Header Ads

ປັບປຸງຫ້ອງການ ຂໍ້ມູນຂ່າວສານ ລະບົບດີຈີຕອນ ຝຣັ່ງໂກໂຟນ ຢູ່ເຂດ ມຊ



ຫ້ອງການຂໍ້ມູນ-​ຂ່າວສານ ວິທະຍາເຂດດີຈີຕອນ ຝຣັ່ງໂກໂຟນວຽງຈັນ ​(CNF) ຢູ່ມະຫາວິທະຍາໄລແຫ່ງຊາດ ນະຄອນຫລວງວຽງຈັນ, ​​​ໄດ້ຮັບການປັບປຸງໃໝ່ ເພື່ອອໍານວຍຄວາມສະດວກ​ ​ພ້ອມຄໍາ​​​ແນະນໍາ ຂໍ້ມູນຂ່າວສານດ້ານການສຶກສາ ລະດັບສາກົນ ໃຫ້ນັກຮຽນນັກສຶກສາ, ຄູອາຈານລາວ ທີ່ຕ້ອງການສືກສາຮໍ່າຮຽນ ຕໍ່ລະດັບປະລິນຍາຕີ, ປະລິນຍາໂທ ແລະ ປະລິນຍາເອກ ຫລື ຕ້ອງການສຶກສາຄົ້ນຄວ້າ ດ້ານວິທະຍາສາດ ຜ່ານທາງລະບົບທີ່ທັນສະ​​ໄໝ ກໍຄື ລະບົບດີຈີຕອນ.

ທ່ານ
 ນາງ ຊຸຍລີ ເອລ ມູຕາອຸກິນ-ຣຸດໂຊ ຜູ້ຮັບຜິດຊອບຫ້ອງການ ຂອງອົງການ ມະຫາວິທະຍາໄລ ຝຣັ່ງໂກໂຟນີ ​​ໄດ້​​ເວົ້າເຖິງ ກິດຈະກໍາທີ່ຜ່ານມາ ວມເຖິງວຽກງານຍຸດທະສາດ ທີ່ຫ້ອງການດັ່ງກ່າວ, ຈະຈັດຕັ້ງປະຕິບັດ ໃນງານພົບປະກັບສື່ມວນຊົນລາວ ໃນວັນທີ 27 ມິຖຸນານີ້ ຢູ່ທີ່ມະຫາວິທະຍາ​​ໄລແຫ່ງຊາດ ໂດຍກ່າວ​ວ່າ:​ CNF ຈະເປີດນໍາໃຊ້ ຢ່າງເປັນທາງການ ໃນວັນທີ 28 ມີິຖຸນານີ້ ທີ່ມະຫາວິທະຍາ​​ໄລແຫ່ງຊາດ ປະກອບມີຫ້ອງປະຊຸມ, ຫ້ອງຝຶກອົບຮົມ,ຫ້ອງຈັດກິດຈະກຳ ແລະ ອື່ນໆ ເຊິ່ງແມ່ນໜວ່ຍງານໜຶ່ງ ຂອງອົງການມະຫາວິທະຍາໄລ ຝຣັ່ງໂກໂຟນີ (AUF) ທີ່​​ໃຫ້ບໍລິການແກ່ບັນດາສະຖາບັນ ການຈັດຕັ້ງທີ່​​ເປັນສະມາຊິກ ຄູ່ຮວ່ມມືດ້ານການສຶກສາ. CNF, ຍັງຊວ່ຍເອື້ອອໍານວຍຄວາມສະດວກ ໃນການທົດລອງນໍາໃຊ້ອຸປະກອນ ​​ແລະ ເຄື່ອງມືທີ່ທັນສະ​​ໄໝ ລະບົບດີຈີຕອນ. ​

ຂ່າວ:
 ພູລາວັນ ຮູບ: ເກດ/ຂປລ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.