Header Ads

ບິກໄບ້ຊິ້ງຕຳກຳແພງເຮືອນປະຊາຊົນ ເສຍຊີວິດຄາທີ່ ທາງບ້ານສະພານທອງເໜືອ

ນະຄອນຫຼວງວຽງຈັນ: ລາຍງານຈາກ 1625 ໃຫ້ຮູ້ວ່າ ໃນວັນທີ 24/03/2017 ເວລາ 00:45' ໜ່ວຍກູ້ຊີບກາແດງລາວໄດ້ຮັບແຈ້ງເຫດລົດຈັກ (Ninja ສີຂຽວ ຍຍ 9999) ຕຳກຳແພງເຮືອນປະຊາຊົນ ຢູ່ບ້ານສະພານທອງເໜືອ, ນະຄອນຫຼວງວຽງຈັນ.

ທີມອາສາກູ້ໄພໄດ້ອອກກວດສອບເຫດພົບຄົນເຈັບ 1 ຄົນ ເປັນເພດຊາຍ ອາຍຸ 28 ປີ ສະພາບແມ່ນຫົວແຕກ ແລະ ເລືອດອອກປາກ, ອອກດັງ, ອອກຫູ (ສຳຄັນແມ່ນຄໍຫັກ) ເບື້ອງຕົ້ນທາງໜ່ວຍງານໄດ້ເຮັດ CPR ແລ້ວນຳສົ່ງໂຮງໝໍ ທະຫານ 103 ແຕ່ບໍ່ສາມາດຢື້ຊີວິດໄວ້ໄດ້, ເລີຍນຳສົ່ງໄປວັດສາລາແດງເພື່ອໃຫ້ພີ່ນ້ອງປະກອບພິທີທາງສາດສະໜາ.

ບັນຫາການຂີ່ລົດໄວໃນຍາມຄ່ຳຄືນ ຈົນເປັນເຫດໃຫ້ເກີດອຸບັດຕິເຫດ ເປັນບັນຫາທີ່ສັງຄົມລາວກຳລັງປະເຊີນ, ຈິ່ງຮຽກຮ້ອງໃຫ້ທຸກຄົນຂັບຂີ່ລົດ ດ້ວຍຄວາມມີສະຕິ. ເມົາບໍ່ຂັບ,​ ບໍ່ຂີ່ລົດໄວ ແລະ ຢ່າປະໝາດ.

ຂໍສະແດງຄວາມເສຍໃຈນຳຄອບຄົວຂອງເພິ່ນດ້ວຍ. (ໜ່ວຍກູ້ຊີບອົງການກາແດງລາວ, ແຈ້ງເຫດ ເຈັບ, ປ່ວຍ ສຸກເສີນ ໂທສາຍດ່ວນ 1625 & 020 59966111) ຕະຫຼອດ 24 ຊົ່ວໂມງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.