Header Ads

Huawei P10 ແລະ P10 Plus ເປີດຕົວຢ່າງຍິ່ງໃຫຍ່ ກັບໂປຣສຸດຄັກ!


HUAWEI P10 ນຳສະເໜີສີໃໝ່ ພ້ອມກັບ ຂໍ້ສະເໜີສຸດພິເສດຮ່ວມກັບ ລາວໂທລະຄົມ ແລະ ອິອອນ
ໃນຫວ່າງ 2 ເດືອນ ທີ່ມານີ້, ບໍລິສັດຫົວເຫວີຍ ເທັກໂນໂລຢີ ລາວ ໄດ້ເປີດໂຕຢ່າງເປັນທາງການ ຂອງສະມາດໂຟນແຫ່ງປີ HUAWEI P10 ແລະ P10 Plus, ພ້ອມກັບໂປຼໂມຊັນແພັກເກັດສຸດພິເສດ ຈາກລາວໂທລະຄົມ. ເຊີ່ງກໍ່ໄດ້ຜົນຕອບຮັບທີ່ດີຫຼາຍບໍ່ວ່າຈະເປັນທາງດ້ານ ສື່ສຽງຂອງຜະລິດຕະພັນ, ຄວາມນິຍົມ ແລະ ຍອດການສັ່ງຊື້. ແລະນີ້ກໍ່ເປັນເຫດຜົນຂອງມື້ນີ້ທີ່ ຫົວເຫວີຍ ໄດ້ນຳສະເໜີ  HUAWEI P10 Plus ສີຂຽວ (Greenery) ສີສັນຂອງປີ 2017 ທີ່ຈະເປັນຕົວແທນແຟຊັນຂອງປີນີ້ ພ້ອມກັບ ຂໍ້ສະເໜີສຸດພິເສດໃໝ່ລ່າສຸດ ທີ່ຮ່ວມມືກັບບໍລິສັດ ລາວໂທລະຄົມ ແລະ ອິອອນ% ທີ່ຈັດຂື້ນໃນວັນທີ 17 ມິຖຸນາ 2017 ທີ່ ສູນການຄ້າວຽງຈັນເຊັນເຕີ້, ຊັ້ນ 1.


ພາຍໃນງານ ທ່ານນາງ ຊັດຊະນີ ສຸມາເນດ ຮອງຜູ້ອຳນວຍການຝ່າຍອຸປະກອນສື່ສານຫົວເຫວີຍລາວ ໄດ້ໃຫ້ກຽດຂຶ້ນສະເໜີ  ຫົວເຫວີຍ P10 Plus ສີຂຽວ ສີແຫ່ງປີ 2017 ເຊິ່ງບໍລິສັດຫົວເຫວີຍ ໄດ້ຮ່ວມມືກັບສະຖາບັນແຫ່ງສີ Pantone ຊຶ່ງເປັນຜູ້ຊ່ຽວຊານກ່ຽວກັບສີລະດັບໂລກ ທີ່ຈະເຮັດໃຫ້ສະມາດໂຟນມີສີສັນໃໝ່ໆ ທີ່ບໍ່ເຄີຍມີມາກ່ອນ ກໍ່ເຊັນດຽວກັນກັບສີຂຽວ (Greenery) ທີ່ໂຕເຄື່ອງມີການອອກແບບທີ່ໃຫ້ຄວາມຫລູຫລາຫລາຍຂຶ້ນ ດ້ວຍພື້ນຜິວ diamond-cut ພາໃຫ້ເກີດຄວາມແວວວາວເມື່ອກະທົບກັບແສງ ຊຶ່ງພາໃຫ້ໂທນສີນີ້ກາຍເປັນສີຍອດນິຍົມ, ແລະບໍ່ຄ່ອຍເຫັນມາກ່ອນ. ນອກນີ້ເຮົາກໍ່ຍັງມີອີກຫຼາກຫຼາຍສີສັນໃຫ້ທ່ານໄດ້ເລືອກ ເຊັ່ນ:  Greenery, Dazzling Blue, Dazzling Gold, Prestige Gold, Graphite Black.  ແລະກໍ່ເປັນຄັ້ງທຳອິດໃນປະເທດລາວ ທີ່ມີການຮ່ວມມືກັນຂອງ 3 ບໍລິສັດ ຫົວເຫວີຍ, ລາວໂທລະຄົມ, ອີອອນ ທີ່ສະເໜີແພັກເກັດສຸດຄຸ້ມໃຫ້ກັບລູກຄ້າທຸກທ່ານໂດຍມີໃຫ້ລູກຄ້າເລືອກ 2 ແພັກເກັດ ສຳລັບ Huawei P10/P10 Plus ຄື:




