Header Ads

ປະທານປະເທດ ເຄື່ອນໄຫວ ຢ້ຽມຢາມ-ຊີ້ນຳ ວຽກງານ ຢູ່ ແຂວງຊຽງຂວາງ


ທ່ານ ບຸນຍັງ ວໍລະຈິດ ປະທານ​ປະ​ເທດ, ພ້ອມດ້ວຍຄະນະ ໄດ້​ເດີນທາງ​ ໄປ​ເຄື່ອນ​ໄຫວ​ຢ້ຽມຢາມ ​ແລະ ຊີ້​ນຳ​ວຽກງານ ຢູ່ ​ແຂວງ​ຊຽງຂວາງ ໃນວັນທີ 26 ມິຖຸນາ 2017, ​ໂດຍ​ໄດ້​ຮັບ​ການ​ຕ້ອນຮັບ​ອັນ​ອົບ​ອຸ່ນ​ ຈາກທ່ານ ສົມກົດ ມັ່ງໜໍ່ເມກ ເຈົ້າແຂວງຊຽງຂວາງ ພ້ອມດ້ວຍ ການນຳຫລັກແຫລ່ງ ທີ່​ເດີ່ນບິນ ພົນລະເຮືອນທົ່ງໄຫຫີນ.

ການມາຢ້ຽມຢາມແຂວງ ຊຽງຂວາງ ຂອງທ່ານ ປະທານ​ປະ​ເທດໃນຄັ້ງນີ້, ເພື່ອໂອ້ລົມຊີ້ນຳວຽກງານ ​ແກ່ພະນັກງານຫລັກແຫລ່ງ ແຂວງຊຽງຂວາງ, ຢ້ຽມຢາມພື້ນຖານການຜະລິດ ຂອງປະຊາຊົນ ແລະ ຜູ້ລົງທຶນ ຂອງຕ່າງປະເທດ ເພື່ອເຮັດໃຫ້ແຂວງຊຽງຂວາງ ດຶງດູດນັກລົງທຶນ ທັງພາຍໃນ ແລະ ຕ່າງປະ ເທດ ເຂົ້າມາລົງທຶນ ຢູ່ແຂວງຊຽງຂວາງ ເຮັດໃຫ້ເສດຖະກິດເຂັ້ມແຂງ ​ແລະ ມີການພັດທະນາ ຈະເລີນຂື້ນເລື້ອຍໆ.

ຂ່າວ: ບຸນມີ ແສງທຸມມີ/ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.