Header Ads

ແຫຼ່ງຜະລິດພະລັງງານໄຟຟ້າ ຂອງລາວຈະມີເຖິງ 100 ແຫ່ງໃນປີ 2020


ທ່ານ ຄຳມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ກ່າວຕໍ່ກອງປະຊຸມເປີດກວ້າງ ເພື່ອລະດົມຄວາມຄິດໃສ່ຮ່າງນະໂຍບາຍແຜນພະລັງງານ ຂອງ ສປປ ລາວ ໃນວັນທີ 4 ກໍລະກົດນີ້ ທີ່ຫໍປະຊຸມແຫ່ງຊາດ ກ່າວວ່າ: ສປປ ລາວ ໄດ້ຮັບຜົນສຳເລັດການພັດທະນາອຸດສາຫະກຳພະລັງງານໄຟຟ້າໂດຍສະເພາະແມ່ນໄລຍະ 10 ກວ່າປີຜ່ານມາ ໄດ້ຂະຫຍາຍຕົວຢ່າງກ້າວກະໂດດ.

ໃນປີ 2005 ສປປ ລາວມີເຂື່ອນທີ່ຜະລິດພະລັງງານໄຟຟ້າພຽງແຕ່ 9 ແຫ່ງ, ມີກຳລັງຕິດຕັ້ງປະມານ 679 ເມກາວັດ ສາມາດຜະລິດພະລັງງານໄຟຟ້າໄດ້ພຽງແຕ່ 3.236 ລ້ານກິໂລວັດໂມງຕໍ່ປີເທົ່ານັ້ນ ແຕ່ມາຮອດປັດຈຸບັນມີເຂື່ອນຜະລິດພະລັງງານໄຟຟ້າເຖິງ 46 ແຫ່ງ ດ້ວຍກຳລັງຕິດຕັ້ງ 6.444 ເມກາວັດ ແລະ ສາມາດຜະລິດພະລັງງານໄຟຟ້າໄດ້ເຖິງ 35.000 ລ້ານກິໂລວັດໂມງຕໍ່ປີ ເຊິ່ງເປັນການຂະຫຍາຍຕົວແບບກ້າວກະໂດດທີ່ບໍ່ເຄີຍມີມາກ່ອນ.



ທ່ານ ກ່າວອີກວ່າ: ປັດຈຸບັນມີ 54 ໂຄງການທີ່ກຳລັງດຳເນີນການກໍ່ສ້າງ ແລະ ກຳລັງຈະລົງມືກໍ່ສ້າງຄາດວ່າຮອດປີ 2020 ຈະໃຫ້ສຳເລັດທັງຫມົດ ເຊິ່ງມີກຳລັງຕິດຕັ້ງປະມານ 13 ພັນກວ່າເມກາວັດ, ມີກຳລັງຜະລິດປະມານເກືອບ 77 ພັນລ້ານກິໂລວັດໂມງຕໍ່ປີ, ໃນນັ້ນ 85% ແມ່ນສົ່ງອອກໄປຕ່າງປະເທດ.

No comments

Powered by Blogger.