1. ແພັກເກັດ ຈ່າຍພຽງ 0ກີບ ຮັບເຄື່ອງໄປເລີຍ  ສຳລັບລູກຄ້າທີ່ສະຫມັກແພັກເກັດພິເສດ ລາວໂທລະຄົມ ໄລຍະ 12ເດືອນ
ແພັກເກັດພຽງເດືອນລະ 792,000 ກີບ/ເດືອນ ໄດ້ຮັບອິນເຕີເນັດດາຕ້າ 15.000 MB ແລະ ໂທທຸກເຄື່ອຂ່າຍ 240 ນາທີ/ເດືອນ
2. ຫລຸດລາຄາເຄື່ອງ 50% ຈ່າຍພຽງເຄິ່ງຫນຶ່ງ ຮັບເຄື່ອງໄປເລີຍ ສຳລັບລູກຄ້າທີ່ສະຫມັກແພັກເກັດພິເສດ ລາວໂທລະຄົມ ໄລຍະ 12ເດືອນ
P10 plus ລາຄາປົກກະຕິ 5,600,000 ກີບ ເຫລືອພຽງ 2,800,000 ກີບ
ຈ່າຍຄ່າແພັກເກັດເດືອນລະ 395,000 ກີບ/ເດືອນ ໄດ້ຮັບອິນເຕີເນັດດາຕ້າ 6000 MB ແລະ ໂທທຸກເຄື່ອຂ່າຍ 200 ນາທີ/ເດືອນ

ນອກຈາກນີ້ HUAWEI P10 Plus ສີຂຽວ (Greenery) ກໍ່ມາພ້ອມກັບ ໂປຼໂມຊັ່ນຂອງແຖມມູນຄ່າລວມກວ່າ 3,000,000 ກີບ ເຊັ່ນ: ແພັກເກັດໂທຟຣີ ແລະ ຫຼີ້ນອິນເຕີເນັດ ຈາກລາວໂທລະຄົມ, ຫົວເຫວີຍກີຟບ໊ອກ ແລະຍັງມີ ລຳໂພງບູທູດ ສຸດຍອດຄຸນນະພາບສຽງ ມູນຄ່າ : 800,000 ກີບ. ແລະ ເຮົາຍັງພູມໃຈທີ່ຈະນໍາສະເໜີ ການບໍລິການຫຼັງການຂາຍທີ່ດີສຸດໃຫ້ແກ່ລູກຄ້າ HUAWEI P10 ແລະ P10+ ເຊັ່ນຮັບປະກັນໜ້າຈໍ 3 ເດືອນ, ໄປຮັບເຄື່ອງຢູ່ບ້ານມາສ້ອມແປງ (ສະເພາະ ນະຄອນຫຼວງວຽງຈັນ), ສ້ອມແປງໄວພາຍໃນ 2 ຊົ່ວໂມງ ແລະ ສະລັກຊື່.




ແລະເພື່ອເປັນການຢັ້ງຢືນວ່າ HUAWEI P10 ແລະ P10 Plus ເປັນສຸດຍອດສະມາດໂຟນແຫ່ງການຖ່າຍຮຸບ. ເຮົາກໍ່ໄດ້ມີກິດຈະກໍາອີກຫຼາຍຢ່າງເພື່ອປ່ຽນມູມມອງ ແລະ ເປີດປະສົບການໃໝ່ ຂອງການຖ່າຍຮູບພາບ ເຊັ່ນ ການຮ່ວມໂຕຄັ້ງຍິ່ງໃຫຍ່ທີ່ສຸດແຫ່ງປີ ຂອງບັນດາຊ່າງພາບມືອາຊີບຄົນດັງໃນປະເທດລາວ ທີ່ຈະມາເປັນຫົວຫນ້າທີມ ສອນແບບພິເສດ ແລະ ບອກເທັກນິກການຖ່າຍພາບດ້ວຍ Huawei P10/P10Plus ໃຫ້ອອກມາສົມບູນແບບ ແລະ ເລີດອະລັງການແບບມືອາຊີບ. ນອກນີ້ກໍ່ມີການແຂ່ງຂັນ ເພື່ອຊີງເງິນລາງວັນມູນຄ່າ 10.000.000ກີບ ແລະ ຜູ້ເຂົ້າແຂ່ງຂັນຈະໄດ້ເຂົ້າຮ່ວມ Workshop ກັບຫົວຫນ້າທີມເພື່ອຮຽນຮູ້ ແລະ ເຝືກຊ້ອມໄປກັບທີມຂອງທ່ານ ເປັນການເປິດປະສົບການໃຫມ່ໆໃຫ້ກັບບັນດາ ຜູ້ຊົມໃຊ້ HUAWEI P10 ແລະ P10+ ນຳອີກ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.