Header Ads

ປະທານປະເທດແຫ່ງສປປລາວ ເນັ້ນໃຫ້ເອົາໃຈໃສ່ການຄຸ້ມຄອງທີ່ດິນໃນໄລຍະໃໝ່

ລັດຖະບານ: ຄະນະບໍລິຫານງານສູນກາງພັກ ໄດ້ດຳເນີນກອງປະຊຸມຄົບຄະນະຄັ້ງທີ 4 ສະ ໄໝທີ X ຢ່າງເປັນທາງການພາຍໃຕ້ການເປັນປະທານ ຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍ ລິຫານງານສູນກາງພັກ ປະຊາຊົນ ປະຕິວັດລາວ ແລະ ໄດ້ສຳເລັດລົງໃນວັນທີ 24 ມີນາຜ່ານມາ ທີ່ສຳນັກງານສູນກາງພັກ. ກອງປະຊຸມໄດ້ຄົ້ນຄວ້າ, ປຶກສາຫາລື ແລະ ໃຫ້ທິດຊີ້ນຳກ່ຽວກັບການຕີລາຄາການຜັນຂະ ຫຍາຍ ແລະ ຈັດຕັ້ງປະຕິບັດມະຕິກອງປະຊຸມສູນກາງຄົບຄະນະ ຄັ້ງທີ 3 ສະໄໝທີ X ແລະ ການ ປະຕິບັດວຽກງານຈຸດສຸມຂອງລັດຖະບານໃນໄລຍະ 6 ເດືອນຜ່ານມາ, ທັງພ້ອມກັນຄົ້ນຄວ້າເອກະ ພາບວາງທິດທາງວຽກງານໃນ ຕໍ່ໜ້າ. ກອງປະຊຸມເທື່ອນີ້ຍັງ ໄດ້ຄົ້ນຄວ້າ ແລະ ຮັບຮອງບາງ ບັນຫາທີ່ສຳຄັນໃນການຄຸ້ມ ຄອງ ແລະ ພັດທະນາທີ່ດິນໃນ ໄລຍະໃໝ່ ແລະ ນະໂຍບາຍ ສົ່ງເສີມວິສາຫະກິດນ້ອຍ ແລະ ຂະໜາດກາງ (SMEs).

ກອງປະຊຸມໄດ້ມີຄວາມ ເປັນເອກະພາບສູງຕໍ່ໝາກຜົນ ແຫ່ງການຜັນຂະຫຍາຍມະຕິ ກອງປະຊຸມສູນກາງ ຄັ້ງທີ 3 ສະໄໝທີ X, ວຽກງານຈຸດສຸມ ຂອງລັດຖະບານໃນ 6 ເດືອນ ຜ່ານມາ, ຊຶ່ງອັນລວມທີ່ສຸດ ແມ່ນປະເທດຊາດສືບຕໍ່ມີສະ ຖຽນລະພາບ, ມີຄວາມສະ ຫງົບດ້ານການເມືອງ ແລະ ຄວາມເປັນລະບຽບຮຽບຮ້ອຍ ທາງສັງຄົມໜັກແໜ້ນຂຶ້ນຕື່ມ; ພັກ - ລັດຖະບານໄດ້ເອົາໃຈ ໃສ່ນຳພາຊີ້ນຳ ແລະ ບໍລິຫານ ລັດ, ຄຸ້ມຄອງເສດຖະກິດ - ສັງ ຄົມ, ແກ້ໄຂບັນຫາຈຸດອ່ອນຂໍ້ ຄົງຄ້າງຕາມລະບຽບກົດໝາຍ, ເຮັດໃຫ້ການພັດທະນາສືບຕໍ່ມີ ຄວາມຕໍ່ເນື່ອງຕາມທິດທີ່ກອງ ປະຊຸມໃຫຍ່ຄັ້ງທີ X ຂອງພັກ ວາງອອກ ແລະ ມີຜົນສຳເລັດ ໃນຫຼາຍດ້ານ; ລະບົບການ ເມືອງ ນັບທັງກົງຈັກການຈັດ ຕັ້ງຂອງພັກ - ລັດ ແລະ ຂອງ ບັນດາອົງການຈັດຕັ້ງມະຫາ ຊົນຂັ້ນຕ່າງໆໄດ້ຮັບການປັບ ປຸງໃຫ້ມີຄວາມໜັກແໜ້ນ, ເຂັ້ມແຂງຂຶ້ນຕື່ມ; ປະຊາຊົນ ບັນດາເຜົ່າ, ບັນດາຊັ້ນຄົນມີ ຄວາມເຊື່ອໝັ້ນ ທັງເຂົ້າຮ່ວມ ໃນການຈັດຕັ້ງປະຕິບັດມະຕິ ກອງປະຊຸມໃຫຍ່ຄັ້ງທີ X ຂອງ ພັກ, ເພື່ອນມິດສາກົນ ກໍສືບຕໍ່ ໃຫ້ການສະໜັບສະໜູນຊ່ວຍ ເຫຼືອ ສປປ ລາວ ຢ່າງຕໍ່ເນື່ອງ.

