Header Ads

ນະມັດສະການສັກກາຣະພຣະບໍຣົມສາຣິຣິກະທາຕຸ ພຣະແຂ້ວໝາກແງແກ້ວ ພຣະສັມມາສັມພຣະພຸທທະເຈົ້າ


ພິທີຈັດງານນະມັດສະການສັກກາຣະພຣະບໍຣົມສາຣິຣິກະທາຕຸ ພຣະແຂ້ວໝາກແງແກ້ວ ພຣະສັມມາສັມພຣະພຸທທະເຈົ້າ ສະຖານນີວິທະຍຸ CRI ລາຍງານວ່າ ເມື່ອເວລາ 09:30 ໂມງ ຂອງວັນທີ່ 26 ກຸມພາ 2017 ທີ່ຜ່ານມາໄດ້ມີການຈັດພິທີທາງພຸທທະສາສາໜາຢ່າງຍິ່ງໃຫຍ່ ເພື່ອສັກກາຣະ ພຣະບໍຣົມສາຣິຣິກະທາຕຸ ພຣະແຂ້ວໝາກແງແກ້ວ ພຣະສັມມາສັມພຣະພຸທທະເຈົ້າ ທີ່ວັດເປົ່າຊ່ຽງ Baoxiang Temple ທີ່ເມືອງເວີ່ນຊ່າງ ມົນທົນຊານຕົງ ສ.ປ ຈີນ ໂດຍມີຄະນະພຣະເຖຣະ ນຸເຖຣະ ແລະພຸທທະສາສະນິກກະຊົນເຂົ້າຮ່ວມນະມັດສະການກວ່າ 1,000 ຄົນ ແລະມີການສູດມົນເພື່ອບູຊາພຣະບໍຣົມສາຣິຣິກະທາຕຸພຣະແຂ້ວໝາກແງແກ້ວ ໃນພາຍສິມຂອງວັດດັ່ງກ່າວ.

Image may contain: 1 person, indoor


ຫລັງຈາກນັ້ນໄດ້ມີການອະຣາດທະນານິມົນໄປປະດິດສະຖານໃນພຣະທາຕຸໄທ່ຈື່ນຫລິງຈົງ ເພື່ອໃຫ້ພຸທທະສານິກະຊົນເຂົ້າຮ່ວມສັກກາຣະ ປະຫວັດຂອງ ພຣະບໍຣົມສາຣິຣິກະທາຕຸພຣະແຂ້ວໝາກແງແກ້ວ ເມື່ອປີ ຄ.ສ 790 ພຣະບໍຣົມສາຣິຣິກະທາຕຸພຣະແຂ້ວໝາກແງແກ້ວ ສ່ວນນີ້ໄດ້ຮັບອັນເຊີນມາເຖິງເມືອງຈີນ ຈາກແຄວ້ນຄັນທາຣະ Gandhara ຂອງປະເທດອິນເດຍ ໂດຍພຣະເຖຣະອູ້ຄົງ ໃນຣາຊວົງຖັງ ພຣະບໍຣົມສາຣິຣິກະທາຕຸພຣະແຂ້ວໝາກແງແກ້ວອົງນີ້ ມີຄວາມຍາວ 5 ຊັງຕີແມັດ ເສັ້ນຜ່າກາງ 2 ຊັງຕີແມັດ ຮູບຮ່າງຄ້າຍກັບກ້ອນຂິ້ນເຜິ້ງທີ່ມີສີຂາວແກມເຫລືອງ ມີຮູບຊົງໂຄ້ງນ້ອຍຫນຶ່ງ ເຫັນຮາກແຂ້ວສາມແຫງ່ມ ໄດ້ຢ່າງແຈ່ມແຈ້ງ ເອກກະລັກເຫລົ່ານີ້ສອດຄ່ອງກັນກັບພຣະຖັງຊຳຈັ໋ງ ທີ່ບັນທຶກໄວ້ ຕໍ່ມາໃນຣາຊວົງຊົ່ງເໜືອ ເສນາບໍດີຫວາງ ອັນສື ນັກການເມືອງທີມີຊື່ສຽງເຄີຍອັນເຊີນມາປະດິດສະຖານໄວ້ທີ່ຈວນ (ເຮືອນ) ຕົນເອງມາແລ້ວ.

Image may contain: 1 person

No automatic alt text available.

ທີມາຈາກເພຈ Chang Tangyuak
ຮຽບຮຽງໂດຍ: Art and Culture of Laos

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.