Header Ads

ອຸທາຫອນ! ປະລູກຫຼິ້ນນ້ຳ ພໍ່ແມ່ບໍ່ຢູ່ ເດັກນ້ອຍຈົມນ້ຳເກືອບຕາຍ ຊາວຕ່າງປະເທດຊ່ວຍເອົາຂຶ້ນນ້ຳ! ເຈົ້າຂອງສະຕ້ອງໃຫ້ມີຄົນເຝົ້າສະ!


ນະຄອນຫຼວງວຽງຈັນ: ວັນທີ 18/6/2017 ເກີດອຸບັດຕິເຫດ ເດັກນ້ອຍ ຈົມນ້ຳ ທີ່ສະນ້ຳແຫ່ງໜື່ງ ທີ່ນະຄອນຫຼວງວຽງຈັນ. ຊາວຕ່າງປະເທດ ພົບເຫັນ ຈິ່ງໄດ້ຊ່ວຍຂຶ້ນຈາກນ້ຳ ປະກົດວ່າຊອກຫາ ຜູ່ປົກຄອງບໍ່ເຫັນ ແລະ ບໍ່ຮູ້ວ່າຢູ່ໃສ. ທາງປະຊາຊົນຈິ່ງ ໄດ້ແຈ້ງໜ່ວຍກູ້ໄພ ນຳສົ່ງໂຮງໝໍ.

ທາງຜູ່ເປັນເອື້ອຍຂອງເດັກນ້ອຍ ທີ່ໄປສົ່ງນ້ອງລອຍນ້ຳກ່າວວ່າ: ນ້ອງຂອງລາວ ກໍ່ລອຍນ້ຳເປັນ ແຕ່ບໍ່ຄາດຄິດວ່າຈະເກີດອຸບັດຕິເຫດ. ແລະ ສະນີ້ ເປັນເປັນຄັ້ງທຳອິດທີ່ພາໄປ,​ ກໍ່ຄິດວ່າ ຈະມີຄົນເຝົ້າສະນ້ຳ.

ອຸບັດຕິເຫດ ລັກສະນະນີ້ເຄີຍເກີດຂຶ້ນ ແລະ ໃນປີກ່ອນ ມີຄົນຈົມນ້ຳ ເສຍຊີວິດ ທີ່ເຂດ ເມືອງຈັນທະບູລີ ມາແລ້ວ. 

ຈິ່ງເປັນສິ່ງເຕືອນໃຈແກ່ພໍ່ແມ່ຜູ່ປົກຄອງ ທີ່ມີມັກພາລູກໄປລອຍນ້ຳ ບໍ່ຄວນປະລູກໄວ້ ລຳພັງ ຄວນເບິ່ງແຍງພວກເຂົາ. ສ່ວນຜູ່ປະກອບການ ສະລອຍນ້ຳ ແມ່ນຍັງຖືເບົາ ແລະ ບໍ່ມີຄົນທີ່ເຝົ້າສະ ຕະຫຼອດ ເວລາທີ່ເປີດບໍລິການ. ຖ້າຢູ່ຕ່າງປະເທດ ແມ່ນຖືເປັນຂໍ້ບັງຄັບ ທີ່ຕ້ອງມີ Life Guard ທີ່ຈະຊ່ວຍຕິດຕາມ ແລະ ໃຫ້ການຊ່ວຍເຫຼືອ ຜູ່ປະສົບເຫດທັນທີ.

ຝາກໃຫ້ພາກສ່ວນຄຸ້ມຄອງທຸລະກິດ ຈົ່ງກວດສອບ ຜູ່ບໍລິການ ສະລອຍນ້ຳ ຕ້ອງໄດ້ ມີຍາມເຝົ້າສະ ເພື່ອຈະໄດ້ປ້ອງກັນບັນຫານີ້.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.