Header Ads

ຈັບພໍ່ຄ້າຢາບ້າ, ເຮໂຣອິນ ແລະ ຢາໄອສ໌ ເຂດເມືອງໄຊທານີ!

ການລັກລອບຊື້-ຂາຍຢາເສບຕິດໃນປັດຈຸບັນນີ້ ແມ່ນເຮັດເປັນຂະບວນ ການ ແຕ່ບາງຄົນແມ່ນເຮັດໄປຍ້ອນບໍ່ມີວຽກເຮັດງານທຳ, ໂດຍສ່ວນໃຫຍ່ ແລ້ວແມ່ນເຮັດຍ້ອນຢາກຮັ່ງມີ ແຕ່ຍ້ອນເຫດຜົນໃດກໍຕາມ ລ້ວນແລ້ວ ແຕ່ຜິດຕໍ່ລິບຽບກົດໝາຍ. ດັ່ງກໍລະນີຂອງທ້າວ ຕຸ້ຍ ອາຍຸ 44 ປີ ຢູ່ບ້ານ ຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ ໄດ້ເຄື່ອນໄຫວຊື້-ຂາຍຢາເສບ ຕິດ ແລະ ເສບເອງ ຈົນຖືກເຈົ້າໜ້ທີ່ ປກສ ເມືອງໄຊທານີ ກັກຕົວໃນວັນທີ 9 ກຸມພາ 2017 ພ້ອມຂອງກາງຢາບ້າ 4.020 ເມັດ, ຢາໄອສ໌ ຈໍານວນ 4 ຖົງ ໃຫຍ່ ແລະ ເຮໂຣອິນ 1 ແທ່ງກັບ 2 ຫໍ່ນ້ອຍ ແລະ ຕິດຕາມຈັບຜູ້ຮ່ວມຂະ ບວນການອີກ 1 ຄົນຊື່ທ້າວ ອານຸສອນ ຫຼື ເບີ້ມ ອາຍຸ 30 ປີ ຢູ່ບ້ານສີວິໄລ ຢູ່ບ້ານຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ ພ້ອມຂອງກາງຢາບ້າ 800 ເມັດ.





ຜ່ານການສອບສວນ ທ້າວ ຕຸ້ຍ ສາລະພາບວ່າ: ຕົ້ນໃນປີ 1992 ຜູ້ກ່ຽວ ໄດ້ແຕ່ງງານ ແລະ ໄດ້ລູກ 3 ຄົນ ມາຮອດປີ 2009 ເກີດມີຄວາມບໍ່ເຂົ້າໃຈ ກັນຜູ້ເປັນເມຍຈຶ່ງໄດ້ຂໍ້ຢາຮ່າງ. ເມື່ອໄດ້ຢາຮ່າງກັນແລ້ວ ຈຶ່ງຫັນມາເພິ່ງ ຢາເສບຕິດດ້ວຍການເສບຢາບ້າ ໂດຍຜູ້ກ່ຽວໄດ້ເສບມື້ລະ 2-3 ເມັດ ຢາບ້າ ທີ່ນໍາມາເສບແມ່ນຢູ່ຕາມຮ້ານເກມຕະຫຼອດມາ. ຈົນມາວັນທີ 8 ກຸມພາ 2017, ໄດ້ໄປຊື້ຢາບ້ານໍາທ້າວ ເປົາ 6.000 ເມັດ, ຢາໄອສ໌ 4 ຖົງໃຫຍ່, ເຮໂຣ ອິນ 2 ຫໍ່ນ້ອຍ. ຈາກນັ້ນ, ນໍາຢາບ້າໄປຂາຍໃຫ້ກັບທ້າວ ອານຸສອນ 2.000 ເມັດ ຍັງເຫຼືອ 4.000 ເມັດ ແລະ ຢາໄອສ໌ ແລະ ເຮໂຣອິນ ຈຶ່ງນໍາມາຊຸກ ເຊື່ອງ ໄວໃນຫ້ອງນອນ. ຈາກນັ້ນ, ເຈົ້າໜ້າທີ່ກັກຕົວພ້ອມກັບຂອງກາງດັ່ງ ກ່າວ.
ສຳລັບທ້າວ ອານຸສອນ ສາລະພາບວ່າ: ເລີ່ມເສບຢາເສບຕິດມາແຕ່ປີ 2010 ເປັນຕົ້ນມາ, ເສບຄັ້ງລະ 2-3 ເມັດ ຢາບ້າທີ່ນໍາມາເສບແມ່ນຊື້ນໍາ ໄວລຸ້ນຢູ່ຮ້ານເກມ ແລະ ໃນປີ 2014 ກໍເລີ່ມເຄື່ອນໄຫວຄ້າຂາຍຢາເສບຕິດ ຈົນເດືອນກຸມພາ 2017, ກໍຍັງສືບຕໍ່ຊື້-ຂາຍ ແລະ ເສບຢາບ້າ ໂດຍຄັ້ງຫຼ້າສຸດ ຜູ້ກ່ຽວໄດ້ຊື້ຢາບ້ານໍາທ້າວ ຕຸ້ຍ 1.000 ເມັດ ແລ້ວກໍນໍາໄປຂາຍຈໍານວນ 200 ເມັດ ຍັງເຫຼືອ 800 ເມັດ. ມາວັນທີ 9 ກຸມພາ 2017, ຜູ້ກ່ຽວໄດ້ນໍາຢາບ້າໄປ ຂາຍ ຢູ່ເຂດບ້ານໂນນຄໍ້ ເມືອງໄຊເຊດຖາ ກໍຖືກເຈົ້າໜ້າທີ່ເຂົ້າມາກັກຕົວ ພ້ອມຂອງກາງຢາບ້າ 800 ເມັດ.
ຜ່ານການສະຫຼຸບຕີລາຄາຄະດີ ຂອງ ເຈົ້າ ໜ້າທີ່ໃຫ້ ຮູ້ວ່າ: ທ້າວ ອານຸ ສອນ ແລະ ທ້າວ ຕຸ້ຍ ແມ່ນຮ່ວມກັນເຈດຕະນາເຄື່ອນໄຫວຊື້- ຂາຍຢາ ເສບຕິດທີ່ກົດໝາຍ ແລະ ຍັງມີການເສບນຳອີກ. ດ້ວຍເຫດນີ້, ຈຶ່ງໄດ້ກັກ ຕົວພວກກ່ຽວໃນຂໍ້ຫາຄ້າຂາຍຢາເສບຕິດ. ປັດຈຸບັນ, ຄະດີດັ່ງກ່າວແມ່ນຢູ່ ໃນຂັ້ນຕອນຂອງການສອບສວນຂະຫຍາຍຜົນຂອງເຈົ້າໜ້າທີ່ ເພື່ອສະຫຼຸບ ສໍານວນຄະດີໃນຂັ້ນຕົ້ນ ສົ່ງໃຫ້ໄອຍະການ ເພື່ອດໍາເນີນຄະດີຕາມຂັ້ນຕອນ ຂອງກົດໝາຍຂັ້ນຕໍ່ໄປ.

Image may contain: 1 person, sitting

ພາບແລະຂ່າວ: ໜັງສືພິມຄວາມສະຫງົບ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...








No comments

Powered by Blogger.