Header Ads

ຈັບສາວເຖົ້າຕົ້ມຕຸນຮັບເອກະສານແລ່ນເຂົ້າຮຽນ! ສໍ້ໂກງປະຊາຊົນ ທີ່ແຂວງວຽງຈັນ

ວຽງຈັນ: ມິດສາຊີບທີ່ເຄື່ອນໄຫວຕົວະຍົວະຫຼອກລວງປະຊາຊົນ ທີ່ຮູ້ເທົ່າ ບໍ່ເຖິງການ ດ້ວຍວິທີການຮັບແລ່ນເອກະສານເອົາລູກ-ຫຼານເຂົ້າຮຽນຕໍ່ ຢູ່ໂຮງຮຽນຕ່າງໆ ແມ່ນຍັງມີໃຫ້ເຫັນເປັນປະຈຳ ເຮັດໃຫ້ປະຊາຊົນຜູ້ທີ່ ດີ້ນ ລົນຢາກໃຫ້ລູກ-ຫຼານໄປຮຽນຕໍ່ ຕົກເປັນເຫຍື່ອຂອງພວກເຂົາໄດ້ ງ່າຍ ດັ່ງຄືຜູ້ເສຍຫາຍຈໍານວນ 9 ຄົນ ເຂົ້າແຈ້ງຄວາມຕໍ່ເຈົ້າໜ້າທີ່ຕໍາ ຫຼວດ ພະແນກເສດຖະກິດ ປກສ ແຂວງວຽງຈັນ ວ່າ: ມີນາງ ວອນ ແສງ ອາຍຸ 60 ປີ ປະຊາຊົນບ້ານນໍ້າແຈ້ງ ເມືອງໂພນໂຮງ ແຂວງວຽງ ຈັນ ມາເຄື່ອ ໄຫວ ຕົວ ຍົວະດ້ວຍຮູບການຮັບແລ່ນເອກະສານເອົາຄົນ ເຂົ້າຮຽນຢູ່ໂຮງຮຽນຊົນເຜົ່າ ເດັກກຳພ້າຫຼັກ 67 ລວມມູນຄ່າເສຍຫາຍ 100 ກ່ວາລ້ານກີບ. ຈາກນັ້ນ, ເຈົ້າໜ້າທີ່ຈຶ່ງລົງໄປເກັບກຳຂໍ້ມູນຫຼັກ ຖານຕົວຈິງ ເຫັນວ່າມີມູນຄວາມຈິງຈຶ່ງ ໄດ້ກັກຕົວ ນາງ ວອນແສງ ໃນວັນທີ 18 ຕຸລາ 2016 ມາສືບສວນ- ສອບ ສວນ.

