Header Ads

ປກສ ບ້ານຫົວຂົວ ຈັບຄົນມົ້ວສຸມຢາເສບຕິດ ທີ່ຮ້ານເກມ! ທ່ານຄິດຈັ່ງໃດກັບຮ້ານເກມ?

ສະພາບການມົ້ວສຸມຢາເສບຕິດເປັນອີກວຽກງານໜຶ່ງທີ່ເຈົ້າໜ້າທີ່ ປກສ ໄດ້ສຸມໃສ່ແກ້ໄຂ. ແຕ່ກໍຍັງມີກຸ່ມຄົນທີ່ມົ້ວສຸມ ແລະ ຂາຢາເສບຕິດຈຳ ນວນໜຶ່ງທີ່ເຄື່ອນໄຫວລັກລອບຂາຍຢາເສບຕິດຕາມຈຸດມົ້ວສຸມ ເປັນຕົ້ນ ແມ່ນຢູ່ຮ້ານເກມ ແລະ ຮ້ານສະນຸກເກີ.

ໃນວັນທີ 17 ມີນາ 2017, ພະແນກຕໍາຫຼວດສະກັດກັ້ນ ແລະ ຕ້ານຢາ ເສບຕິດ ນະຄອນຫຼວງວຽງຈັນ ໄດ້ລົງແກ້ໄຂເປົ້າໝາຍມົ້ວສຸມຢາເສບ ຕິດຢູ່ຮ້ານເກມເຂດບ້ານຫົວຂົວ ເມືອງໄຊເຊດຖາ ນະຄອນຫຼວງວຽງຈັນ ສາມາດກັກຕົວຜູ້ຂາຍຢາເສບຕິດ 8 ຄົນ ພ້ອມຂອງກາງ 87 ເມັດ ແລະ ຢາໄອສ໌ 2 ຖົງນ້ອຍ ແລະ ກັກຕົວຜູ້ເສບ ຈໍານວນ 17 ຄົນ ຄື: ທ້າວ ຄໍາສີ ອາຍຸ 30 ປີ ຢູ່ບ້ານໂນນຫວາຍ, ທ້າວ ສະຫຼັກຄໍາ ອາຍຸ 22 ປີ ຢູ່ບ້ານວັງຊາຍ, ທ້າວ ສະໝານໄຊ ອາຍຸ 31 ປີ ແລະ ນາງ ສຸພາວະດີ ອາຍຸ 20 ປີ ທັງສອງ ຢູ່ບ້ານໂນນສະຫວ່າງ ທັງ 5 ຢູ່ເມືອງໄຊເຊດຖາ, ທ້າວ ບຸນສີ ອາຍຸ 29 ປີ ຢູ່ບ້ານແດນເມືອງ ເມືອງໄຊທານີ, ທ້າວ ຈັນທະຈອນ ອາຍຸ 35 ປີ ຢູ່ບ້ານທາງ ໂຄ້ງ ເມືອງປາກງື່ມ ແລະ ທ້າວ ພຶດ ອາຍຸ 17 ປີ ຢູ່ບ້ານດົງໂພນເລົ່າ ເມືອງ ຫາດຊາຍຟອງ ນະຄອນຫຼວງວຽງຈັນ ພ້ອມຂອງກາງ 87 ເມັດ ແລະ ຢາໄອສ 2 ຖົງນ້ອຍ ແລະ ກັກຕົວຜູ້ເສບໄດ້ 17 ຄົນ ມາດໍາເນີນຄະດີ.

ສ່ວນຜູ້ເສບຈໍານວນ 17 ຄົນ, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ນວ ແມ່ນໄດ້ ສຶກສາອົບຮົມ ແລະ ເຮັດບົດບັນທຶກ ເພື່ອບໍ່ໃຫ້ກະທໍາຜິດອີກ ຖ້າຍັງສືບຕໍ່ແມ່ນຈະໄດ້ກັກຕົວດໍາເນີນຄະດີ ຕາມ ກົດໝາຍ, ເຊິ່ງພວກກ່ຽວແມ່ນໄດ້ມອບໃຫ້ອໍານາດການປົກຄອງບ້ານ ແລະ ຜູ້ປົກຄອງນໍາໄປສຶກສາອົບຮົມຕື່ມອີກ.

ພາບແລະຂ່າວ: ປກສ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.