Header Ads

ຮອງເລຂາຄະນະບໍລິຫານງານຊາວໜຸ່ມແຂວງໄຊຍະບູລີ ພ້ອມດ້ວຍທີມງານ. ທີ່ລົງມາເຄື່ອນໄຫວ ຊຸກຍູ້ວຽກງານຊາວໜຸ່ມ ຢູ່ເມືອງເງິນ.

ໄຊຍະບູລີ: ວັນທີ່ 23 ມີນາ 2017 ນີ້ ຢູ່ທີ່ຫ້ອງການຊາວໜຸ່ມປະຊາຊົນປະຕິວັດລາວ ເມືອງເງິນ ແຂວງໄຊຍະບູລີ ສະຫາຍນາງ ສີຈົມ ບຸນມານະທຳ ຄະນະບໍລິຫານງານຊາວໜຸ່ມແຂວງ ກຳມະການພັກເມືອງ ເລຂາຊາວໜຸ່ມເມືອງ ພ້ອມດ້ວຍຄະນະ ໄດ້ຕ້ອນຮັບ ສຫ ສຸລະສັກ ຄຳອອນ ຮອງເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍທີມງານ. ທີ່ລົງມາເຄື່ອນໄຫວ ຊຸກຍູ້ວຽກງານຊາວໜຸ່ມ ຢູ່ເມືອງເງິນ.

ການລົງມາເຮັດວຽກໃນຄັ້ງນີ້ ສະຫາຍນາງ ສີຈົມ ບຸນມານະທຳ ໄດ້ລາຍງານ ການຈັດຕັ້ງປະຕິບັດ ວຽກງານຊາວໜຸ່ມ ໃນໄລຍະ 1 ປີຜ່ານມາ. ເມືອງເງິນ ປະກອບມີໜ່ວຍຊາວໜຸ່ມ 50 ໜ່ວຍ,ເປັນໜ່ວຍ 4 ບຸກແລ້ວ 38 ໜ່ວຍ ມີຊາວໜຸ່ມ-ໄວໜຸ່ມ ທັງໝົດ 3.764 ສຫ, ຍິງ 1.716 ສຫ, ເປັນສະມາຊິກຊາວໜຸ່ມປະຊາຊົນປະຕິວັດລາວ 1922 ສຫ, ຍິງ 822 ສຫ. ຜ່ານມາແມ່ນໄດ້ຖືເອົາການສຶກສາອົບຮົມການເມືອງແນວຄິດເປັນກົກ ໂດຍຕິດພັນກັບ ເອກະສານມູນເຊື້ອຂອງຊາດ, ຂອງພັກ, ຂອງຊາວໜຸ່ມ ລົງເຜີຍແຜ່ເຊື່ອມຊື່ມ ໃຫ້ສະມາຊິກຊາວໜຸ່ມ-ໄວໜຸ່ມ ໃຫ້ບັນດາໜ່ວຍອ້ອມຂ້າງ ແລະ ບ້ານ. ຜ່ານການເຊື່ອມຊືມ ໄດ້ເຮັດໃຫ້ສະມາຊິກຊາວໜຸ່ມ-ໄວໜຸ່ມ ມີຄວາມເຊື້ອໝັ້ນຕໍ່ການນຳພາຂອງພັກ-ລັດ, ມີນ້ຳໃຈຮັກບ້ານເກີດເມືອງນອນ ສະແດງອອກການສ້າງຂະບວນການຕ່າງໆຢູ່ແຕ່ລະໜ່ວຍແມ່ນເປັນຂະບວນຟົດຟືນ, ມີການຮ່ວມຊີວິດປະຈຳເດືອນ, ເສຍເງິນສະຖິຕິບໍ່ໄດ້ຂາດ ແລະ ປະກາດເປັນເມືອງ 4 ບຸກໃນປີ 2016 ຜ່ານມາ. 

ຂ່າວຍັງໃຫ້ຮູ້ອີກວ່າ ທີມງານຊາວໜຸ່ມແຂວງ ຍັງໄດ້ລົງພົບປະໂອ້ລົມກັບບັນດາຊາວໜຸ່ມ-ເຍົາວະຊົນ ຢູ່ທີ່ ໂຮງຮຽນ ປະຖົມສົມບູນບ້ານຂອນ, ແລະ ໂຮງຮຽນ ມສ ນ້ຳເງິນ ເພື່ອເປັນການ ກວດກາແບບແຜນ ວິທີການຈັດຕັ້ງປະຕິບັດ ວຽກງານຊາວໜຸ່ມ-ເຍົາວະຊົນ- ອານຸຊົນ ເພື່ອເປັນການສຶກສາອົບຮົມ ໃຫ້ລູກຫຼານ, ເປັນຄົນຮູ້ຜູ້ດີຂອງຊາດ, ຂອງສັງຄົມ. ກາຍເປັນຜູ້ສືບທອດໃນອານາຄົດ.

ໂດຍ: ສຸລິຍາແສງເດືອນ, ຖວທ ເມືອງເງິນ







No comments

Powered by Blogger.