Header Ads

ປກສ ເມືອງບໍລິຄັນ ຈັບໂຈນລັກລົດຈັກ ມາດຳເນີນຄະດີ


ຕົ້ນ​ເດືອນ​ມິຖຸນາ 2017 ນີ້, ເຈົ້າໜ້າທີ່ ປກສ ເມືອງບໍລິຄັນ ​ແຂວງ​ບໍລິ​ຄຳ​ໄຊ ສາມາດຈັບເປົ້າໝາຍລັກຊັບພົນລະເມືອງ (ລົດຈັກ) ໄດ້ 2 ຄົນຄື: ທ້າວດາວເພັດ ອາຍຸ 22 ປີ, ອາຊີບປະຊາຊົນ ຢູ່ບ້ານຜາເມືອງ ແລະ ທ້າວ ມະນີວອນ (ໂຢດ) ອາຍຸ 18 ປີ, ອາຊີບປະຊາຊົນ ບ້ານຫ້ວຍຄູນ ເມືອງບໍລິຄັນ ແຂວງບໍລິຄຳໄຊ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ປກສ ເມືອງທັງ
​ສອງ​ໄດ້ໃຫ້ການ ສາລາພາບຕໍ່ເຈົ້າໜ້າທີ່ວ່າ: ເລີ່ມແຕ່ເດືອນ ເມສາ 2017 ເປັນຕົ້ນມາພວກ​ກ່ຽວ ​ໄດ້ເລີ່ມລັກລົດຈັກ ຢູ່ເຂດເມືອງບໍລິຄັນ, ເມືອງປາກຊັນ ແລະ ເມືອງທ່າພະບາດ,  ​ກ່ອນຈະລົງມືລັກແຕ່ລະຄັ້ງແມ່ນໃຫ້ ທ້າວ ມະນີວອນ (ໂຢດ) ໄປເລາະເບິ່ງເຂດ ເປົ້າໝາຍກ່ອນວ່າທາງເຂົ້າເຮືອນທີ່ ມີລົດຈັກນັ້ນ ມີທາງເຂົ້າອອກແນວໃດ ຈຶ່ງມາລາຍງານໃຫ້ຕົນຮູ້ແລ້ວ ກໍພ້ອມກັນລົງມືກໍ​ເຫດ ​ແລະ ​ໄດ້​ລົງມື​ລັກ​ຫລາຍ​ຄັ້ງ ​ເມື່ອ​ໄດ້​ລົດ​ມາ​ແລ້ວ​ກໍ​ເອົາ​ໄປ​ຂາຍ​ຕໍ່​ ໃນ​ລາຄາ​ຖືກ​ໃຫ້​ປະຊາຊົນ. ລວມຈຳນວນ​ລົດຈັກ​ ທີ່​ພວກ​ກ່ຽວ​ລັກ​ມາ​ໄດ້​ທັງ​ໝົດ 21 ຄັນ ​ແລ້ວ​ກໍ​ຖືກ​ເຈົ້າ​ໜ້າ​ທີ່​ຈັບ​ຕົວ​ໄດ້.

ປັດຈຸບັນ
, ເຈົ້າໜ້າທີ່ ປກສ ເມືອງບໍລິຄັນ ສາມາດເກັບກູ້ລົດຈັກມາໄດ້ແລ້ວ ຈຳນວນ 7 ຄັນ, ສ່ວນຍັງເຫລືອນັ້ນ ເຈົ້າໜ້າທີ່ກໍາລັງ ປະສານສົມທົບກັບ ພາກສ່ວນກ່ຽວຂ້ອງ ເພື່ອເກັບ ກູ້ຄືນມາມອບໃຫ້ເຈົ້າຂອງ.  ພ້ອມນັ້ນ ທ້າວ ດາວເພັດ ຍັງມີປືນປະດິດ (ປະເພດປືນສັ້ນ)  ​ແລະ ລູກເກົ້າ 1 ລູກ ໄວ້ໃນຄອບຄອງ ທີ່ຊື້ມາຈາກປະຊາຊົນ ບ້ານໂພນສີ ເມືອງປາກກະດິງ ແຂວງບໍລິຄຳໄຊ. ສ່ວນຜູ້ຮັບຊື້ຄື: ທ້າວ ອ່ອນ ແລະ ທ້າວ ຕູ່ ປະຊາຊົນບ້ານ ໂພນສີ ເມືອງປາກກະດິງ ເຈົ້າໜ້າທີ່ໄດ້ກັກຕົວພວກກ່ຽວທັງສອງ ເພື່ອທໍາການ ສືບສວນ-ສອບສວນ ແລະ ລົງໂທດຕາມລະບຽບກົດໝາຍ.

ເນື້ອໃນ: ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.