Header Ads

ຄະນະຮັບຜິດຊອບກີລາເມືອງພູຄູນ ຕີລາຄາຜົນສຳເລັດ ງານແຂ່ງຂັນກີລາສະເຫຼີມສະຫຼອງວັນສ້າງຕັ້ງກອງພັນນ້ອຍ 413 ຄົບຮອບ 41 ປີ


ຄະນະຮັບຜິດຊອບກີລາເມືອງພູຄູນ ຕີລາຄາຜົນສຳເລັດ ງານແຂ່ງຂັນກີລາສະເຫຼີມສະຫຼອງວັນສ້າງຕັ້ງກອງພັນນ້ອຍ 413 ຄົບຮອບ 41 ປີ

ກອງປະຊຸມສະຫຼຸບ-ຖອດຖອນບົດຮຽນຜົນສຳເລັດການແຂ່ງຂັນກີລາສະເຫຼີມສະຫຼອງວັນສ້າງຕັ້ງກອງພັນນ້ອຍ413 ຄົບຮອບ41ປີຂອງຄະນະຮັບຜິດຊອບນັກກີລາເມືອງພູຄູນ ໄດ້ຈັດຂື້ນໃນຕອນເຊົ້າຂອງວັນທີ 28 ມີຖຸນາ 2017 ນີ້ ຢູ່ທີຫ້ອງປະຊຸມຫ້ອງການສຶກສາທິການ ແລະ ກີລາ ເມືອງ ໂດຍການເຂົ້າຮວມຂອງທ່ານ ຄຳພັນ ພະນິນທອງ ຮອງເຈົ້າເມືອງພູຄູນ ມີບັນດາຮອງຫົວໜ້າຫ້ອງການອອ້ມຂ້າງ, ຄະນະຮັບຜິດຊອບວຽກງານກີລາພ້ອມດ້ວຍນັກກີລາຈາກກົມກອງ, ຫ້ອງການພາຍໃນເມືອງເຂົ້າຮວມ
ໃນພິທີໄດ້ຮັບຟັງການລາຍງານຜົນສຳເລັດຂອງການແຂ່ງຂັນກີລາຈາກທ່ານ ບຸນປອນ ໄພຍະສັກ ຮອງຫົວໜ້າຫ້ອງການສຶກສາທິການ ແລະ ກີລາເມືອງ



ການແຂ່ງຂັນກີລາສະເຫຼີມສະຫຼອງວັນສ້າງຕັ້ງກອງພັນນ້ອຍ 413 ໃນລະຫວ່າງວັນທີ 5 – 9  ມີນາ 2017 ທີຜ່ານມາ ລວມ 4 ວັນ ທີ່ບ້ານຈີມເປັນເຈົ້າພາບ ຄະນະຊີ້ນຳກີລາເມືອງພູຄູນ ໄດ້ສົ່ງທີມຄະນະນັກກີລາຂອງເມືອງ ເຂົ້າຮວມທັງໝົດ 28 ທ່ານ, ໃນນີ້ມີຄະນະຊີ້ນໍານັກກີລາ 4 ທ່ານ, ນັກກີລາ 24 ທ່ານ, ແຂ່ງຂັນໃນ2ປະເພດກີລາຄື: ກີລາກະຕໍ້ຊາຍ ແລະ ບານເຕະຊາຍ ຜ່ານການແຂ່ງຂັນກີລາໃນຄັ້ງນີ້ຄະນະນັກກີລາເມືອງພູຄູນ ສາມາດສ້າງຜົນງານທີ່ພົ້ນເດັ່ນລະດັບແຖວໜ້າເປັນຕົ້ນແມ່ນ: ກີລາບານເຕະຊາຍ ສາມາດຍາດໄດ້ລາງວັນຊະນະເລີດອັນດັບທີ1 ແລະ ລາງວັນຮອງຊະນະເລີດອັນດັບທີ2 ກີລາກະຕໍ້ຫວາຍຊາຍ ໃນພິທີໄດ້ເປີດໂອກາດໃຫ້ທຸກພາກສວນ ປະກອບຄຳຄິດຄຳເຫັນຢ່າງກົງໄປກົງມາເພືອແລກປຽນບົດຮຽນ, ແກ້ໄຂຂໍ້ຄົງຄ້່າງທີ່ຍັງເປັນຈຸດບົກຜ່ອງໃນການປະຕິບັດໃນຄັ້ງຜ່ານມາ ທັງນີ້ກໍ່ເພືອເຮັດໃຫ້ຄອດການປະສານງານ ຈັດຕັ້ງປະຕິບັດວຽກງານກີລາຂອງຄະນະຮັບຜິດຊອບ ແລະ ນັກກີລາເມືອງໃນຕໍ່ໜ້າມີຄວາມສະດວກ, ຖືກຕ້ອງ ໃນໂອກາດນີ້ ຄະນະປະທານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບ ແລະ ນັກກີລາ ທີ່ໄດ້ມີຄວາມສາມັກຄີສ້າງມິດຕະພາບໃນການແຂ່ງຂັນກີລາຄັ້ງນີ້ຈົນສຳເລັດ.

ຂ່າວ: ວັນທຽນ ຄຳທະສິດ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.