Header Ads

JDB ເຊັນສັນຍາຮ່ວມມືກັບ ລັດວິສາຫະກິດນໍ້າປະປານະຄອນຫຼວງວຽງຈັນ

ໃນວັນທີ່ 28 ກຸມພາ 2017 ທີ່ຫ້ອງປະຊຸມ ສໍານັກງານໃຫ່ຍ ທະນາຄານ ຮ່ວມພັດທະນາ ຫຼື JDB ນະຄອນຫຼວງວຽງຈັນ ໄດ້ມີພິທີເຊັນສັນຍາ ການໃຫ້ບໍລິການຮັບຊໍາລະຄ່ານໍ້າປະປາຜ່ານລະບົບທະນາຄານ ລະຫ່ວາງ ທະນາຄານຮ່ວມພັດທະນາ ແລະ ລັດວິສາຫະກິດນໍ້າປະປານະຄອນຫຼວງ.ຝ່າຍທະນາຄານຮ່ວມພັດທະນາ ຕາງໜ້າໂດຍ ທ່ານ ສູນທອນ ຈັນທະວົງ ຜູ້ອຳນວຍການໃຫ່ຍທະນາຄານຮ່ວມພັດທະນາ ແລະ ຝ່າຍ ລັດວິສາຫະກິດນໍ້າປະປາ ນະຄອນຫລວງວຽງຈັນ ຕາງໜ້າໂດຍທ່ານ ນາງ ເພື່ອນແສງ ໄຊນາຄຳ ຮອງຜູ້ອຳນວຍການ ລັດວິສາຫະກິດ ນໍ້າປະປາ ນະຄອນຫຼວງ .

ໂດຍຊ້ອງໜ້າ ຄະນະອຳນວຍກການ, ວິຊາການທີ່ກ່ຽວຂ້ອງ ທັງສອງຝ່າຍ ເຂົ້າຮ່ວມຢ່າງພ້ອມພຽງ .ຈຸດປະສົງ ກໍ່ເພື່ອອຳນວຍຄວາມສະດວກໃຫ້ລູກຄ້າຂອງລັດວິສະຫະກິດນໍ້າປະປາ ນະຄອນຫຼວງ ມີຄວາມສະດວກສະບາຍ ໃນການຊໍາລະຄ່ານໍ້າປະປາ ຜ່ານລະບົບທະນາຄານຮ່ວມພັດທະນາ ໄດ້ທຸກໜ່ວຍບໍລິການ ໃນຂອບເຂດທົ່ວປະເທດ ໂດຍຜ່ານລະບົບ Internet Banking ຫຼື ການຕັດຈາກບັນຊີເງິນຝາກຂອງລູກຄ້າ ທີ່ມີບັນຊີເງິນຝາກຢູ່ ທະນາຄານຮ່ວມພັດທະນາ ຫຼື ຈ່າຍ ດ້ວຍເງິນສົດຜ່ານປ່ອງບໍລິການ ດ້ວຍຄວາມວອ່ງໄວ, ທັນໃຈ, ໃນພິທີດັ່ງກ່າວ ທ່ານ ສູນທອນ ຈັນທະວົງ ຜູ້ອຳນວຍໃຫ່ຍ ທະນາຄານຮ່ວມພັດທະນາ ກໍ່ໄດ້ມີຄຳເຫັນວ່າ JDB ເປັນທະນາຄານທີ່ພັດທະນາຢ່າງໄວ ໃນໄລຍະ 3-4 ປີຜ່ານມາ ແລະ ໃຫ້ບໍລິການດ້ານການເງິນ ທີ່ມີຄຸນນະພາບ ແບບຄົບວົງຈອນ ເພີ້ມທາງເລືອກໃຫ້ກັບລູກຄ້າ, ຜູ້ປະກອບການ ນອກຈາກນັ້ນທ່ານຍັງໄດ້ກ່າວເຖີງປະຫວັດຄວາມເປັນມາໂດຍຫຍໍ້ ຂອງທະນາຄານຮ່ວມພັດທະນາ ຄວາມສຳເລັດ ແລະ ຜົນປະກອບກິດຈະການ ໃນໄລຍະ 3-4 ປີ ຜ່ານມາ ແລະ ທິດທາງ ການພັດທະນາໃນຕໍ່ໜ້າ ແລະໄດ້ເຊີນຊວນໃຫ້ນຳໃຊ້ພະລິດຕະພັນດີໆ ຂອງທະນາຄານຮ່ວມພັດທະນາ ທີ່ມີຢູ່ນະປະຈຸບັນ ແລະອານາຄົດ ຈາກນັ້ນໄດ້ມີຄຳເຫັນຂອງທ່ານ ນາງ ລົດຈະນາ ວົງພະມະນີ ຮອງອໍານວຍການ ລັດວິສະຫະກິດ ນໍ້າປະປານະຄອນຫຼວງ ໄດ້ສະແດງຄວາມຊົມເຊີຍມາຍັງຜູ້ບໍລິຫານ ແລະ ພະນັກງານວິຊາການທັງສອງຝ່າຍທີ່ໄດ້ມີການຮ່ວມມືກັນມີການຄົ້ນຄົ້ວພັດທະນາລະບົບການຊຳລະຄ່ານໍ້າປະປາຜ່ານລະບົບທະນາຄານຮ່ວມພັດທະນາເປັນການຊ່ວຍໃຫ້ ລັດວິສາຫະກິດນໍ້າປະປາ ສາມາດເກັບເງິນຈາກລູກຄ້າໄດ້ສະດວກ ວ່ອງໄວຂື້ນ, ການຄູ້ມຄອງມີຄວາມຊັດເຈນ ຫຼຸດຜ່ອນຄວາມສ່ຽງ ຫຼຸດຜ່ອນການໃຊ້ແຮງງານ ລົງເກັບເງິນນຳລູກຄ້າເທື່ອລະກ້າວ ແລະ ເຊື່ອໝັ້ນວ່າການຮ່ວມມືຄັ້ງນີ້ ຈະເຮັດໃຫ້ວຽກງານເດີນແມ່ນແລ່ນສະດວກ ແລະ ປະສົບຜົນສຳເລັດເປັນກ້າວໆຕະຫຼອດໄປ. 

ທ່ານໄດ້ຕີລາຄາສູງຕໍ່ການຮ່ວມມື ລະຫວ່າງ ທະນາຄານຮ່ວມພັດທະນາ ແລະ ລັດວິສາຫະກິດ ນໍ້າປະປານະຄອນຫຼວງ ເປັນການເພີ້ມທາງເລືອກໃຫ້ກັບລູກຄ້າ ທີ່ຈະຈ່າຍຄ່ານໍ້າປະປາ ຜ່ານລະບົບທະນາຄານ. ປະຈຸບັນທະນາຄານຮ່ວມພັດທະນາ ໄດ້ຮ່ວມມືກັບຫຼາຍອົງກອນ ແລະ ຫຼາຍບໍລິສັດເພື່ອບໍລິການດ້ານການເງິນທີ່ຄົບວົງຈອນ ໃຫ້ກັບລູກຄ້າ ທຸກລະດັບຢ່າງເທົ່າທຽມກັນ, ພວກເຮົາ “ເຕີບໃຫ່ຍໄປພ້ອມກັນ “


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


loading...



No comments

Powered by Blogger.