Header Ads

ທະນາຍຄວາມຂອງໄຊຊະນະແຈ້ງ ພ້ອມສູ້ຄະດີ! ຢືນຢັນຄວາມບໍລິສຸດ!

ຊິກາຍເປັນໜັງຄົນລະມ້ວນບໍ່? ເມື່ອວັນທີ 18 ເມສາ 2017 ນີ້, ຫຼາຍສຳນັກຂ່າວຂອງໄທ ໄດ້ອອກຂ່າວ ການ ຂໍສູ້ຄະດີ ຂອງທ້າວ ໄຊຊະນະ ແກ້ວພີມພາ, ຜູ້ຖືກຫາ ໃນຄະດີ ຄ້າຢາບ້າຂ້າມຊາດ ລາຍໃຫຍ່ ທີ່ທາງການໄທຈັບ ຕົວທີ່ສຸວັນນະພູມ.

ທະນາຍຄວາມສ່ວນຕົວ ຂອງ ທ້າວໄຊຊະນະ ແກ້ວພີມພາ ໃຫ້ສຳພາດ ຕໍ່ການກະກຽມຂໍ້ມູນ ພ້ອມສູ້ຄະດີ ແລະ ອາດຈະຟ້ອງກັບ ທຸກພາກສ່ວນ ຫາການສູ້ຄະດີນີ້ຊະນະ.

ຖືວ່າເປັນການອອກຂ່າວທີ່ສຳຄັນ ເພາະທາງການໄທ ໄດ້ສະເໜີຂ່າວກ່ອນໜ້ານີ້ວ່າ ໄຊຊະນະຍອມຮັບຜິດ ກັບຄະດີຕ່າງໆ ແຕ່ບໍ່ໄດ້ມີ ຫຼັກຖານ ຫຼື ຄລິບ ທີ່ທ້າວໄຊຊະນະ ເວົ້າກັບປາກຕົນເອງວ່າ ຍອມຮັບ ວ່າເປັນ ພໍ່ຄ້າລາຍໃຫຍ່.  ເລື່ອງນີ້ ກາຍເປັນປະເດັນທີ່ ສັງຄົມ ເລີ່ມຕັ້ງຄຳຖາມ ຂຶ້ນອີກວ່າ ແລ້ວ ການຈັບຕົວຄັ້ງນີ້ ຈັບຜິດຕົວບໍ່? ເພາະຄຳຖາມກ່ຽວຫຼັກຖານ ແລະ ອື່ນໆ ທີ່ຈະໃຊ້ເປັນສິ່ງມັດຕົວ ທ້າວໄຊຊະນະ ແກ້ວພິມພາ ບໍ່ໄດ້ມີການເອົາອອກມາໃຫ້ ສາທາລະນະເຫັນ.

ຄະດີນີ້ ຕ້ອງໄດ້ຕິດຕາມກັນຕໍ່ໄປວ່າ່ ໄຊຊະນະ ທີ່ຖືກກ່າວຫາ ເປັນ ນັກຄ້າຢາລາຍໃຫຍ່ ທີ່ກຳລັງດັງກ້ອງໂລກໃນຂະນະນີ້ ແມ່ນແທ້ ຫຼື ບໍ່?

ຮຽບຮຽງໂດຍ: ຮັກລາວ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.