Header Ads

ລົດເກັງປະທະລົດຈັກ ເສຍຊີວິດຄາທີ 1 ຄົນ ທີ່ທາງເລກ 10​ ເຂດບ້ານດ່ານຊ້າງ 24/7/2017


ນະຄອນຫຼວງວຽງຈັນ: ລາຍງານຈາກ ສະມາຄົມອາສາກູ້ໄພນະຄອນຫຼວງ ໃຫ້ຮູ້ວ່າ ໃນຕອນເຊົ້າຂອງວັນທີ 24/7/2017 ເວລາປະມານ 06:00 ນາທີໄດ້ຮັບແຈ້ງເຫດເຂົ້າເບີສຸກເສີນ 1624 ວ່າມີລົດໃຫຍ່ຕຳລົດຈັກ ຢູ່ບ້ານ ດ່ານຊ້າງ ເມືອງ ໄຊທານີ ນະຄອນຫຼວງວຽງຈັນ.


ໜ່ວຍກູ້ຊີບ-ກູ້ໄພ ນະຄອນຫຼວງຈຶ່ງອອກກວດສອບເຫດ ພົບເຫັນຄົນເຈັບ 1 ຄົນເປັນເພດຊາຍ ເຊິ່ງມີອາການໝົດສະຕິ, ກະທົບຫົວຢ່າງຮຸນແຮງ, ເສຍເລືອດຫຼາຍ ແລະ ບໍ່ຫາຍໃຈ ສະນັ້ນ ພວກເຮົາຈຶ່ງໄດ້ທຳການ CPR (ປໍ້າຫົວໃຈ) ແຕ່ຜູ້ກ່ຽວບໍ່ມີການຕອບສະໜອງໃດໆ ແລະ ເສຍຊີວິດ.

ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງໄດ້ເກັບມ້ຽນຄາບສົບແລ້ວນຳສົ່ງວັດປ່າໂນນສະອາດ ເພື່ອໃຫ້ຍາດພີ່ນ້ອງເຮັດພິທີຕາມສາສະໜາ.

ສ່ວນສາເຫດຂອງອຸບັດຕິເຫດຄັ້ງນີ້ ເຈົ້າໜ້າທີ່ກ່ຽວຂ້ອງຈະດຳເນີນການຕໍ່ໄປ. ເຕືອນໄພໃຫ້ທຸກຄົນຂັບຂີ່ລົດດ້ວຍຄວາມລະມັດລະວັງ.

ພາບແລະຂ່າວ: 1624





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.