Header Ads

ຫ້ອງວ່າການປະທານປະເທດມອບໃບຢັ້ງຢືນ ໜ່ວຍພັກ ເຂັ້ມແຂງ-ຮູ້ນຳພາຮອບດ້ານ



ຫ້ອງວ່າການປະທານປະເທດ ໄດ້ຈັດພິທີມອບ-ຮັບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳ ພາຮອບດ້ານຄັ້ງທີ  I ​ໃຫ້ 4 ໜ່ວຍ​ພັກ ໃນວັນ​ທີ 28 ມິຖຸນາ  2017 ທີ່ຫ້ອງວ່າການ ປະທານປະເທດ , ມອບໂດຍ  ທ່ານ ຄໍາ​ເມິງ ພົງ​ທະ​ດີ, ກໍາມະການ​ສູນ​ກາງ​ພັກ, ​ ຫົວໜ້າຫ້ອງວ່າ ການປະທານປະເທດ ພ້ອມ​ບັນດາຄະນະພັກ, ສະມາຊິກພັກ ແລະ ພະນັກງານ-ລັດຖະກອນ ເຂົ້າຮ່ວມ.

ທ່ານ ຄໍາ​ຕາ ລາດ​ຊະ​ວົງ ຫົວໜ້າ​ກົມ​ຈັດ​ຕັ້ງ-ກວດກາ ​ແລະ ​ໂຄສະນາໄດ້​ສະຫລຸບ​ການຈັດ​ຕັ້ງ​ປະຕິບັດ​ວຽກ​ງານ​​ໂດຍ​ຫຍໍ້​ວ່າ: ​ສ້າງ​ໜ່ວຍ​ພັກ​ເຂັ້ມ​ແຂງ-ຮູ້​ນໍາພາ​ຮອບດ້ານ ​ປະກອບ​ມີ 4 ໜ່ວຍ​ພັກ​ ໜ່ວຍ​ພັກ​ກົມ​ບໍລິຫານ ​ແລະ ຄຸ້ມ​ຄອງ, ໜ່ວຍ​ພັກ​ກົມ​ຄົ້ນ​ຄວ້າສັງ​ລວມ, ໜ່ວຍ​ພັກ​ກົມ​ພົວພັນ​ຕ່າງປະ​ເທດ ​ແລະ ໜ່ວຍ​ພັກ​ກົດໝາຍ ​ເຊິ່ງຕະຫລອດ​ໄລຍະ​ຜ່ານ​ມາ, ​​ແຕ່ລະ​ໜ່ວຍ​ພັກ​ໄດ້​ເອົາ​ໃຈ​ໃສ່​ ຢ່າງ​ຕັ້ງໜ້າ​ຕໍ່​​ການ​ນໍາພາ​ແນວ​ຄິດ, ການຈັດຕັ້ງ, ​ແບບ​ແຜນ ​ແລະ ວິທີ​ນໍາພາ ​ໄດ້​ເອົາ​ໃຈ​ໃສ່​ຈັດ​ຕັ້ງ​ຜັນ​ຂະຫຍາຍ​ມະຕິ 9 ​ແລະ ມະຕິ 10 ຂອງ​ສູນ​ກາງ​ພັກ ກໍ​ຄື ມະຕິ​ກອງ​ປະຊຸມ​ໃຫຍ່​ຄັ້ງ​ທີ I ຂອງ​ຄະນະ​ພັກ​ຮາກ​ຖານ ​ຫ້ອງ​ວ່າການ​ປະທານ​ປະ​ເທດ, ​ເປັນ​ເຈົ້າ​ການ​ປະຕິບັດ​ແຈ້ງ​ການ, ມະຕິ​ຄໍາ​ສັ່ງ, ບົດ​ແນະ​ນໍາ​ຕ່າງໆ ​ທີ່​ຂັ້ນ​ເທິງ​ວາງ​ອອກ ​ເປັນ​ເຈົ້າ​ການ​ ໃນ​ການ​ຊີ້​ນໍາໆ​ພາ​ສ້າງ​ແຜນການ, ຕິດຕາມ​ກວດກາ ​ແລະ ປະ​ເມີນ​ຜົນ​ວຽກ​ງານ​ ເປັນ​ແຕ່ລະ​ໄລຍະ, ສອງ​ແສງ​ລາຍ​ງານ​ປະ​ຈໍາ​ອາທິດ ​ເພື່ອ​ແກ້​ໄຂ​ວຽກ​ງານ​ໃຫ້​ທັນ​ເວລາ, ປະຕິບັດ​ລວມສູນ​ປະຊາທິປະ​ໄຕ​ຂອງ​ພັກ, ນໍາພາ​ເປັນໝູ່​ຄະນະ, ມິ​ການ​ແບ່ງ​ວຽກ​ ໃຫ້​ບຸກຄົນ​ຮັບຜິດຊອບ​ຈະ​ແຈ້ງ, ປະຕິບັດ​ລະບອບ​ດໍາ​ເນີນ​ຊີວິດ​ການ​ເມືອງ ​ປະ​ຈໍາ​ເດືອນ, ​ເປັນ​ເຈົ້າ​ການ​ປະຕິບັດ​ລະບຽບ​ພັກ​, ຈັດ​ຕັ້ງ​ນໍາພາ​ປະຕິບັດ​ຕາມ​ພາລະ​ບົດບາດ​ໜ້າ​ທີ່​ ຄວາມ​ຮັບຜິດຊອບ​ຂອງ​ຕົນ, ​ເອົາ​ໃຈ​ໃສ່​ກໍ່ສ້າງ ​ແລະ ຂະຫຍາຍ​ມະຫາຊົນ​ຜູ້​ທີ່​ກ້າວໜ້າ ​ເພື່ອ​ຂະຫຍາຍ​ເຂົ້າ​ພັກ ​ເພື່ອ​ເຮັດ​ໃຫ້​ພັກ​ມີ​ຄວາມ​ໜັກ​ແໜ້ນ​ເຂັ້ມ​ແຂງ.

