Header Ads

ປກສ ເມືອງປາກລາຍ ຈັບຢາບ້າຄາເຮືອນ

ນາງ ຄູ່ ສີວິໄລ ອາຍຸ 31 ປີ ປະຊາຊົນ ບ້ານຫວ້ຍຫຼອດ ເມືອງແກ່ວທ້າວ ແຂວງໄຊຍະບູລີ ຖືກເຈົ້າໜ້າທີ່ ສະກັດກັນ ແລະ ຕ້ານຢາເສບຕິດ ປກສ ເມືອງປາກລາຍ ແຂວງໄຊຍະບູລີ ກັກຕົວໃນວັນທີ 17 ມັງກອນ 2017 ໃນຂໍ້ຫາຄ້າຂາຍ ແລະ ມີຢາເສບຕິດໄວ້ໃນຄອບຄອງຄອງ ພ້ອມຂອງກາງ ຢາບ້າ 309 ເມັດ ຢູ່ໃນເຮືອນ.

ນາງ ຄູ່ ຮັບສາລະພາບວ່າ: ແມ່ນໄດ້ເຄື່ອນໄຫວຊື້ຂາຍຢາບ້າກັບຜູ່ຊາຍ ຄົນໜຶ່ງ ຢູ່ບ້ານດົງສາມແສນ ເມືອງແກ່ນທ້າວ ມາແຕ່ທ້າຍປີ 2016 ເຊິ່ງ ມີການລັກລອບນໍາສົ່ງຢາບ້າໃຫ້ກັນເປັນປະຈໍາ ເຊິ່ງຮັບເອົາໄປຈໍາໜ່າຍ ແຕ່ລະຄັ້ງແມ່ນຈຳນວນ 2-3 ຖົງ ເທົ່າກັບ 400- 600 ເມັດ.

ວັນທີ່ 13 ມັງກອນ 2017 ທັງສອງໄດ້ສືບຕໍ່ພົວພັນຊື້-ຂາຍຢາບ້ານຳກັນຕື່ມອີກ ໂດຍເອົາໄປໃຫ້ຈຳນວນ 3 ຖົງ ພາຍຫຼັງໄດ້ຢາບ້າມາແລ້ວຜູ່ກ່ຽວກໍ່ໄດ້ເອົາ ໄປຂາຍໃຫ້ ໝູ່ຄູ່ພັກພວກດຽວກັນ ບ່ອນລະ 10 - 40 ເມັດ ແຕ່ຍັງຂາຍ ບໍ່ທັນໝົດ ຈຶ່ງຖືກເຈົ້າໜ້າທີ່ ປກສ ເມືອງປາກລາຍ ເຂົ້າກັກຕົວໄດ້ຢູ່ເຮືອນ ຂອງຜູ້ກ່ຽວ ພ້ອມທັງກວດຄົ້ນເຮືອນພົບເຫັນຢາບ້າ 309 ເມັດ ແລະ ໂທລະສັບມືຖື 1 ເຄື່ອງ ມາດຳເນີນຄະດີຕາມລະບຽບກົດໝາຍ.



ພາບແລະຂ່າວ: ປກສ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.