Header Ads

ກະຊວງ ຮສສ ປັບປຸງກົງຈັກການຈັດຕັ້ງ







ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທີປະກາດການກົງຈັກການຈັດຕັ້ງ ຂຶ້ນເມື່ອວັນທີ 21 ມີຖຸນານີ້ ທີ່ ກະຊວງ ຮສສ ໂດຍການເຂົ້າ ຮ່ວມຂອງ ທ່ານ ປອ ຄຳແພງ ໄຊ ສົມແພງ ລັດຖະມົນຕີກະຊວງ ຮສສ ພ້ອມດ້ວຍຮອງລັດຖະ ມົນຕີ, ຫົວໜ້າກົມ, ຮອງກົມ, ພະນັກງານວິຊາການຈຳນວນໜຶ່ງເຂົ້າຮ່ວມ.
ອີງຕາມດຳລັດຂອງນາຍົກ ລັດຖະມົນຕີ ເລກທີ 138/ນຍ, ລົງວັນທີ 4 ພຶດສະພາ 2017 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງແຮງງານ ແລະ ສະຫວັດດີການສັງຄົມ, ອີງຕາມມະຕິກອງປະຊຸມຄະນະປະຈຳ ພັກກະຊວງ ຮສສ ປະຈຳເດືອນມີນາ 2017. ດັ່ງນັ້ນ, ລັດຖະມົນຕີ ກະຊວງ ຮສສ ຈິ່ງໄດ້ຕົກລົງແຕ່ງຕັ້ງ ທ່ານ ນາງ ອານຸສອນ ຄຳສິງສະຫວັດ ເປັນຜູ້ຮັກສາການ ຫົວໜ້າກົມພັດທະນາສີມືແຮງ ງານ ແລະ ຈັດຫາງານ, ສຳລັບ ທ່ານ ພູວັນ ຈັນທະວົງ ຫົວໜ້າ ກົມພັດທະນາສີມືແຮງງານ ແລະ ຈັດຫາງານ ຜູ້ເກົ່າອອກ ພັກຜ່ອນບຳນານ.

ໃນໂອກາດນີ້, ທ່ານ ປອ ຄຳແພງ ໄຊສົມແພງ ລັດຖະມົນຕີ ໄດ້ມີຄຳເຫັນວ່າ: ການ ແຕ່ງຕັ້ງພະນັກງານຂອງກະ ຊວງແຮງງານ ແລະ ສະຫວັດດີ ການສັງຄົມເວົ້າລວມ, ເວົ້າສະ ເພາະແມ່ນຮັກສາການຫົວໜ້າ ກົມພັດທະນາສີມືແຮງງານ ແລະ ຈັດຫາງານ ແມ່ນອີງໃສ່ຄວາມ ຮຽກຮ້ອງຕ້ອງການຂອງໜ້າທີ່ ການເມືອງ ແລະ ການເຕີບ ໃຫຍ່ຂະຫຍາຍຕົວຂອງຂົງ ເຂດວຽກງານແຮງງານ ແລະ ສະຫວັດດີການສັງຄົມ ຂອງພວກເຮົາໃນປັດຈຸບັນຢ່າງ ກວ້າງຂວາງທັງຢູ່ພາຍໃນ, ຕ່າງ ປະເທດ, ຂົງເຂດສາກົນ. ສະນັ້ນ, ຈຶ່ງຮຽກຮ້ອງມີການຈັດ ຕັ້ງທີ່ຄົບຊຸດ, ເຂັ້ມແຂງ ເພື່ອສາມາດຮອງຮັບການຈັດຕັ້ງ ປະຕິບັດຍຸດທະສາດ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມ ທີ່ພັກ ແລະ ລັດຖະບານ ມອບໝາຍໃຫ້, ອັນສຳຄັນ ແມ່ນການເຂົ້າຮ່ວມເປັນສະມາຄົມເສດຖະກິດອາຊຽນ (AEC) ແຮງງານມີການເຄື່ອນ ຍ້າຍໃນເຂດແຄວ້ນແບບເສລີ, ຫັນການຄຸ້ມຄອງແບບລວມສູນ ຕາມກົດໝາຍ. ສະນັ້ນ, ພັກ - ລັດຖະບານເຮົາ ຈຶ່ງເຫັນໄດ້ຄວາມສຳຄັນຂອງວຽກງານແຮງງານ ແລະ ສະຫວັດດີການສັງຄົມ ແລະ ທ່ານລັດຖະມົນຕີຍັງໄດ້ເນັ້ນໜັກຕື່ມອີກວ່າ: ຮຽກຮ້ອງໃຫ້ຄະນະກົມພັດທະນາສີມືແຮງງານ ແລະ ຈັດຫາງານ ທີ່ໄດ້ຮັບການແຕ່ງຕັ້ງ, ສັບຊ້ອບຮັບໜ້າທີໃໝ່ ຈົ່ງເພີ່ທມທະວີຄວາມຮັບຜິດຊອບ ແລະ ເປັນເຈົ້າການຄົ້ນຄວົ້າວຽກງານຂອງຕົນຮັບຜິດຊອບໃຫ້ມີປະສິດທິຜົນສູງຂື້ນ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມ./

ພາບ-ຂ່າວ: ນ. ເພັດສະໄໝ ພິມມະສອນ/ຂປລ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.