Header Ads

ຈັບໂຊເຟີລົດເມ ຂາຍຢາບ້າ

ຜົ້ງສາລີ: ທ້າຍເດືອນກຸມພາ 2017, ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານ ຢາເສບຕິດ ປກສ ແຂວງຜົ້ງສາລີ ກັກຕົວທ້າວ ແສງຄຳ ອາຍຸ 26 ປີ ຢູ່ ແຂວງຜົ້ງສາລີ ຜູ້ຕ້ອງຫາລັກລອບຊື້ຂາຍຢາເສບຕິດປະເພດຢາບ້າຢູ່ຕາມ ຄິວລົດໂດຍສານ ລວມຂອງກາງຈຳນວນ 650 ເມັດ ມາສອບສວນ.

ເຈົ້າໜ້າທີ່ ປກສ ເມືອງຜົ້ງສາລີ ໜ່ວຍງານສືບສວນ-ສອບສວນຄະດີ ອາຍາ ໄດ້ເປີດເຜີຍໃຫ້ຮູ້ວ່າ: ໃນເບື່ອງຕົ້ນໄດ້ຮັບແຫຼງຂ່າວຈາກພົນ ລະ ເມືອງດີວ່າ: ມີໂຊເຟີຂັບລົດໂດຍສານ ສາຍຜົ້ງສາລີ-ອຸດົມໄຊ ລັກລອບຊື້- ຂາຍຢາເສບຕິດປະເພດຢາບ້າ ຢູ່ຕາມບໍລິເວນຄິວລົດ. ຈາກນັ້ນ, ຈຶ່ງໄດ້ ແຕ່ງຕັ້ງໜ່ວຍງານວິຊາສະເພາະລົງເກັບກຳຂໍ້ມູນ. ຜ່ານການເກັບກຳຂໍ້ມູນ ພົບວ່າ: ມີຄວາມຈິງແທ້ ເຈົ້າໜ້າທີ່ຈຶ່ງກັກຕົວທ້າວ ແສງຄຳ ໄດ້ໃນວັນທີ 24 ກຸມພາ 2017 ພ້ອມຂອງກາງ 650 ເມັດ.

ຜ່ານການສອບສວນຜູ້ກ່ຽວໄດ້ຮັບສາລະພາບວ່າ: ຢາບ້າຈຳນວນດັ່ງ ກ່າວແມ່ນຂອງຕົນແທ້ ແລະ ໄດ້ຊື້ນຳທ້າວ ກໍ ຢູ່ແຂວງອຸດົມໄຊ ໂດຍນັດຈຸດ ຊື້-ຂາຍຢູ່ບ້ານພັກແຫ່ງໜຶ່ງ ເຂດຄີວລົດເກົ່າຂອງແຂວງອຸດົມໄຊ, ໃນລາຄາ ຕົກລົງຊື້-ຂາຍແມ່ນຖົງລະ 1 ລ້ານກວ່າກີບ. ພາຍຫຼັງຂາຍໄດ້ເງິນ ແລ້ວຈຶ່ງ ເອົາມາຈ່າຍຕາມຫຼັງ, ຈາກນັ້ນ, ກໍຂັບລົດໂດຍສານກັບຄືນມາຄິວລົດ ເມືອງ ຜົ້ງສາລີ ເມື່ອມາຮອດຄິວລົດຈະນຳເອົາຢາບ້າໄປຂາຍໃຫ້ກັບພັກພວກທີ່ ຮ່ວມກັນຂາຍ ແລະ ເສບມົ້ວສຸມ ແຕ່ຍັງບໍ່ທັນອອກຈາກຄິວລົດ ກໍມີເຈົ້າ ໜ້າທີ່ເຂົ້າມາກັກຕົວຢູ່ຄີວລົດ ພ້ອມຂອງກາງຢາບ້າ 650 ເມັດ ມາດຳ ເນີນຄະດີ.

ພາບແລະຂ່າວ: ໜັງສືພິມ ຄວາມສະຫງົບ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...




No comments

Powered by Blogger.