຄົນ ຊື່ທ້າວ ໄມ່ອ່ອນ ອາຍຸ 58 ປີ ຢູ່ບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ແລະ ນາງ ຈັນໄດ ຫຼື ( ຫຼ້າ ) ອາຍຸ 33 ປີ, ຢູ່ບ້ານ ຫຼັກ 12 ເມືອງໂພນທອງ ແຂວງຈຳປາສັກ ພ້ອມຂອງ ກາງເຮໂຣອິນ 21 ແທ່ງ ແລະ ລົດໃຫຍ່ 1 ຄັນ ໃນຂະນະທີ່ພວກກ່ຽວນັດສົ່ງ ໃຫ້ກັນຢູ່ເຂດບ້ານນາສ້າງໄພ ເມືອງ ໄຊເສດຖາ ນະຄອນຫຼວງວຽງຈັນ.

ເຈົ້າໜ້າທີ່ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ເປີດເຜີຍວ່າ: ພາຍຫຼັງໄດ້ຮັບແຫຼ່ງຂ່າວວ່າ ພວກກ່ຽວກໍາລັງລັກລອບນໍາສົ່ງຢາເສບຕິດ ໃຫ້ກັນ. ຈາກນັ້ນ, ຈຶ່ງໄດ້ສົ່ງພະນັກງານລົງຕິດຕາມ ເພື່ອຊອກຂໍ້ມູນຫຼັກ ຖານ ແລະ ວາງແຜນເຂົ້າຈັບກຸມ. ຮອດເວລາປະມານ 7:00 ໂມງ ຂອງວັນທີ 16 ມີນາ 2017 ຈຶ່ງສາມາດຕິດຕາມຈັບພວກກ່ຽວໄດ້ຢູ່ເຂດບ້ານນາສ່າງໄພ ເມືອງໄຊເສດຖາ ນະຄອນຫຼວງວຽງຈັນ ພ້ອມເຮໂຣອິນຈຳນວນ 21 ແທ່ງ, ນ້ຳໜັກ 9 ກີໂລກຣາມ, ໂທລະສັບ 6 ໜ່ວຍ, ມີສາຍແຂນຄ້າຍຄືຄໍາຈຳນວນ ໜຶ່ງ, ລົດໃຫຍ່ 1 ຄັນ ໝາຍເລກທະບຽນ ຄວ 7979 ກໍາແພງນະຄອນ.

ພາບແລະຂ່າວ: ໜັງສືພິມຄວາມສະຫງົບ




Image may contain: car and outdoor
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.