Header Ads

ພາຍຸຖະຫຼົ່ມເມືອງກາສີ ໂຮງຮຽນປະຖົມບ້ານ ໂພນສະຫວາດ ຂອງຫຼານມຸ່ນອຸ້ຍປຸ້ຍ! ຊ່ວຍພວກຫຼານແດ່!


ກາສີ: ຈາກເຫດການ ພາຍຸເຂົ້າເມືອງກາສີ ເວລາປະມານ 17:00 ວັນທີ 29/3/2017 ທີ່ມີລົມແຮງ, ຝົນ ແລະ ໝາກເຫັບ. ໄດ້ສ້າງຄວາມເສຍຫາຍໃຫ້ແກ່ເຮືອນຊານຂອງປະຊາຊົນຫຼາຍຫຼັງຖືກພາຍຸພັດເສຍຫາຍ. ທີ່ໜ້າສົງສານ ແມ່ນໂຮງຮຽນປະຖົມສົມບູນ ໂພນສະຫວາດ, ເມືອງກາສີ, ແຂວງວຽງຈັນ ທີ່ເປັນໂຮງຮຽນ ທີ່ປຸກດ້ວຍໄມ້ ມຸງສັງກະສີ ກໍ່ບໍ່ສາມາດ ຕ້ານທານ ກະແສລົມຝົນໃນຄັ້ງນີ້.​ ຫຼັງຄາປິວໄປ ໄກກວ່າ 20 ແມັດ, ໂຕະຕັ່ງກະດານ ແມ່ນເພເສຍຫາຍໝົດ.

ບໍ່ຮູ້ວ່າ ມື້ອື່ນນ້ອງໆ ນັກຮຽນ ຈະມີສະຖານທີ່ຮຽນໜັງສືບໍ່. ຂໍໃຫ້ທາງ ອຳນາດການປົກຄອງ ແລະ ຫ້ອງການສຶກສາໄດ້ຊ່ວຍເລັ່ງປົວແປງໃຫ້ນ້ອງໆແດ່. ບັນດາຫົວໜ່ວຍທຸລະກິດ ທີ່ເມືອງກາສີ ຫຼື ແຫ່ງອື່ນໆ ທີ່ມີຄວາມສະດວກ ຈະຊ່ວຍໂຮງຮຽນແຫ່ງນີ້ ກໍ່ຊ່ວຍເພິ່ນແດ່.

ພາບແລະຂ່າວ: ນັກຂ່າວສັນຈອນ ໂທລະໂຄ່ງ ເມືອງກາສີ, ມະນີວັນ.







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.