Header Ads

ເດັກນ້ອຍ ຂີ່ລົດຈັກຕຳກຳແພງ ຫົວແຕກເປັນຕາຢ້ານ! ເຕືອນໄພຜູ່ປົກຄອງ ບໍ່ຄວນໃຫ້ເດັກນ້ອຍອາຍຸບໍ່ຮອດກະສຽນຂັບຂີ່ລົດຈັກ



ນະຄອນຫຼວງວຽງຈັນ: ລາຍງານຈາກ 1628 ໃຫ້ຮູ້ວ່າ ວັນພຸດ ວັນທີ22/03/2017 ເວລາ 09:30ນາທີ
ໄດ້ຮັບເເຈ້ງເຂົ້າເບີສຸກເສີນ 1628 ໜ່ວຍກູ້ໄພມູນນິທິຈີນ ວ່າມີເຫດລົດຈັກຕຳກຳແພງບ້ານປະຊາຊົນ ເຂດບ້ານຫ້ວຍຫົງ ເມືອງຈັນທະບູລີ, ແຂວງນະຄອນຫລວງວຽງຈັນ.

ໜ່ວຍກູ້ໄພມູນນິທິຈີນໄດ້ອອກກວດສອບເຫດພົບຜູ້ບາດເຈັບເປັນເພດຊາຍ 1 ຄົນ ອາຍຸ 13​ປີ, ຄົນບ້ານດອນແດງ. ອາການເບື້ອງຕົ້ນແມ່ນ ຫົວແຕກເປີດໃຫຍ່ເປັນບໍລິເວນກ້ວາງ ດັ່ງນັ້ນໜ່ວຍກູ້ໄພມູນນິທິຈີນໄດ້ປະຖົມພະຍາບານຂັ້ນຕົ້ນແລ້ວຈື່ງນຳສົ່ງໂຮງໝໍມິດຕະພາບ [150ຕຽງ]. ຜູ່ທີ່ເກີດອຸບັດຕິເຫດ ເປັນເດັກນ້ອຍ ທີ່ອາຍຸ ບໍ່ທັນຮອດກະສຽນ. ສະນັ້ນ, ຈິ່ງຝາກເຕືອນ ພໍ່ແມ່ຜູ່ປົກຄອງ ໄດ້ເອົາໃຈໃສ່ ຕື່ມໃນການທີ່ຈະຕັດສິນໃຈ ອານຸຍາດ ໃຫ້ເດັກນ້ອຍ ຂັບຂີ່ລົດຈັກ,​ເນື່ອງຈາກ ຍັງບໍ່ທັນມີຄວາມຮັບຜິດຊອບ ແລະ ຂີ່ລົດແບບຄະນອງ.

ພາບແລະຂ່າວ: 1628






Image may contain: one or more people and child

Image may contain: one or more people and child




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





No comments

Powered by Blogger.