Header Ads

ພິທີເປີດງານແຂ່ງຂັນກີລາເຂດ III ສີເມືອງໃຕ້ຂອງແຂວງຫຼວງພະບາງ

ຫຼວງພະບາງ: ການແຂ່ງຂັນກີລາເຂດ III ສີເມືອງໃຕ້ຂອງແຂວງຫຼວງພະບາງຄັ້ງທີ III ທີ່ເມືອງພູຄູນເປັນເຈົ້າພາບໄດ້ເປີດຂື້ນຢ່າງເປັນທາງການໃນຕອນເຊົ້າຂອງມື້ວານນີ້ ຢູ່ທີໂຮງຮຽນມັດທະຍົມສົມບູນພູຄູນ ບ້ານແສນສີ ເມືອງພູຄູນ ແຂວງຫຼວງພະບາງ ໂດຍການເຂົ້າຮວມຂອງທ່ານ ວຽງທອງ ຫັດສະຈັນ ເຈົ້າເມືອງພູຄູນ, ທ່ານ ຊາຍສະຫວັນ ຈັນມານິດ ຮອງພະແນກສຶກສາທິການ ແລະ ກີລາ ແຂວງຫຼວງພະບາງ, ທ່ານ ບຸນມີ ວິໄລພອນ ຫົວໜ້າຫ້ອງການສຶກສາທິການ ແລະ ກີລາເມືອງ, ມີບັນດາແຂກທີຖືກເຊີິນຈາກບັນດາເມືອງອອ້ມຂ້າງຕະຫຼອດຮອດຄູຝືກ ແລະ ນັກກີລາຈາກ4ເມືອງເຂົ້າຮວມ

ໃນພິທີໄດ້ຮັບຊົມການເດີນສວນສະໜາມຂອງຂະບວນນັກກີລາ, ຄູຝຶກຈາກບັນດາເມືອງ ແລະ ຊົມການສະແດງສີລະປະ-ວັນນະຄະດີຈາກນັກຮຽນເຈົ້າພາບ ພາຍໃຕ້ຄຳຂັວນທີວ່າ:​ ກີລາເພືອສຸຂະພາບ, ມິດຕະພາບ ແລະ ການທ່ອງທ່ຽວ ໂອກາດນີ້ ທ່ານ ວຽງທອງ ຫັດສະຈັນ ເຈົ້າເມືອງພູຄູນ ປະທານຈັດການແຂ່ງຂັນ ໄດ້ໃຫ້ກຽດກ່າວເປີດພິທີແຂ່ງຂັນກີລາເຂດ III ສີເມືອງໃຕ້ຂອງແຂວງຫຼວງພະບາງຄັ້ງນີ້ຢ່າງເປັນທາງການ ຈຸດປະສົງການແຂ່ງຂັນກິລາໃນຄັ້ງນີ້ເປັນການປຸກລະດົມ


ຊາວໜຸ່ມ,ເຍົາວະຊົນ,ນັກຮຽນນັກສຶກສາ, ພະນັກງານ,ທະຫານ,ຕຳຫລວດ ແລະ ປະຊາຊົນບັນດາເຜົ່າໃຫ້ເຫັນໄດ້ຄວາມໝາຍສຳຄັນຂອງການຫລິ້ນກິລາ ແລະ ໃຊ້ເວລາຫວ້າງໃຫ້ເປັນປະໂຫຍດເພື່ອເຮັດໃຫ້ຮ່າງກາຍ ແຂງແຮງຫ່າງໄກຈາກສິ່ງເສບຕິດພ້ອມກັນເຮັດລ້ອນພາລະກິດປ່ຽນແປງໃໝ່ອັນມີກຽດສະຫງ່າຂອງພັກ, ຍັງເປັນການຄັດເລືອກເອົານັກກິລາທີມີຄວາມສາມາດ,ນັກກິລາທີມີຜົນງານດີເດັ່ນຈາກການເຝິກຊ້ອມ ແລະ ແຂ່ງຂັນເພື່ອເປັນຕົວແທນນັກກິລາຂອງເມືອງເຂົ້າຮ່ວມການແຂ່ງຂັນກິລາຂັ້ນຕ່າງໆທັງພາຍໃນ ແລະ ຕ່າງປະເທດກໍ່ຄືເວທີສາກົນ ການຜູກມິດໄມຕີລະຫວ່າງນັກກິລາດ້ວຍກັນແລ້ວ ຍັງເປັນການແລກປ່ຽນບົດຮຽນທາງດ້ານວັດທະນະທຳ ຮີດຄອງປະເພນີ ແລະ ສົ່ງເສີມການທ່ອງທ່ຽວໃຫ້ມີການຂະຫຍາຍຕົວຂຶ້ນໄປເລື້ອຍໆ .ພ້ອມນັ້ນ ກໍ່ເປັນການສ້າງຄວາມສາມັກຄີໃຫ້ບັນດາເມືອງຫັດແໜ້ນຄວາມສຳພັນໄມຕີຈິດມິດຕະພາບອັນດີງາມຕໍ່ກັນ ແລະ ກັນ ຂອງປະຊາຊົນ 4 ເມືອງໃຕ້ຂອງແຂວງຫຼວງພະບາງຄື:  ເມືອງພູຄູນ,​ ຫຼວງພະບາງ, ຊຽງເງິນ ແລະ ເມືອງ ກີລາໃນຄັ້ງນີ້ ໂດຍຈະຈັດການແຂ່ງຂັນໃນລະຫວ່າງວັນທີ 14 ຫາ 16 ມີນາ 2017 ລວມ3ວັນ ເຊິງຈະມີການແຂ່ງຂັນມີຈໍານວນ 6 ປະເພດ 11 ລາຍການຄື: ບານເຕະຊາຍ, ກະຕໍ້ຍິງ-ຊາຍ, ໜ້າເກັກຍິງ-ຊາຍ, ໝາກຂ່າງ, ແລ່ນ 1500 ແມັດຍິງ-ຊາຍ, ແລ່ນ 3000 ແມັດຍິງ, ແລ່ນ 5000 ແມັດຊາຍ ແລະ ເປຕັງອາວຸໂສຊາຍ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.