Header Ads

ຜູ່ລົງມືຄາດຕະກຳຊາຍສອງຄົນ ທີ່ເມືອງນ້ຳບາກ ເຂົ້າມອບຕົວກັບເຈົ້າໜ້າທີ່ແລ້ວ!


ຫຼວງພະບາງ:​ ຕາມການລາຍງານຂອງເຈົ້າຫນ້າທີ່ຈະລາຈອນເມືອງນ້ຳບາກ,ແຂວງຫລວງພະບາງ ລາຍງານໃຫ້ຮູ້ວ່າ ເວລາ ປະມານ12 ໂມງກາງຄືນ ຂອງວັນທີ 21/6/2017. ໄດ້ຮັບແຈ້ງເຫດວ່າມີເຫດການຂ້າກັນຕາຍຢູ່ 3 ແຍກ ຂື້ນຫ້ອງການ ປກສ ກຸ່ມນ້ຳຖວ້ມ. ຂື້ນກັບບ້ານຖວ້ມໃຕ້,ກຸ່ມບ້ານນ້ຳຖວ້ມ,ເມືອງນ້ຳບາກ,ແຂວງຫລວງພະບາງ.

ຕາມການລົງສືບສວນ-ສອບສວນຂອງເຈົ້າຫນ້າທີ ຈະລາຈອນເມືອງນ້ຳບາກໃຫ້ຮູ້ວ່າ:ກ່ອນຈະເກີດເຫດການ ດັ່ງກ່າວແມ່ນໄດ້ມີທ້າວ ຕຸ້ຍ ອາຍຸ 19 ປີ ແລະ ທ້າວ ຫລ້າ ອາຍຸ 23 ປີ ມາທຽ່ວຫລີ້ນສະຖານທີ່ກິນດື່ມ-ຮ້ານບັນເທີງ ຢູ່ກຸ່ມບ້ານນ້ຳຖວ້ມ.ຫລັງຈາກນັ້ນຈະພາກັນກັບບ້ານກອກຫວານ ເມືອງ ແລະ ແຂວງຫລວງພະບາງ ແຕ່ທັງສອງ ຄົນແມ່ນຮັບຈ້າງຂາຍນ້ຳມັນຢູ່ບ້ານຫາດປາງ ເມືອງປາກອູ.

ພໍມາຮອດຈຸດເກີດເຫດໄດ້ເຫັນ ຜູ້ຊາຍແລະຜູ້ຍິງ ທີ່ຈອດລົດນັ່ງລົມກັນຢູ່ແຄມທາງ ຈີ່ງໄດ້ຮ້ອງຢອກຕາມໄວຮຸ້ນຢອກໄຍກັນ ເຮັດໃຫ້ອີກຝ່າຍບໍ່ມີຄວາມພໍໃຈ ຈີ່ງຮ້ອງຕໍ່ຄວາມກັນ ທັງສອງຄົນ ທ້າວ ຕຸ້ຍ ແລະ ທ້າວ ຫລ້າ ຈີ່ງພາກັນຂີ່ລົດຕ່າວກັບຄືນມາຫາ ມີການຜິດຖຽງກັນເກີດຂື້ນ. 

ທ້າວ ໄຮ່ ວ່າງ ໄດ້ຈັບເອົາມີດທີ່ຕິດຕົວມານຳນັ້ນແທງໃສ່ຫົວນົມເບື້ອງຊາຍຂອງທ້າວຕຸ້ຍ ແລະ ຕ່າວມາແທງໃສ່ຄໍຫອຍຂອງທ້າວຫລ້າ ເຮັດໃຫ້ທັງສອງຄົນຕາຍກັບທີ່ແລ້ວກໍ່ຂີ່ລົດຫນີໄປ. 

ໃນມື້ຕໍ່ມາ ວັນທີ 22/6/2017 ທ້າວ ໄຮ່ ວ່າງ ອາຍຸປະມານ 20 ປີ ຢູ່ບ້ານໂພນມະນີຜູ້ທີ່ເອົາມີດແທງທັງສອງຄົນຕາຍນັ້ນ ໄດ້ເອົາມີດ ແລະ ນຳຜູ້ປົກຄອງມາມອບຕົວນຳເຈົ້າຫນ້າທີ.

ເຫດສະເທືອນຂວັນຄາດຕະກຳໃນຄັ້ງນີ້ແມ່ນຍັງຢູ່ໃນຂັ້ນຕອນການສືບສວນສອບສວນຈາກພະຍານ,ຫລັກຖານ ແລະ ມູນເຫດທີ່ແທ້ຈີງ. ເຊີ່ງຢູ່ໃນຂັ້ນຕອນລະອຽດຂອງເຈົ້າຫນ້າທີ ປກສແຂວງຫລວງພະບາງ ຮວ່ມກັບ ປກສ ເມືອງນ້ຳບາກ.

ໂດຍ: Hongkhao Nambak




ຫຼວງພະບາງ: ລາຍງານຈາກ ປກສ ເມືອງນ້ຳບາກ ໃຫ້ຮູ້ວ່າ ເກີດເຫດຄາດຕະກຳກັນ ຢູ່ ບ້ານນຳ້ຖ້ວມ ເມືອງນຳ້ບາກ ແຂວງຫຼວງພະບາງ ໃນຄືນວັນທີ 21 ມິຖຸນາ 2017.

ເປັນການຄາດຕະກຳແບບໂຫດຮ້າຍ ໂດຍການໃຊ້ມີດແທງ ຄໍ ແລະ ເອິກ ຈົນເຮັດໃຫ້ຊາຍ 2 ຄົນເສຍຊີວິດຄາທີ່. ເຈົ້າໜ້າທີ່ໄດ້ທຳການ ກວດສອບ ແລະ ຈະດຳເນີນການຕາມຫາຄາດຕະກອນມາລົງໂທດຕາມກົດໝາຍ.

ນີ້ເປັນເຫດສະເທືອນຂວັນກັບການຄາດຕະກຳ ທີ່ຮ້າຍແຮງ. ຖ້າທ່ານໃດຮູ້ເບາະແສ ກໍ່ຊ່ວຍແຈ້ງ ປກສ ເມືອງນ້ຳບາກແດ່.

ພາບແລະຂ່າວ: ປກສ ເມືອງນ້ຳບາກ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.