Header Ads

ຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ໄຊຍະບູລີ ພ້ອມດ້ວຍທີມງານ ລົງຢ້ຽມຢາມ ແລະ ເຮັດວຽກຢູ່ເມືອງເງິນ.

ໄຊຍະບູລີ: ການລົງຊຸກຍູ້ ຕິດຕາມ, ກວດກາ ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນຄັ້ງນີ້ ແມ່ນໄດ້ຈັດຂື້ນໃນຕອນເຊົ້າຂອງວັນທີ່ 13 ມີນາ 2017 ນີ້ ຢູ່ທີຫ້ອງປະຊຸມ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງເງິນ ແຂວງ ໄຊຍະບູລີ ເຊີ່ງມີ ພະນັກງານ ວິຊາການ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເຂົ້າຮ່ວມ 14 ທ່ານ, ຍິງ 3 ທ່ານ.

ທ່ານ ລັດທິ ພົມະຈິດ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ ໄດ້ລາຍງານການຈັດຕັ້ງປະຕິບັດວຽກງານໃນໄລຍະຜ່ານມາ ເປັນຕົ້ນ ແມ່ນໄດ້ສຶກສາອົບຮົມການເມືອງແນວຄິດໃຫ້ແກ່ພະນັກງານ ວິຊາການ ເປັນປົກກະຕິ. ເຮັດໃຫ້ພະນັກງານມີແນວຄິດອຸ່ນອ່ຽງທຸນທ່ຽງ ເຊື່ອໝັ້ນຕໍ່ການນຳພາຂອງພັກ ສະແດງອອກໃນການເຄື່ອນໄຫວເຮັດວຽກງານວິຊາສະເພາະ ມີຄວາມຈູບຈ້າວຫາວຫັນ, ມີຄວາມຮັບຜິດຊອບສູງຕໍ່ໜ້າທີວຽກງານທີ່ການຈັດຕັ້ງມອບໝາຍໃຫ້.

 ຈາກນັ້ນ ທ່ານ ຈັນທີ ສີມະນີຈັນ ຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ໄຊຍະບູລີ ກໍ່ໃຫ້ກຽດຂື້ນໂອລົມ ທ່ານໄດ້ເໜັ້ນໜັກ ໃນການເພີ້ມທະວີ ເອົາໃຈໃສ່ໃນການສຶກສາອົບຮົມການເມືອງແນວຄິດເປັນກົກ, ຄວາມສາມັກຄີພາຍໃນພາຍນອກ, ເຮັດວຽກເປັນໝູ່ຄະນະ ລວມສູນປະຊາທິປະໄຕ, ມີແຜນວຽກ, ແຜນງານ, ແຜນຄົນ ລະອຽດ. ພ້ອມທັງເອົາໃຈໃສ່ ໃນການໂຄສະນາແນວທາງ ໃຫ້ກວາງຂວາງ ເລີກເຊີ່ງ ເພື່ອເປັນກະບອກສຽງ ອັນແຫຼມຄົມ ໃຫ້ແກ່ພັກ-ລັດ ເພື່ອແນ່ໃສ່ປຸກລະດົມ ໃຫ້ພໍ່ແມ່ປະຊາຊົນບັນດາເຜົ່າ ມີສ່ວນຮ່ວມໃນການປົກປັກຮັກສາ ແລະ ພັດທະນາປະເທດຊາດ ໃຫ້ຮັ່ງມີເຂັ້ມແຂງຂື້ນໄປເລື້ອຍໆ.
                                                                                                                                                                                    ໂດຍ: ອິນແປງ ແຫວນຄຳ
ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງເງິນ

     


No comments

Powered by Blogger.