Header Ads

ຫົວເຫວີຍ ຜູ້ນໍາທາງສູ່ສະມາດໂຟນຍຸກໃໝ່



ໃນປີນີ້ທີ່ງານ Mobile World Congress ທີ່ເມືອງບາເຊໂລນາ, ແບຣນ ຫົວເຫວີຍ ໄດ້ນໍາສະເໜີຜົນງານໃໝ່ ເພື່ອກ້າວໄປສູ່ການເປັນຜູ້ນໍາສູງສຸດໃນຕະຫຼາດສະມາດໂຟນ. ຂຽນໂດຍ ARTHUR GOLDSTUCK.

ເມື່ອສີ່ປີກ່ອນ, ຫຼາຍໆຄົນອາດຄາດບໍ່ເຖິງ ທີ່ແບຣນ ຊຶ່ງບໍ່ມີໃຜເຄີຍໄດ້ຍິນຊື່ມາກ່ອນ ນອກຈາກປະເທດຈີນ ຄື ຫົວເຫວີຍ ໄດ້ກາຍເປັນຈຸດສົນໃຈຢ່າງແຜ່ຫຼາຍໃນງານ Mobile World Congress 2017 ທີ່ເປັນສູນກາງຂອງອຸດສາຫະກໍາໂທລະສັບມືຖື ເປັນເວລາສີ່ມື້ ທີ່ຈັດຂຶ້ນໃນທ້າຍເດືອນກຸມພາ ຂອງທຸກໆປີ ຊຶ່ງເປັນຈຸດເລີ່ມຕົ້ນຂອງການເປີດໂຕສະມາດໂຟນລຸ້ນໃໝ່ອອກສູ່ສາຍຕາມວນຊົນ.

ຍ້ອນ Huawei P10 ແລະ P10 Plus ໃໝ່ຫຼ້າສຸດນີ້ເອງ ທີ່ດຶງດູດນັກຂ່າວຫຼາຍກວ່າພັນຄົນມາເຂົ້າຮ່ວມງານເປີດໂຕດັ່ງກ່າວ,ຊວນໃຫ້ຄິດເຫັນຄວາມແອອັດຂອງຜູ້ຄົນພາຍໃນງານເປີດໂຕໂທລະສັບຊໍາຊຸງກ່ອນໜ້ານີ້. ຊໍາຊຸງເລືອກທີ່ຈະເປີດໂຕ ແທັບເລັດ ຢ່າງລຽບງ່າຍ ແລະເລື່ອນການເປີດໂຕ Galaxy S8  ໄປອີກໜຶ່ງເດືອນ ຊຶ່ງພາໃຫ້ເກີດໂອກາດທີ່ດີແກ່ ຫົວເຫວີຍ, LG ແລະ Sony ຊຶ່ງກໍ່ລວມທັງ Nokia, BlackBerry ແລະ Motorola ທີ່ຈະໄລ່ຕາມທັນ ຫຼື ນໍາໜ້າໄປໄດ້.





ກ່ອນອື່ນຂໍກ່າວເຖິງ ສະມາດໂຟນຄຸນນະພາບດີ ລະດັບ premium ເຊັ່ນ Huawei P9 Plus ຊຶ່ງເປັນໜຶ່ງໃນສະມາດໂຟນທີ່ດີທີ່ສຸດໃນປີ 2016 ທີ່ຊ່ວຍໃຫ້ຫົວເຫວີຍໄດ້ກາຍເປັນອັນດັບສາມໃນຕະຫຼາດສະມາດໂຟນທົ່ວໂລກ, ສະເພາະ Samsung ແລະ Apple ເທົ່ານັ້ນທີ່ຍັງຄົງນໍາໜ້າຢູ່. ທັງສອງບໍລິສັດ ບໍ່ໄດ້ມີການນໍາສະເໜີສະມາດໂຟນທີ່ງານນີ້ເລີຍ, ພາໃຫ້ ຫົວເຫວີຍ ກາຍເປັນຜູ້ນໍາທີ່ເບິ່ງຂ້າມໄປບໍ່ໄດ້ສໍາລັບງານນີ້, ຜົນທີ່ຕາມມາກໍ່ຄື ເມື່ອ Samsung Galaxy S8 ເປີດໂຕອອກມາໃນທ້າຍເດືອນມີນາທີ່ຈະເຖິງນີ້, ມັນອາດເປັນຄັ້ງທໍາອິດໃນຮອບຫ້າປີ ທີ່ບໍລິສັດຈາກເກົາຫຼີໃຕ້ຈະເປັນຝ່າຍໄລ່ຕາມ ແທນການເປັນຜູ້ນໍາ.
ກັບມາເວົ້າເຖິງ Huawei P10 ແລະ P10 Plus ທີ່ມາພ້ອມເຕັກໂນໂລຊີກ້ອງຂັ້ນສູງຄ້າຍຄືລຸ້ນກ່ອນ. ເປັນອີກຄັ້ງໜຶ່ງ ທີ່ມາພ້ອມກັບກ້ອງຫຼັງເລັນຄູ່ທີ່ພັດທະນາຮ່ວມກັບ Leica. ເປັນຄັ້ງທໍາອິດທີ່ກ້ອງໜ້າເອງ ກໍ່ໃຫ້ຄຸນນະພາບໃກ້ຄຽງກັບກ້ອງມືອາຊີບ, ຕ້ອງຂອບໃຈທີ່ເລືອກໃຊ້ເລັນຂອງ Leica.

