Header Ads

ທະຫານແຂວງຫຼວງພະບາງ ໄດ້ປິດຊຸດການຝຶກແອບການເມືອງ, ການທະຫານ ໄຕມາດທີ 1 ປະຈຳປີ 2017


ໃນວັນທີ ວັນທີ 1 ກໍລະກົດ 2017 ນີ້ ກອງຮ້ອຍ 11 ທະຫານແຂວງຫຼວງພະບາງ ໄດ້ປິດຊຸດການຝຶກແອບການເມືອງ, ການທະຫານ ໄຕມາດທີ 1 ປະຈຳປີ2017 ພາຍຫຼັງດຳເນີນ ມາເປັນເວລາ 120 ວັນ ຕາມແຜນການ ແລະ ຄໍາສັ່ງແນະນໍາຂອງພະແນກເສນາທິການ ກອງບັນຊາການທະຫານແຂວງຫຼວງພະບາງ ໂດຍການເປັນປະທານຂອງສະຫາຍ ພັນເອກ ບຸນຊູ້ ດວງຄຳມີ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຫຼວງພະບາງ, ຄະນະພັກ-ຄະນະບັນຊາແຕ່ລະຂັ້ນ ຕະຫຼອດ ຮອດພະນັກງານ-ນັກຮົບ ໃນກົມກອງເຂົ້າຮ່ວມ.



 ສະຫາຍ ຮອ ຄຳໄບ ຈັນບຸນທັນ ຜູ້ຮັບຜິດຊອບວຽກງານອົບຮົມໄດ້ຍົກໃຫ້ຮູ້ວ່າ: ການອົບຮົມຫັດແອບກໍ່ເພື່ອເຮັດໃຫ້ ພະນັກງານນັກຮົບມີແນວຄິດອຸ່ນອ່ຽງທຸນທ່ຽງ ເຊຶ້ອໝັ້ນຕໍ່ການນຳພາຂອງພັກ-ລັດ,ມີຄວາມສາມັກຄີຊ່ວຍເຫລືອເຊິ່ງກັນ ແລະ ກັນ ມີຄວາມອົງອາດກ້າຫານໃນການເຄື່ອນໄຫວປະຕິບັດໜ້າທີວຽກງານປົກປັກຮັກສາ ແລະ ພັດທະນາປະເທດຊາດ, ການຫັດແອບຄັ້ງນີ້ມີຈໍານວນພົນເຂົ້າຫັດແອບຕົວຈີງ 46 ສະຫາຍ,ຍິງ 3 ສະຫາຍ, ໂດຍມາຈາກແຕ່ລະໝວດ, ວິຊາທີນຳມາຫັດແອບຮຳຮຽນປະກອບມີ: ວິຊາລະບຽບຂອງກອງທັບ, ກິລາການທະຫານ, ການເມືອງ, ວຽກງານເສນາທິການ, ວຽກງານພະລາທິການ, ວິຊາສິລະປະຍຸດ-ຢຸດທະວິທີທະຫານລາບ, 



ນອກນີ້ຍັງໄດ້ຮໍ່າຮຽນເອກະສານທີສຳຄັນຕ່າງໆເຊັ່ນ: ເອກະສານວັນສ້າງຕັ້ງກອງທັບປະຊາຊົນລາວ 68ປີ, ວັນຜາວົງປິດລ້ອມຂອງວິລະຊົນທີທົ່ງໄຫຫີນແຂວງຊຽງຂວາງ, ເອກະສານໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກແນວລາວຮັກຊາດ, ຮຽນເອກະສານອຸດົມຄະຕິເປົ້າໝາຍສູ້ລົບຂອງກອງທັບ, ເອກະສານປະເທດລາວຄົນລາວເປັນເຈົ້າຂອງ, ແລະ ຮຳຮຽນບົດຮຽນທາງການທະຫານອີກ ຈໍານວນໜຶ່ງ ຜ່ານການຫັດແອບສາມາດ ສະຫລຸບຕີລາຄາ ຜົນການອົບຮົມຫັດແອບແມ່ນບັນລຸ 99,92%ໃນຕອນທ້າຍ ກໍໄດ້ຮັບຟັງ ການໂອ້ລົມຂອງ ພັນເອກ ບຸນຊູ້ ດວງຄຳມີ ຫົວໜ້າການເມືອງ ກອງບັນຊາການທະຫານແຂວງ ກ່ອນອຶ່ນສະຫາຍໄດ້ຍ້ອງຍໍຊົມເຊີຍ ຕໍ່ຜົນງານທີ່ກອງຮ້ອຍ 11 ຍາດມາໄດ້ໃນໄລຍະຜ່ານມາ ພ້ອມທັງໄດ້ເນັ້ນໜັກບາງບັນຫາ ແລະ ຮຽກຮ້ອງຄະນະພັກ-ຄະນະບັນຊາ ຕະຫຼອດຮອດພະນັກງານ-ນັກຮົບຈົ່ງສືບຕໍ່ເຝິກຝົນຫຼໍ່ ຫຼອມຕົນເອງ, ປະຕິບັດຄຳສັ່ງຂອງຂັ້ນສູງຢ່າງເດັດຂາດໃນຍາມທຳມະດາກໍຄືຍາມສູ້ຮົບ., ເພີ່ມທະວີຄວາມສາມັກຄີເປັນປຶກແຜ່ນ, ຍົກສູງຄວາມຮັບຜິດຊອບ, ພ້ອມກັນຕັດສິນໃຈຜ່ານຜ່າທຸກຂໍ້ຫຍຸ້ງຍາກ ສ້າງໃຫ້ກົມກອງກ້າວຂຶ້ນຢ່າງບໍ່ຢຸດຢັ້ງ. 

ພາບແລະຂ່າວ: ນ. ໄລວັນ ໄຕຍະມາດ 0
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.