Header Ads

ລົດໃຫຍ່ຕຳລົດຈັກແລ້ວໜີ ເສຍຊີວິດ 1,​ ເຈັບສາຫັດ 1 ທາງຕັດໃໝ່ ໜອງບຶກ


ນະຄອນຫຼວງວຽງຈັນ: ລາຍງານຈາກ 1623 ໃຫ້ຮູ້ວ່າ ວັນທີ 13 ມິຖຸນາ 2017 ເວລາ 23:07 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງເຫດຜ່ານເບີ1623ວ່າ ມີເຫດລົດໃຫຍ່ຕຳແລ້ວຫນີ ຈຸດເກີດເຫດແມ່ນ ເສັ້ນທາງຕັດໃໝ່ໜອງບຶກ, ເມືອງສີໂຄດຕະບອງ ນະຄອນຫຼວງວຽງຈັນ



ພໍຫນ່ວຍກູ້ໄພມູນນິທິອອກກວດສອບເຫດ ມີຄົນເຈັບ 2 ຄົນ:  ຜູ້ທີ່ 1 ເພດຍິງ ອາຍຸ 20 ປີ ອາຊີບປະຊາຊົນ ອາການເບື້ອງຕົ້ນ ຂາຫັກສອງເບື້ອງ ຫນ່ວຍງານພັດທະນາພາສຸກນຳສົ່ງໂຮງຫມໍ.  ຜູ້ທີ່ 2 ເສຍຊີວິດ ເພດຊາຍ ບໍ່ມີເອກກະສານໃດໆກ່ຽວກັບຜູ້ເສຍຊີວິດ (ບໍ່ມີຂໍ້ມູນ)ອາການເບື້ອງຕົ້ນແມ່ນ ກະທົບຫົວ ຄໍຫັກ. ດັ່ງນັ້ນຫນ່ວຍກູ້ໄພມູນນິທິຈຶ່ງນຳສົ່ງໂຮງເຢັນ ໂຮງຫມໍມະໂຫສົດ

ສ່ວນລົດທີ່ຕຳແລ້ວໜີ ທາງເຈົ້າໜ້າທີ່ກ່ຽວຂ້ອງ ຈະເຮັດການກວດສອບ ແລະ ຕາມຈັບ ຄູ່ກໍລະນີຕໍ່ໄປ.



ພາບແລະຂ່າວ:​1623



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.