Header Ads

ລາວ-ຣັດເຊຍ ຫັດແໜ້ນວຽກງານ ປ້ອງກັນປະເທດ!

Image may contain: one or more people and outdoor

ກອງທັບ/ຂປລ: ໃນວັນທີ 13 ມີນາ 2017 ທີ່ກະຊວງປ້ອງກັນປະເທດ ໄດ້ມີການພົບປະລະຫວ່າງ ລາວ-ລັດເຊຍ ຝ່າຍລາວນຳໂດຍທ່ານ ພົ.ຕ ສຸວອນ ເລືອງບຸນມີ ຮອງລັດຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການ ພ້ອມດ້ວຍຄະນະ ແລະ ຝ່າຍລັດເຊຍ ນຳໂດຍທ່ານ ພົນໂທ ຊາລູກົບ ອາເລກ ລິໂອນີໂດວິຈ ຜູ້ບັນຊາການທະຫານບົກ ກະຊວງປ້ອງກັນປະເທດ ແຫ່ງ ສ ລັດເຊຍ ພ້ອມດ້ວຍຄະນະ.

ໃນລະຫວ່າງ ການພົບປະສອງຝ່າຍ ໄດ້ມີການປຶກສາຫາລືເປັນເອກະພາບກັນ ແລະ ລາຍງານໃຫ້ຄະນະນຳກະຊວງ ແຕ່ລະຝ່າຍຮັບຊາບ ເຊິ່ງມີທິດທາງການຮ່ວມມືໃນຕໍ່ໜ້າ ຄື: ສືບຕໍ່ແລກປ່ຽນຄະນະຜູ້ແທນການທະຫານຂັ້ນສູງ ແລະ ຂັ້ນຕ່າງໆ ທີ່ເຫັນວ່າມີຄວາມຈຳເປັນ ເພື່ອແນ່ໃສ່ຈັດຕັ້ງປະຕິບັດຜັນຂະ ຫຍາຍ ເນື້ອໃນການພົວພັນຮ່ວມມື ລະຫວ່າງ ສອງກອງທັບ ລາວ-ລັດເຊຍ ໃຫ້ເກີດດອກອອກຜົນຍິ່ງໆຂຶ້ນ; ພ້ອມດຽວກັນ ຝ່າຍລັດເຊຍ ຈະສືບຕໍ່ຊ່ວຍກໍ່ສ້າງ ພະນັກງານກອງທັບປະຊາຊົນລາວ ທັງໄລຍະສັ້ນ ແລະ ໄລຍະຍາວ ໃນຂະແໜງການຕ່າງໆ ທີ່ເຫັນວ່າຝ່າຍລາວ ຍັງມີຄວາມຕ້ອງການ.
ໃນໂອກາດດັ່ງກ່າວ, ທ່ານ ພົ.ຕ ສຸວອນ ເລືອງບຸນມີ ໄດ້ກ່າວວ່າ: ການຢ້ຽມຢາມຂອງ ທ່ານ ພົນໂທ ຊາລູກົບ ອາເລກ ລິໂອນີໂດວິຈ ພ້ອມດ້ວຍຄະນະ ໃນຄັ້ງນີ້ ເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍ ສ້າງສາຍພົວພັນຮ່ວມມື ທີ່ມີມູນເຊື້ອຂອງສອງຊາດ, ສອງກອງທັບ ໃຫ້ນັບມື້ນັບແໜ້ນແຟ້ນ ແລະ ຈະເລີນງອກງານຍິ່ງໆຂຶ້ນໄປ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...




No comments

Powered by Blogger.