Header Ads

ມສ ທົ່ງກາບ ເມືອງຊຽງຮ່ອນ ມາຢ້ຽມຢາມແລະ ຖອດຖອນບົດຮຽນວຽກງານການສຶກສາ ຢູ່ ມສ ບ້ານທອງ ເມືອງເງິນ

ວັນທີ່ 17 ມີນາ 2017 ນີ້ ຢູ່ທີ່ ໂຮງຮຽນ ມັດທະຍົມສົມບູນບ້ານທອງ ເມືອງເງິນ ແຂວງໄຊຍະບູລີ ທ່ານ ໄວພົດ ປັນຍາສອນ ຮອງຫົວໜ້າຫ້ອງການ ສຶກສາທິການ ແລະ ກິລາເມືອງ ພ້ອມດ້ວຍຄະນະອຳນວຍການໂຮງຮຽນ, ຄູູອາຈານ ແລະ ນ້ອງນັກຮຽນ ໄດ້ໃຫ້ການຕ້ອນຮັບ ທ່ານ ສອນເພັດ ສີວິໄລ ຮອງຫົວໜ້າຫ້ອງການ ສຶກສາທິການ ແລະ ກິລາເມືອງຊຽງຮ່ອນ, ພ້ອມດ້ວຍຄະນະອຳນວຍການໂຮງຮຽນ, ຄູອາຈານ ຈາກ ໂຮງຮຽນ  ມສ ທົ່ງກາບ.  

ການມາຢ້ຽມຢາມແລະ ຖອດຖອນບົດຮຽນ ໃນຄັ້ງນີ້ ທ່ານ ອຈ ບຸນທຳ ແກ້ວມະນີ  ອຳນວຍການໂຮງຮຽນ ມັດທະຍົມສົມບູນບ້ານທອງ ກໍ່ໄດ້ຂື້ນລາຍງານ ການຈັດຕັ້ງປະຕິບັດການຮຽນ-ການສອນ. ມສ ບ້ານທອງ ມີ 14 ຫ້ອງຮຽນ, ມີນັກຮຽນທັງໝົດ 411 ນ້ອງ,ຍິງ 180 ນ້ອງ.

ການຖອດຖອນບົດຮຽນໃນຄັ້ງນີ້ຄູ-ອາຈານ ມສ ທົ່ງກາບ ແລະ ມສ ບ້ານທອງກໍ່ໄດ້ສົນທະນາ ແລະກປ່ຽນບົດຮຽນ ໂດຍສະເພາະແລກປ່ຽນບົດຮຽນທາງດ້ານ ການບໍລິຫານ, ວຽກງານວິຊາການ, ວຽກງານຄຸ້ມຄອງນັກຮຽນ ແລະ ວຽກອື່ນໆ. ນີ້ກໍ່ເພື່ອແນ່ໃສ່ພັດທະນາວຽກງານການສຶກສາທັງສອງເມືອງ ໃຫ້ມີທ່ວງທ່າຂະຫຍຍຕົວຂື້ນໄປເລື້ອຍໆ ຕອນທ້າຍ ຂອງພິທີ ກໍ່ໄດ້ຈັດກິດຈະກຳ ແຂ່ງຂັນກິລາບານເຕະ ຍິງ-ຊາຍ ແລະ ບ້ານສົ່ງ ຍິງ-ຊາຍ ອີກດ້ວຍ.

ໂດຍ: ສຸລິຍາ ແສງເດືອນ




No comments

Powered by Blogger.