Header Ads

ທ່ານນາງວຽງທອງ ສີພັນດອນ ໄດ້ຮັບເລືອກເປັນປະທານກວດກາ ແຫ່ງລັດ ອີກວາລະ! ຈາກຜົນງານ 5 ປີຜ່ານມາ ກວດສອບເງິນຄືນມາໄດ້ ຫຼາຍ ກວ່າ 3 ພັນຕື້ກີບ



ທ່ານ ນາງ ວຽງທອງ ສີພັນດອນ ໄດ້ຮັບການເລືອກ ຕັ້ງໃຫ້ເປັນປະທານກວດກາ ແຫ່ງລັດອີກວາລະໜຶ່ງ. ຂະນະ ທີ 5 ປີຜ່ານມາ, ອົງການກວດ ສອບແຫ່ງລັດ ກວດເຫັນລາຍ ຮັບເພີ່ມ 3 ພັນຕື້ກ່ວາກີບ.

ທ່ານ ນາງ ວຽງທອງ ສີພັນດອນ ປະທານອົງການ ກວດສອບແຫ່ງລັດໄດ້ລາຍ ງານການເຄື່ອນໄຫວວຽກງານກວດສອບແຫ່ງລັດ 5 ປີ (2012 -2016) ແລະ ທິດທາງແຜນ ການ 5 ປີ (2017-2021) ຕໍ່ ກອງປະຊຸມສະໄໝສາມັນເທື່ອ ທີ 3 ຂອງສະພາແຫ່ງຊາດ ຊຸດ ທີ VIII ໂດຍການເປັນປະທານ ຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໃນ ວັນທີ 2 ພຶດສະພານີ້ໃຫ້ຮູ້ວ່າ: ຄະນະນຳອົງການກວດສອບ ແຫ່ງລັດໄດ້ເປັນເຈົ້າການໃນ ການເຜີຍແຜ່ກົດໝາຍ ວ່າດ້ວຍ ການກວດສອບແຫ່ງລັດດ້ວຍ ຫຼາຍຮູບການ ເພື່ອສ້າງຄວາມ ຮັບຮູ້ໃຫ້ບັນດາອົງການຈັດຕັ້ງ ລັດ, ຫົວໜ່ວຍທຸລະກິດ ແລະ ຫົວໜ່ວຍທີ່ບໍ່ຫວັງຫາກຳໄລ ເຂົ້າໃຈ, ໃຫ້ຄວາມສຳຄັນ ແລະ ໃຫ້ການຮ່ວມມື ໃນວຽກງານ ກວດສອບ ເພື່ອເປົ້າໝາຍເຮັດ ໃຫ້ການຄຸ້ມຄອງ ແລະ ບໍລິ ຫານງົບປະມານແຫ່ງລັດໄດ້ ຮັບການປັບປຸງ, ແກ້ໄຂຂໍ້ຄົງ ຄ້າງຂອງຕົນ.

ໃນນັ້ນ ນັບແຕ່ປີ 2011- 2016 ໄດ້ດຳເນີນການກວດ ສອບທັງໝົດ 448 ເປົ້າໝາຍ, ກວດສອບບົດສະຫຼຸຸບຂາດຕົວ ການຈັດຕັ້ງປະຕິບັດແຜນງົບ ປະມານແຫ່ງລັດຢູ່ບັນດາກະ ຊວງ, ອົງການ, ບັນດາແຂວງ ແລະ ນະຄອນຫຼວງຈຳນວນ 219 ເປົ້າໝາຍ, ກວດສອບ ທະນາຄານ ແລະ ວິສາຫະກິດ ຈຳນວນ 97 ເປົ້າໝາຍ, ກວດ ສອບໂຄງການເງິນກູ້ຢືມ ແລະ ຊ່ວຍເຫຼືອຈາກຕ່າງປະເທດຈຳ ນວນ 113 ເປົ້າໝາຍ, ກ່ຽວ ກັບໝາກຜົນ ແລະ ຜົນງານ ການກວດສອບພົບເຫັນລາຍ ຮັບເພີ່ມຈຳນວນ 3.135,66 ຕື້ກີບ ເທົ່າກັບ 3,11% ຂອງລາຍຮັບງົບປະມານແຫ່ງລັດ ແລະ ລາຍຈ່າຍເພີ່ມຈຳນວນ 9.819,69 ຕື້ກີບ ເທົ່າກັບ 8,15% ຂອງລາຍຈ່າຍງົບປະ ມານແຫ່ງລັດ. ເພື່ອເຮັດໃຫ້ວຽກງານ ກວດສອບມີຄວາມໜັກແໜ້ນ ກ່ວາເກົ່າ, ອົງການກວດສອບ ແຫ່ງລັດໄດ້ວາງແຜນການ ເຄື່ອນ ໄຫວວຽກງານ 5 ປີ (2017-2021) ອອກຄື:

1. ຈັດຕັ້ງຜັນ ຂະຫຍາຍວຽກງານກວດສອບ ເຂົ້າສູ່ລວງເລິກ ແລະ ສອດ ຄ່ອງຕາມແນວທາງນະໂຍບາຍ ຂອງພັກ-ລັດ, ມະຕິ, ຄຳສັ່ງ ແລະ ກົດໝາຍຂອງລັດດ້ວຍ ການຫັນເປັນແຜນການ, ແຜນ ງານ ແລະ ໂຄງການລະອຽດ.

2. ເອົາໃຈໃສ່ຕິດຕາມ, ກວດ ຄືນການຈັດຕັ້ງປະຕິບັດມະຕິ ຂອງສະພາແຫ່ງຊາດ, ດຳລັດ ແລະ ຄຳສັ່ງຂອງລັດຖະບານ, ກົນໄກປະສານງານ ລະຫວ່າງ ອົງການກວດສອບແຫ່ງລັດກັບ ບັນດາກະຊວງ ແລະ ອົງການ ໃຫ້ເປັນລະບົບຄົບຊຸດ.

3. ປັບ ປຸງກົງຈັກການຈັດຕັ້ງ, ຍົກລະ ດັບສະຖາບັນຝຶກອົບຮົມ, ດຳ ເນີນການແຕ່ງຕັ້ງ, ບັນຈຸ ແລະ ສັບຊ້ອນພະນັກງານໃຫ້ສົມຄູ່ ກັບໜ້າວຽກ ແລະ ຄວາມອາດ ສາມາດຂອງພະນັກງານ, ສ້າງ ພະນັກງານຈາກຂະບວນການ ຕົວຈິງ.

4. ເນື້ອໃນກວດສອບ ກວດສອບລາຍຮັບ, ດ້ານລາຍ ຈ່າຍງົບປະມານແຫ່ງລັດ, ກວດ ສອບປະສິດທິພາບ, ປະສິດທິ ຜົນການເຄື່ອນໄຫວຂອງທະ ນາຄານ ແລະ ທຸລະກິດຂອງ ລັດ, ກວດສອບບັນດາຄາດ ໝາຍເສດຖະກິດມະຫາພາກ, ຫົວຂໍ້ສະເພາະໃນການພັດທະ ນາເສດຖະກິດ - ສັງຄົມ.

5. ໃນ 5 ປີຕໍ່ໜ້າໃຫ້ສາມາດດຳເນີນ ການກວດສອບໃນການເຊື່ອມ ຕໍ່ຂໍ້ມູນດ້ານການບັນຊີ-ການ ເງິນກັບກະຊວງການເງິນ ກວດ ສອບ E-Audit.

6. ສ້າງນັກ ກວດສອບໃຫ້ມີຄຸນນະພາບ ດ້ວຍການພັດທະນາຫຼັກສູດ ການຮຽນ - ການສອນໃຫ້ພະ ນັກງານແຕ່ລະຂັ້ນ, ຂັ້ນພະ ແນກ, ພະນັກງານວິຊາການ ແລະ ພະນັກງານຝຶກອົບຮົມ 95%, ສຳເລັດການສ້າງຫຼັກ ສູດເສັງເອົາຂັ້ນນັກກວດສອບ ຂັ້ນ 1 ຮອດຂັ້ນ 4. 7. ຍູ້ແຮງ ການສ້າງ ແລະ ປັບປຸງນິຕິກຳ ລຸ່ມກົດໝາຍໃຫ້ສຳເລັດ ແລະ ຄົບຖ້ວນ.

(ຂ່າວ: ສຸກສາຄອນ)




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.