ດ້ວຍຄວາມສາມາດທິ່ຫຼາຍຂຶ້້ນ, ກັບ Portrait mode ທີ່ມາພ້ອມເຕັກໂນໂລຊີການຄົ້ນຫາໃບໜ້າແບບ 3D ແລະ professional studio-like effects ເຊັ່ນ re-lighting ແລະ Hybrid Zoom ທີ່ຊ່ວຍໃຫ້ focus ໄປທີ່ຈຸດໃດໜຶ່ງຂອງຮູບພາບໄດ້.

ການອອກແບບຕົວເຄື່ອງ ເຜີຍໃຫ້ເຫັນເຖິງຄວາມຊ່ຽວຊານທາງດ້ານໂລຫະທີ່ພັດທະນາໄປອີກຂັ້ນ, ຕາມທີ່ບໍລິສັດ ເອີ້ນມັນວ່າ ຄວາມໂຄ້ງມົນ, “hyper diamond-cut” ແລະ ທາງເລືອກໃໝ່ຂອງສີສັນ. ຫົວເຫວີຍ ໄດ້ຮ່ວມມືກັບສະຖາບັນແຫ່ງສີ Pantone ຊຶ່ງເປັນຜູ້ຊ່ຽວຊານກ່ຽວກັບສີລະດັບໂລກ ທີ່ຈະເຮັດໃຫ້ສະມາດໂຟນມີສີສັນໃໝ່ໆ ທີ່ບໍ່ເຄີຍມີມາກ່ອນ.

Pantone Greenery ເປັນຊື່ຂອງສີປະຈໍາປີ 2017 ຈາກ Pantone ທີ່ໄດ້ຖືກນໍາມາໃຊ້ກັບສະມາດໂຟນ ດ້ວຍເຄື່ອງພົ່ນຊາຍ, ເປັນສີຂຽວສະອາດຕາ ທີ່ສະທ້ອນໃຫ້ເຫັນເຖິງຄວາມເປັນມິດກັບສິ່ງແວດລ້ອມ. ສ່ວນໂທນສີຟ້າເຂັ້ມ Dazzling Blue ທີ່ເພີ່ມຕື່ມໃນ diamond-cut ພາໃຫ້ເກີດຄວາມແວວວາວ ຊຶ່ງອາດພາໃຫ້ໂທນສີນີ້ກາຍເປັນສີຍອດນິຍົມ. ອາດບໍ່ຄ່ອຍເຫັນ ທີ່ສີຈະເປັນຈຸດເດັ່ນໃນສະມາດໂຟນ ແຕ່ ຫົວເຫວີຍ ກໍ່ໄດ້ດຶງຈຸດນີ້ໃຫ້ເດັ່ນຂຶ້ນ ດ້ວຍສີສັນໃໝ່ໆ ເຊັ່ນ Ceramic White, Dazzling Gold, Prestige Gold, Graphite Black, Rose Gold ແລະ Mystic Silver.

ຂັດຫຍໍ້ຂໍ້ມູນຈາກ http://www.gadget.co.za/huawei-leads-the-charge-to-next-generation-phones/

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.