Header Ads

ຕຳແລ້ວໜີ, ມີຄົນເສຍຊີວິດ 1 ຄົນ, ເຈັບໜັກ 1! ຜູ່ຕຳຮັບຜິດຊອບແດ່!



ນະຄອນຫຼວງວຽງຈັນ ລາຍງານຈາກ 1624 ໃຫ້ຮູ້ວ່າ ໃນວັນທີ 16/4/2017 ເວລາ 21:30 ນາທີ ໄດ້ຮັບແຈ້ງເຫດເຂົ້າເບີ 1624 ວ່າມີອຸບັດຕິເຫດລົດໃຫຍ່ຕຳລົດຈັກແລ້ວໜີ ຢູ່ສາມແຍກທາງເຂົ້າບ້ານປາກທ້າງ ເມືອງ ສີໂຄດຕະບອງ ນະຄອນຫລວງວຽງຈັນ ທີມກູ້ຊີບ-ກູ້ໄພນະຄອນຫລວງວຽງຈັນ ຈື່ງອອກກວດສອບເຫດໄດ້ພົບເຫັນຜູ້ບາດເຈັບເພດຊາຍ 2 ຄົນ.



ຄົນທີ 1 ແມ່ນນອນຫມົດສະຕິ ຂາເບື້ອງຂວາຫັກທ່ອນເທີງ, ຂໍ້ແຂນເບື້ອງຊ້າຍຫັກ ແລະ ປາກແຕກ. ພໍມາໄດ້ເຄິ່ງທາງຊີບພະຈອນບໍ່ຕອບສະໜອງຈື່ງໄດ້ທຳການນວດຫົວໃຈ ( CPR ) ຈົນຮອດໂຮງໝໍ. ເສຍຊີວິດ.

ຄົນທີ 2 ແມ່ນມີບາດແຜຈິກທີ່ມືຊ້າຍ ແລະ ບາດຖະຫຼອກຕາມຕົນໂຕ. ດັ່ງນັ້ນ ທີມກູ້ຊີບ-ກູ້ໄພນະຄອນຫຼວງຈື່ງປະຖົມພະຍາບານຂັ້ນເບື້ອງຕົ້ນແລ້ວນຳສົ່ງໂຮງໝໍ 150 ຕຽງ. ລົດຈັກທີ່ຖືກຕຳ ແມ່ນ ທະບຽນ ກຳແພງນະຄອນ ຍຍ 8585. ທ່ານໃດເຫັນເບາະແສລົດໃຫຍ່ທີ່ຕຳແລ້ວໜີ ກະລຸນາແຈ້ງ 1624.

ພາບແລະຂ່າວ: 1624



ອາສາກູ້ໄພພະຍາຍາມຊ່ວຍຊີວິດຄົນເຈັບ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.