Header Ads

ປກສ ຈຳປາສັກ ຈັບແກ໋ງຂາຍຢາບ້າ ພ້ອມຂອງກາງ 7 ໝື່ນເມັດ!



ຈຳປາສັກ: ໃນວັນທີ 15 ເມສາ 2017, ເປັນໄລຍະສະເຫຼີມສະຫຼອງໃນເທດ ສະການປີໃໝ່ລາວ ເຈົ້າໜ້າຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໄດ້ປະຕິບັດໜ້າທີ່ນໍາກໍາລັງເຂົ້າຈັບກຸ່ມແກ້ງຊື້- ຂາຍຢາເສບຕິດຢູ່ເຂດບ້ານແກ້ງຊັນ ເມືອງປາກເຊ ແຂວງຈຳປາສັກ ສາມາດກັກຕົວຜູ້ຖືກຫາໄດ້ 8 ຄົນ, ຍິງ 2 ຄົນ ພ້ອມເຄື່ອງຂອງກາງຢາ ບ້າ 70.000 ກວ່າເມັດ ແລະ ຢາໄອສ໌ 300 ກວ່າກິໂລກະກຼາມ ຂະນະທີ່ ກໍາລັງຢືນສົ່ງຢາເສບຕິດໃຫ້ກັນ ພ້ອມທັງຈັດຕັ້ງວົງຊຸມແຊວກັນ.

ເຈົ້າໜ້າທີ່ເປີດເຜີຍວ່າ: ມີກຸມຄົນບໍ່ດີກໍາລັງນັດສົ່ງຊື້-ຂາຍຢາເສບ ຕິດໃນໄລຍະເທດສະການປີໃໝ່ລາວ ພ້ອມທັງຕັ້ງວົງຊຸມແຊວກັນ ຢູ່ເຮືອນ. ຈາກນັ້ນ, ຈຶ່ງນໍາກໍາລັງວິຊາສະເພາະສົມທົບເຈົ້າໜ້າທີ່ທ້ອງ ຖິ່ນເຂົ້າຈັບຕົວໃນຂະນະທີ່ສົ່ງຢາເສບຕິດໃຫ້ກັນ ພ້ອມຂອງກາງຢາບ້າ 7.011 ເມັດ, ລົດໃຫຍ່ 1 ຄັນ, ລົດຈັກ 3 ຄັນ ແລະ ໂທລະສັບ 8 ໜ່ວຍ ພ້ອມທັງກັກຕົວກຸ່ມແກ້ງດັ່ງກ່າວໄດ້ 8 ຄົນ ຄື: ທ້າວ ສີສຸກ ( ດຳ ) ອາຍຸ 37 ປີ, ນາງ ສຸກມະນີ ຈັນທະລັງສີ ອາຍຸ 30 ປີ ທັງສອງເປັນຜົວເມຍ ກັນ, ນາງ ຫຍອງ ( ຫຼ້າ ) ອາຍຸ 32 ປີ, ທ້າວ ສົມໃຈ ( ຊຸຍ ) ອາຍຸ 41 ປີ , ທ້າວ ສົມປອງ ( ກົບ ) ອາຍຸ 25 ປີ ພວກກ່ຽວທັງ 5 ຄົນ ຢູ່ບ້ານສິງສຳ ພັນ ເມືອງຊະນະສົມບູນ ແຂວງຈຳປາສັກ, ທ້າວ ໝີ ອາຍຸ 45 ປີ ຢູ່ບ້ານ ບຸ່ນນ້ອຍ ເມືອງໂຂງ, ທ້າວ ອ້ວນ ອາຍຸ 36 ປີ ຢູ່ບ້ານຊົ້ງເຊ ເມືອງປາກ ເຊ ແຂວງຈຳປາສັກ ແລະ ທ້າວ ບຸນສະຖິດ ( ເກັ່ງ ) ອາຍຸ 35 ປີ ບ້ານ ນາແສນພັນ ເມືອງໂຂງ ແຂວງຈຳປາສັກ.

ປັດຈຸບັນ, ເຈົ້າໜ້າທີ່ໄດ້ເລັ່ງສືບຫາຜູ້ຮ່ວມກຸ່ມຂະບວນການດັ່ງກ່າວ ແລະ ໄດ້ດຳເນີນຄະດີກັບພວກທີ່ຈັບໄດ້ແລ້ວຕາມຂັ້ນຕອນຂອງກົດ ໝາຍ

ພາບແລະຂ່າວ: ປກສ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.