Header Ads

ຄ້າຍຄຸມຂັງດັດສ້າງ ປກສ ແຂວງບໍ່ແກ້ວ ຈັດພິທີສຶກສາອົບຮົມນັກໂທດ.





ໃນວັນທີ 14 ມິຖຸນາ 2017 ນີ້. ຄ້າຍຄຸມຂັງດັດສ້າງ ປກສ ແຂວງບໍ່ແກ້ວໄດ້ຈັດພິທີສຶກສາອົບຮົມນັກໂທດ, ຜູ້ຖືກດັດສ້າງຢູ່ທີຄ້າຍຄຸມຂັງດັດສ້າງ ປກສ ແຂວງ. ໂດຍການເປັນປະທານຂອງທ່ານ ນາງ ດວງຕາ ໄຊຍະຫົງ ຮອງເລຂາຄະນະບໍລິຫານງານຊາວໜຸ່ມ ແຂວງບໍ່ແກ້ວ ໃຫ້ກຽດເຂົ້າຮ່ວມຂອງ ທ່ານ ພັທ ສີພົນ ອິນຕະວົງ ຮອງຫົວໜ້າຄ້າຍຄຸມຂັງ-ດັດສ້າງ ປກສ ແຂວງພ້ອມດ້ວຍພະນັກງານວິຊາການຂອງຄ້າຍຄຸມຂັງ ຕະຫຼອດຮອດນັກໂທດ ແລະ ຜູ້ຖືກດັດສ້າງເຂົ້າຮ່ວມ.

ໃນພິທີ ທ່ານ ດວງຕາ ໄຊຍະຫົງ ຮອງເລຂາຄະນະບໍລິຫານງານຊາວໜຸ່ມ ແຂວງບໍ່ແກ້ວ ກໍ່ໄດ້ຜ່ານເອກະສານກ່ຽວກັບຄຸນສົມບັດຂອງພົນລະເມືອງລາວ ຄຸນສົມບັດແມ່ນພາກສ່ວນໜຶ່ງຂອງຄຸນທາດການເມືອງ ເຊິ່ງສະແດງອອກໃນກິລິຍາມາລະຍາດໃນການເຄື່ອນໄຫວໃນສັງຄົມ ຄົນທີ່ມີຄວາມຮູ້ຄວາມສາມາດແຕ່ຖ້າຫາກຂາດຄຸນສົມບັດກໍ່ຈະບໍ່ມີປະໂຫຍດໃຫ້ແກ່ສັງຄົມ ກໍ່ຄືປະເທດຊາດ ຄຸນສົມບັດຂອງພົນລະເມືອງລາວແມ່ນມີບົດບາດຄວາມສຳຄັນຕິດພັນກັບການຕໍ່ສູ້ປົດປ່ອຍຊາດໃນເມື່ອກ່ອນກໍ່ຄືໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຄົນລາວທຸກຄົນຕ້ອງມີຄວາມຮັກເຊື້ອແພງຊາດ, ຮັກປະຊາຊົນ, ຮັກເອກະລາດ, ຮັກມູນເຊື້ອຂອງຊາດ, ມີຄວາມດຸໝັ່ນພາກພຽນໃນການອອກແຮງງານ, ດຸໝັ່ນຮ່ຳຮຽນຍົກລະດັບຕົນເອງ, ມີຄວາມປະຢັດມົດທະຍັດ ບໍ່ໃຊ້ຈ່າຍຟຸມເຟືອຍ ປະຢັດວັດຖຸເງິນຄໍາ, ມີຄວາມຊື່ສັດທ່ຽງທຳ, ບໍ່ບິດບ້ຽວລ້ຽວຄົດ, ມີຄວາມໜັກແໜ້ນສຸຂຸມໂປ່ງໃສ,ມີຄວາມເອື້ອເຟື້ອເຜື່ອແຜ່, ມີນໍ້າໃຈກ້ວງຂວາງ, ບໍ່ເຫັນແກ່ຕົວ, ມີນ້ຳໃຈຊ່ວຍເຫຼືອເຊິ່ງກັນ ແລະ ກັນ, ມີຄວາມບຸກບືນຮຽນຮູ້ພັດທະນາຕົນເອງ.


ນອກຈາກນັ້ນ ທ່ານຍັງໄດ້ເນັ້ນໜັກໃຫ້ນັກໂທດ ແລະ ຜູ້ຖືກດິດສ້າງຕ້ອງຝຶກຝົນຫຼໍ່ຫຼອມຄຸນສົມບັດຂອງຕົນເອງ, ຝຶກຝົນໃຫ້ຕົນເອງໃຫ້ມີທັດສະນະຫຼັກໝັ້ນຊົນຊັ້ນກຳມະກອນຢ່າງໜັກແໜ້ນ ຢຶດໝັ້ນໃນອຸດົມການຂອງພັກ-ລັດ, ຕ້ອງຮັບຮູ້ແຈ້ງຕໍ່ໂທດກຳທີ່ຕົນເອງໄດ້ກໍ່ຂຶ້ນໃຫ້ແກ່ສັງຄົມ ແລະ ມີຄວາມຮູ້ສຶກກິນແໜງແຄງໃຈຕໍ່ການກະທຳຜິດດັ່ງກ່າວ, ຕ້ອງມີຄວາມຈິງໃຈລາຍງານຕໍ່ເຈົ້າໜ້າທີ່ກ່ຽວກັບການເຄື່ອນໄຫວກະທຳຜິດຂອງຕົນ, ຕ້ອງຕັ້ງໜ້າປະຕິບັດບັນດາຂໍ້ກຳນົດ ກົດລະບຽບ ຂອງຄ້າຍຄຸມຂັງ-ດັດສ້າງວາງອອກ, ມີຄວາມດຸໝັ່ນອອກແຮງງານ ທຳການຜະລິດ, ຮ່ຳຮຽນວິຊາຊີບ ແລະ ສາມາດບັນລຸຄາດໝາຍຕາມທີ່ຄ້າຍຄຸມຂັງ-ດັດສ້າງໄດ້ກຳນົດໃຫ້, ມີການຫັນປ່ຽນຈາກພຶດຕິກຳທີ່ບໍ່ດີໃຫ້ກາຍເປັນຄົນຮູ້ຜູ້ດີ, ເປັນແບບຢ່າງທີ່ດີໃຫ້ແກ່ໝູ່ເພື່ອນໃນຄ້າຍຄຸມຂັງດັດສ້າງ.


ທີ່ມາ: ຂ່າວ ປກສ ແຂວງບໍ່ແກ້ວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.