ກອງປະຊຸມໄດ້ເປັນ ເອກະພາບກັນຕີລາຄາຄືນ ດ້ານຕັ້ງໜ້າ ແລະ ບັນຫາອ່ອນ - ຂໍ້ຄົງຄ້າງໃນການຄຸ້ມຄອງ ແລະ ພັດທະນາທີ່ດິນກໍຄືການ ຊຸກຍູ້ສົ່ງເສີມ ແລະ ພັດທະນາ ວິສາຫະກິດຂະໜາດນ້ອຍ - ຂະໜາດກາງ ຢູ່ປະເທດເຮົາ, ຊຶ່ງໃນໄລຍະຜ່ານມາ ພາຍໃຕ້ ແນວທາງປ່ຽນແປງໃໝ່ຮອບ ດ້ານ ແລະ ມີຫຼັກການຂອງພັກ, ວຽກງານທີ່ດິນ, ວຽກງານສົ່ງ ເສີມທຸລະກິດຂອງພາກສ່ວນ ເສດຖະກິດຕ່າງໆກໍໄດ້ມີນະ ໂຍບາຍຈຳນວນໜຶ່ງ ແລະ ໄດ້ ຫັນເປັນນິຕິກຳ, ເປັນລະບຽບ ກົດໝາຍ ພ້ອມທັງນຳພາຜັນ ຂະຫຍາຍຈັດຕັ້ງປະຕິບັດຕໍ່ ເນື່ອງສົມຄວນ, ເຮັດໃຫ້ວຽກ ງານທີ່ດິນ ກໍຄືວຽກງານສົ່ງເສີມ ວິສາຫະກິດຂະໜາດນ້ອຍ, ຂະໜາດກາງມີບົດບາດ ແລະ ປະກອບສ່ວນສຳຄັນເຂົ້າໃນ ການຍູ້ການພັດທະນາເສດຖະ ກິດ - ສັງຄົມແຫ່ງຊາດ, ປົວ ແປງຊີວິດການເປັນຢູ່, ຍົກລະ ດັບລາຍໄດ້ ແລະ ແກ້ໄຂຄວາມ ທຸກຍາກຂອງປະຊາຊົນໃຫ້ມີ ການຫັນປ່ຽນຢ່າງຈະແຈ້ງ. ແຕ່ ພ້ອມກັນນັ້ນການຄຸ້ມຄອງ, ພັດທະນາທີ່ດິນກໍຄືການສົ່ງ ເສີມ, ຄຸ້ມຄອງ ແລະ ພັດທະ ນາວິສາຫະກິດຂະໜາດນ້ອຍ ແລະ ຂະໜາດກາງຢູ່ປະເທດ ເຮົາຜ່ານມາຍັງພົບກັບຄວາມ ຫຍຸ້ງຍາກ, ອ່ອນແອ ແລະ ບໍ່ ທັນເປັນລະບົບເທົ່າທີ່ຄວນ, ຊຶ່ງກອງປະຊຸມໄດ້ມີຄວາມ ເປັນເອກະພາບສູງ ຕັດສິນໃຈ ສືບຕໍ່ນຳພາແກ້ໄຂບັນຫາ ຕ່າງໆໃຫ້ດີຂຶ້ນເປັນຮູບປະທຳ ແລະ ໄດ້ມອບໃຫ້ລັດຖະບານ ຮີບຮ້ອນຈັດຕັ້ງຜັນຂະຫຍາຍ ທິດຊີ້ນຳ ກ່ຽວກັບບັນຫາດັ່ງ ກ່າວໃຫ້ເປັນນິຕິກຳລະອຽດ ເຂົ້າສູ່ການຈັດຕັ້ງປະຕິບັດ ແລະ ມີປະສິດທິຜົນຕົວຈິງ.