​ໃນ​ໂອກາດ​ດັ່ງກ່າວ​ນີ້, ທ່ານ ຄໍາ​ເມິງ ພົງ​ທະ​ດີ ​ໄດ້​ໃຫ້​ກຽດ​ໂອ້​ລົມ ​ແລະ ​ໃຫ້​ທິດ​ຊີ້​ນໍາ​ ຕໍ່​ຄະນະ​ພັກ ​ແລະ ສະມາຊິກ​ພັກ 4 ໜ່ວຍ​ພັກ​ໃຫ້​ເອົາ​ໃຈ​ໃສ່​ ສືບ​ຕໍ່​ສ້າງ​ໜ່ວຍ​ພັກ​ເຂັ້ມ​ແຂງ-ຮູ້​ນໍາພາ​ຮອບດ້ານຕາມ 5 ​ເນື້ອ​ໃນ ​​ໂດຍ​ເອົາ​ໃຈ​ໃສ່​ນໍາພາ​ການ​ເມືອງ​ແນວ​ຄິດ​ສະມາຊິກ​ພັກ, ພະນັກງານ-ລັດຖະກອນ ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ, ມີ​ຄວາມ​ເປັນ​ເອກະ​ພາບ ​ຕໍ່​ແນວທາງ​ນະ​ໂຍບາຍ​ຂອງ​ພັກ, ມີ​ຄວາມ​ສາມັກຄີ​ ຢູ່​ພາຍ​ໃນ ແລະ ມີ​ສະຕິ​ຕື່ນ​ຕົວ​ເຄົາລົບ​ລະບຽບ​ກົດໝາຍ ພ້ອມ​ກັນ​ນັ້ນ ຄະນະ​ພັກ​ຕ້ອງ​​ເປັນ​ເຈົ້າ​ການ ນໍາພາ​ການຈັດ​ຕັ້ງ​ວຽກ​ງານ​ເປັນ​ເສນາ​ທິການ ​ໃຫ້​ປະທານ​ປະ​ເທດ, ຮອງ​ປະທານ​ປະ​ເທດ ​ໃນ​ການ​ເຄື່ອນ​ໄຫວ​ວຽກ​ງານ​ຕ່າງໆ​ພາຍ​ໃນ ​ແລະ ຕ່າງປະ​ເທດ​ເປັນ​ຕົ້ນ ​ແມ່ນ​ການ​ກະກຽມ​ຕ້ອນຮັບ​ແຂກ​ຕ່າງປະ​ເທດ ​ຂັ້ນ​ປະມຸກ​ລັດ, ການ​ເຂົ້າ​ພົບ​ຂອງ​ບັນດາ​ແຂກ​ຕ່າງປະ​ເທດ ​ແລະ ກະກຽມ​ໄປ​ຢ້ຽມຢາມ​ລັດຖະກິດ​ຕ່າງປະ​ເທດ ພ້ອມນີ້​ ກໍ​ຕ້ອງ​ນໍາພາ​ປະຕິບັດ​ໜ້າ​ທີ່​ວິຊາ​ສະ​ເພາະ​ ແຕ່​ລະ​ດ້ານ​ໃຫ້​ປະສົບ​ຜົນ​ສໍາ​ເລັດ.

ຂ່າວ ​ວັນ/ພາບ ​ຄໍາ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.