Header Ads

ຕຳສາມປະສານທາງໜອງບອນ! ເຈັບ 2 ຄົນ!​ ລົດໜ້າຍຸບທັງ 3 ຄັນ!


ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ວັນທີ 27/6/2017 ເວລາ 03:30 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີ1623ວ່າ ມີເຫດລົດໃຫຍ່ຕຳກັນສາມຄັນ ຈຸດເກີດເຫດແມ່ນຢູ່ ສາມແຍກແຖວໂຮງຮຽນໜອງບອນ, ນະຄອນຫຼວງວຽງຈັນ.



ເມື່ອໜ່ວຍກູ້ໄພມູນນິທິ 1623 ໄປຮອດຈຸດເກີດເຫດພົບເຫັນຄົນເຈັບ 2 ຄົນ:  ຄົນທີໜຶ່ງ ເປັນເພດຊາຍ ອາຍຸ18 ປີ ອາຊີບກຳມະກອນ ບ້ານວັດສົບ ເມືອງສີສັດຕະນາກ ແຂວງນະຄອນຫຼວງວຽງຈັນ. ຜູ່ກ່ຽວມີອາການເບື້ອງຕົ້ນແມ່ນມີບາດຈີກຢູ່ຫູຂ້າງຂວາ ມີອາການມືນຕົນໂຕ ມີສະຕິດີ. ແລະ ຄົນທີສອງ ກໍ່ເປັນເພດຊາຍ ອາຍຸ 19 ປີ ອາຊີບກຳມະກອນ ບ້ານວັດສົບ ເມືອງສີສັດຕະນາກ ແຂວງນະຄອນຫຼວງວຽງຈັນ
ອາການເບື້ອງຕົ້ນແມ່ນຫົວແຕກ ປວດຫຼັງ ມີສະຕິດີ.



ດັ່ງນັ້ນໜ່ວຍກູ້ໄພມູນນິທິ 1623 ຈຶ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ 150 ຕຽງ. ສ່ວນສາເຫດ ແລະ ຜົນເສຍຫາຍຂອງອຸບັດຕິເຫດ ຄັ້ງນີ້ ທາງເຈົ້າໜ້າທີ່ຈະດຳເນີນການຕໍ່ໄປ.

ລົດຮ່ວມເຫດທັງສາມຄັນ ປະກອບມີລົດ ກະບະຮຸ່ນໄດ,​ ລົດປຣາໂດ ແລະ ວີໂກ້. ທັງສາມຄັນແມ່ນໄດ້ຮັບຄວາມເສຍຫາຍໜັກສົມຄວນ.

ພາບແລະຂ່າວ: 1623




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.