ຜ່ານການສືບສວນ-ສອບສວນຂອງເຈົ້າໜ້າທີ່, ນາງ ວອນແສງ ໄດ້ຮັບ ສາລະພາບວ່າ: ນັບແຕ່ປີ 2015 ຜູ້ກ່ຽວແມ່ນໄດ້ເຄື່ອນໄຫວ ເລີ່ມຮັບແລ່ນ ເອກະສານເອົາຄົນເຂົ້າຮຽນຢູ່ໂຮງຮຽນຊົນເຜົ່າເດັກ ກຳພ້າຫຼັກ 67 ມາຮອດປີ 2016 ໄດ້ມີປະຊາຊົນມາຈາກແຂວງບໍລິຄຳໄຊ ຈໍານວນ 9 ຄົນ ມາຫາ ເພື່ອ ໃຫ້ຜູ້ກ່ຽວແລ່ນເອກະສານເອົາຄົນເຂົ້າ ຮຽນໃນໂຮງຮຽນດັ່ງກ່າວ. ຜູ້ກ່ຽວ ແມ່ນ ໄດ້ຮັບປາກວ່າຈະແລ່ນໃຫ້ໄດ້ ໂດຍອ້າງວ່າຮູ້ຈັກຮັກແພງກັບຜູ້ໃຫຍ່ທີ່ ສາມາດເອົາຄົນເຂົ້າຮຽນໄດ້. ແຕ່ມີເງື່ອນໄຂຕ້ອງໄດ້ຈ່າຍເງິນ ລາຄ ເລີ່ມ ແຕ່ 60 ພັນບາດ ຫາ 90 ພັນບາດ. ພາຍຫຼັງຕົກລົງກັນໄດ້. ນາງ ວອນແສງ ຈຶ່ງບອກໃຫ້ປະກອບ ເອກະສານຕາມເງື່ອນໄຂຄົບຖ້ວນ ໂດຍຕັ້ງວົງເງິນ ທີ່ຕ້ອງຈ່າຍເປັນ 2 ງວດ. ຈາກນັ້ນ, ພວກເສຍຫາຍຈຳນວນໜຶ່ງ ໄດ້ມອບ ເງິນໃຫ້ ນາງ ວອນແສງ ງວດທີ 1 ແມ່ນຈ່າຍເຄິ່ງໜຶ່ງ ສ່ວນທີ່ເຫຼືອແມ່ນ ຈ່າຍ ຕອນມີລາຍຊື່ເຂົ້າຮຽນແລ້ວ ລວມທັງໝົດຈຳນວນ 39.550.000 ກີບ, ເງິນບາດ 125.000 ບາດ ໃນຈໍານວນ 9 ຄົນ.



ຫຼັງຈາກໄດ້ເງິນ ແລະ ເອກະສານແລ້ວ ຜູ້ກ່ຽວບໍ່ໄດ້ແລ່ນເອກະສານ ຕາມ ທີ່ຕົກລົງກັນໄວ້ ເຮັດໃຫ້ຜູ້ເສຍຫາຍຄອງຄອຍເລື້ອຍມາ ພ້ອມ ທັງພະຍາ ຍາມທວງຖາມ ແຕ່ກໍປະຕິເສດໄປເລືອຍໆ. ຮອດວັນທີ 12 ຕຸລາ 2016, ນາງ ວອນແສງ ໄດ້ສະເໜີເອົາເງິນສ່ວນທີ່ຍັງເຫຼືອຈາກ ພວກເສຍຫາຍ ແຕ່ລະຄົນ ເປັນງວດທີ 2 ອີກ ໂດຍອ້າງວ່າຈະເອົາເງິນ ຈຳນວນດັ່ງກ່າວໄປ ໃຫ ຜູ້ມີຖານະຕຳແໜ່ງຕື່ມອີກ. ຈາກນັ້ນ, ຈຶ່ງໄດ້ ຕົກລົງກັນຈ່າຍຕາມເງື່ອນ ໄຂຂອງແຕ່ລະຄົນ ລວມເງິນໝົດ 58.650.000 ກີບ ແລະ ເງິນບາດ 30.000 ບາດ ຈາກຜູ້ເສຍຫາຍທັງ ໝົດ. ພາຍຫຼັງນາງ ວອນແສງ ໄດ້ເງິນ ໄປແລ້ວ ແມ່ນເອົາຕົວຫຼົບໜີ ແລະ ຂາດການຕິດຕໍ່ຫາກັນ, ສ່ວນໂຮງຮຽນດັ່ງກ່າວ ກໍແມ່ນເລີ່ມເຂົ້າ ຮຽນແລ້ວ ແຕ່ບໍ່ມີລາຍຊື່ລູກ-ຫຼານຂອງຕົວເອງ, ຈຶ່ງໄດ້ເຂົ້າແຈ້ງຄວາມ ຕໍ່ ປກສ ແຂວງວຽງຈັນ ດໍາເນີນຄະດີກັບຜູ້ກ່ຽວ.

ພາບແລະຂ່າວ: ໜັງສືພິມຄວາມສະຫງົບ LSecurity News
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...






No comments

Powered by Blogger.