Header Ads

ຕ້ອງການ iPhone ຫຼື Samsung ບໍ່? ມາເບິ່ງຄຸນສົມບັດໃໝ່ໆຈາກຫົວເຫວີຍທີ່ທ່ານຄວນອັບເກຣດ





ຮູ້ບໍ່! ໂທລະສັບຂອງທ່ານສາມາດເຮັດໄດ້ທຸກຢ່າງແລ້ວ, ບໍ່ວ່າຈະເປັນການເຂົ້າເວັບຕ່າງໆ, ອ່ານໜັງສື, ສັ່ງພິດຊ່າ ແລະ ກາເຟ, ນອກນັ້ນ ຍັງສາມາດຈ່າຍຄ່າບໍລິການຕ່າງໆເຫຼົ່ານັ້ນໄດ້ອີກ ແລະອື່ນໆອີກ.
ໜ້າປະຫຼາດໃຈທີ່ມັນຍັງຄົງໃຊ້ໂທ ແລະຮັບສາຍໄດ້, ເຖິງວ່າເຮົາຈະໃຊ້ຄຸນສົມບັດນີ້ໜ້ອຍລົງກໍ່ຕາມ ເຮົາກໍ່ຍັງຄົງເອີ້ນສິ່ງນີ້ວ່າ “ໂທລະສັບ”.

ຖ້າວ່າ Mobile World Congress 2017 ເປັນເຄື່ອງໝາຍອັນໃດອັນໜຶ່ງ, ທ່ານກໍ່ກໍາລັງຈະໄດ້ຮັບສິ່ງທີ່ໜ້າຕື່ນເຕັ້ນກວ່າທຸກສິ່ງທີ່ທ່ານສາມາດເຫັນ ແລະລວມທັງສິ່ງທີ່ບໍ່ສາມາດເຫັນໄດ້.
ບາງເທື່ອ, ຄຸນສົມບັດທີ່ເດັ່ນສຸດໃນໂທລະສັບອາດແມ່ນ ໜ້າຈໍ, ຊຶ່ງສ່ວນໃຫຍ່ແລ້ວ ສິ່ງທີ່ທ່ານສໍາຜັດຢູ່ນັ້ນກໍ່ຄືແຜ່ນແກ້ວ.

Sony 2017 Xperia XZ Premium ອາດໜ້າສົນໃຈຢູ່, ເພາະເປັນຄັ້ງທໍາອິດຂອງພວກເຂົາທີ່ມາພ້ອມກັບ ໜ້າຈໍ 4K HDR, ເກືອບຄ້າຍຄືວ່າ Sony ໄດ້ໃຊ້ Ultra HD Bravia TV ຜ່ານເຄື່ອງເປົ່າແຫ້ງ ພະລັງງານສູງ.

ແຕ່ໜ້າແປກໃຈ, ທີ່ມັນມີພຽງກ້ອງຫຼັງເລັນດຽວເທົ່ານັ້ນ ຊຶ່ງເປັນຈຸດທີ່ໜ້າສັງເກດຫຼາຍ ເພາະທຸກມື້ນີ້ ສະມາດໂຟນເກືອບທັງໝົດມາພ້ອມກ້ອງເລັນຄູ່ເປັນສ່ວນຫຼາຍ.




Apple ເຮັດໄດ້ເປັນຢ່າງດີເມື່ອປີກ່ອນກັບ iPhone 7 Plus, ແຕ່ນັ້ນກໍ່ບໍ່ແມ່ນຄັ້ງທໍາອິດ, ມັນເປັນໜຶ່ງໃນສະມາດໂຟນທີ່ດີທີ່ສຸດ ທີ່ສາມາດປຽບທຽບໄດ້ກັບ Huawei P9 ແລະ Mate 9 ທີ່ຮ່ວມຜະລິດກັບ Leica ເນື່ອງຈາກພວກເຂົາແຕກຕ່າງກັນ, ຄື ໃຊ້ເລັນທີໜຶ່ງເພື່ອຈັບພາບຂາວດໍາ ແລະ ໃຊ້ເລັນທີສອງເພື່ອຈັບພາບສີ ເຮັດໃຫ້ໄດ້ຮູບພາບທີ່ສຸດຍອດ ຈາກການປະສົມປະສານລາຍລະອຽດຈາກທັງສອງເລັນເຂົ້ານໍາກັນ.


ຖ້າເວົ້າເຖິງການປະສົມປະສານລະຫວ່າງ Huawei-Leica, ກໍ່ມີໜຶ່ງໃນລຸ້ນໃໝ່ຫຼ້າສຸດສໍາລັບປີນີ້ ຄື Huawei P10 ທີ່ເບິ່ງຄ້າຍຄື iPhone, ມັນອາດເປັນໂອກາດທີ່ຈະເໜືອກວ່າກ້ອງເລັນຄູ່ຂອງ Apple ກໍ່ເປັນໄດ້.
ນອກຈາກນັ້ນ,ຫົວເຫວີຍໄດ້ເພີ່ມຄວາມລະອຽດຂອງກ້ອງຂຶ້ນ ຄ້າຍຄືກັບ Mate 9, ໃນຂະນະດຽວກັນກໍ່ເພີ່ມຄຸນສົມບັດໃໝ່ ທີ່ຊ່ວຍໃຫ້ກ້ອງສາມາດສະແກນໜ້າຕາໃນຮູບແບບ 3D ໄດ້ ຊຶ່ງມີຈຸດກວດສອບເຖິງ 190 ຈຸດເພື່ອໃຫ້ໄດ້ຄວາມຄົມຊັດຍິ່ງຂຶ້ນ.


Huawei P10 ມີຂະໜາດໃກ້ຄຽງສະມາດໂຟນທົ່ວໄປ ຖ້າທຽບກັບ iPhone 7 ໜ້າຈໍ 4.7 ນິ້ວ ແຕ່ມາພ້ອມກັບໜ້າຈໍທີ່ໃຫຍ່ກວ່າ ຄື 5.1 ນິ້ວ.

ນອກເໜືອຈາກໂຕເຄື່ອງທີ່ເປັນໂລຫະ, ການອອກແບບລຽບຫຼູ, HUAWEI P10 ແລະ HUAWEI P10 Plus ຍັງມີເຊັນເຊີລາຍນິ້ວມືທີ່ຢູ່ດ້ານໜ້າໂທລະສັບ ແທນແຖບ navigation ເຮັດໃຫ້ຈໍພາບເບິ່ງກວ້າງຂຶ້ນ ໃນຂະນະດຽວກັນກໍ່ເຮັດໃຫ້ການສໍາຜັດຈຸດຕ່າງໆໄດ້ໄວຂຶ້ນ ແລະ ເໝາະກັບການໃຊ້ງານຫຼາຍຂຶ້ນ.
ບໍ່ວ່າທ່ານຈະຄິດຢ່າງໃດ, ຂໍ້ມູນເຫຼົ່ານີ້ຈະນໍາໄປສູ່ຄວາມຄາດຫວັງອັນນ້ອຍໃຫຍ່ຂອງທ່ານ, ຊຶ່ງຕອນນີ້ ທ່ານຄວນລໍຖ້າການເປີດໂຕຢ່າງເປັນທາງການ ໃນອີກເດືອນຂ້າງໜ້າ ແລະ ຕັດສິນໃຈວ່າ ອັນໃດທີ່ເໝາະກັບທ່ານ.

Review ໂດຍ Leigh Stark ຈາກ Financial Review

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.