ກອງປະຊຸມຄົບຄະນະ ຂອງຄະນະບໍລິຫານງານສູນ ກາງພັກ ຄັ້ງທີ 4 ສະໄໝທີ X ໄດ້ເຫັນດີເປັນເອກະພາບຮັບ ຮອງເອົາທິດທາງ, ວຽກງານຈຸດ ສຸມໃນແຕ່ລະຂົງເຂດວຽກງານ ກໍຄືການພັດທະນາເສດຖະກິດ - ສັງຄົມແຕ່ນີ້ຫາກອງປະຊຸມ ສູນກາງ ຄັ້ງທີ 5 ກໍຄືໝົດປີ 2017 ຊຶ່ງເປັນໄລຍະເວລາທີ່ມີ ຄວາມຫຍຸ້ງຍາກ ແລະ ສິ່ງທ້າ ທາຍທົດສອບ, ແຕ່ມີຄວາມ ໝາຍສຳຄັນ ເພື່ອຍູ້ແຮງການ ຫັນປ່ຽນໃໝ່, ສ້າງບາດລ້ຽວ ໃໝ່ໃນການນຳປະເທດຊາດ ຫຼຸດພົ້ນອອກຈາກຄວາມດ້ອຍ ພັດທະນາ; ສຸມປັບປຸງຍົກສູງ ຄວາມສາມາດໃນການນຳພາ ຊີ້ນຳຂອງຄະນະພັກກໍຄືປະສິດ ທິພາບໃນການບໍລິຫານລັດ, ຄຸ້ມຄອງເສດຖະກິດ - ສັງຄົມ ຂອງລັດຖະບານ ແລະ ອົງ ການປົກຄອງແຕ່ລະຂັ້ນ; ສຸມ ໃສ່ແກ້ໄຂບັນຫາເສດຖະກິດ ໃຫ້ມີຄວາມໝັ້ນທ່ຽງ, ແກ້ໄຂ ປະກົດການຫຍໍ້ທໍ້ຕ່າງໆໃນສັງ ຄົມ; ປັບປຸງປົວແປງພາຍໃນ ພັກໃຫ້ມີຄວາມປອດໃສ, ເຂັ້ມ ແຂງ ແລະ ໜັກແໜ້ນ.

ຄະນະບໍລິຫານງານສູນ ກາງພັກ ຮຽກຮ້ອງມາຍັງທົ່ວ ພັກ, ທົ່ວລັດ, ທົ່ວກຳລັງປະ ກອບອາວຸດ ແລະ ທົ່ວປວງຊົນ ລາວບັນດາເຜົ່າຈົ່ງເຊີດຊູຈິດ ໃຈຊາດ, ເອກະລາດ, ເປັນເຈົ້າ ຕົນເອງ ຕັ້ງໜ້າປະກອບສ່ວນ ເຂົ້າໃນຂະບວນການຮັກຊາດ ແລະ ພັດທະນາ ຕິດພັນກັບ ການເຊື່ອມຊຶມ ແລະ ຜັນຂະ ຫຍາຍຈັດຕັ້ງປະຕິບັດຜົນສຳ ເລັດຂອງກອງປະຊຸມສູນກາງ ຄັ້ງນີ້ ເຂົ້າສູ່ການກະທຳຕົວຈິງ, ນຳເອົາຜົນປະໂຫຍດຕົວຈິງ ມາໃຫ້ປະຊາຊົນ ແລະ ປະ ເທດຊາດ, ສ້າງການຫັນປ່ຽນ ທີ່ເປັນບາດລ້ຽວສຳຄັນໃນ ການ ປະຕິບັດມະຕິກອງປະຊຸມ ໃຫຍ່ ຄັ້ງທີ X ຂອງພັກໃຫ້ມີ ຜົນສຳເລັດ ແນໃສ່ພາປະເທດ ຊາດຫຼຸຸດພົ້ນອອກຈາກຄວາມ ດ້ອຍພັດທະນາ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.